ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កូន​ប្រសា​ស្រី​របស់​លោក​ប្រធានាធិបតី​ ត្រាំ ត្រូវ​បញ្ជូន​ទៅ​មន្ទីរពេទ្យ បន្ទាប់​ពី​បើក​សំបុត្រ​មួយ​ច្បាប់​ដែល​មាន​ផ្ទុក​ម្សៅ​ស​មួយ​ប្រភេទ


លោកDonal Trump Jr និង​លោកស្រី Vanessa Trump ដើរ​ចេញ​ជាមួយ​គ្នា​ បន្ទាប់​ពី​ចូលរួម​ក្នុង​ព្រះវិហារ​នៅ​ព្រះវិហារ St. John's Episcopal Church កាលពី​ថ្ងៃទី២០ ខែមករា ឆ្នាំ២០១៧។
លោកDonal Trump Jr និង​លោកស្រី Vanessa Trump ដើរ​ចេញ​ជាមួយ​គ្នា​ បន្ទាប់​ពី​ចូលរួម​ក្នុង​ព្រះវិហារ​នៅ​ព្រះវិហារ St. John's Episcopal Church កាលពី​ថ្ងៃទី២០ ខែមករា ឆ្នាំ២០១៧។

លោកស្រី Vanessa Trump ដែល​ជា​ភរិយា​របស់​លោក Donald Trump, Jr. ត្រូវ​បាន​បញ្ជូន​ទៅ​កាន់​មន្ទីរ​ពេទ្យ​កាល​ពី​ព្រឹក​ថ្ងៃ​ចន្ទ ដើម្បី​ជា​ការ​ប្រុងប្រយ័ត្ន ​បន្ទាប់​ពី​បើក​លិខិត​មួយ​ច្បាប់​ដែល​មាន​ផ្ទុក​ម្សៅ​ពណ៌​ស ​ដែល​គេ​មិន​អាច​កំណត់​អត្តសញ្ញាណ​បាន​នៅ​ឡើយ។ នេះ​បើ​យោង​តាម​ប៉ូលិស​អាមេរិក។

ការ​ធ្វើ​តេស្ត​បឋម​បង្ហាញ​ថា សារធាតុ​នោះ​មិនមាន​គ្រោះ​ថ្នាក់​នោះ​ទេ។ ក្រុម​មន្ត្រី​និយាយ​ថា កូនស្រី​ប្រសា​របស់​លោក​ប្រធានាធិបតី ដូណាល់ ត្រាំ បាន​បើក​សំបុត្រ​មួយ​ច្បាប់ ដែល​ផ្ញើ​ជូន​លោក Donald Trump, Jr. កាល​ពី​ព្រឹក​ថ្ងៃ​ចន្ទ នៅ​ឯ apartment របស់​ពួកគេ​ក្នុង​ទីក្រុង ញូវយ៉ក។ ​

ប៉ូលិស​និយាយ​ថា លោកស្រី​មាន​អារម្មណ៍​ថា​ឈឺ បន្ទាប់​ពី​បើក​មើល​សំបុត្រ​នោះ​រួច​ហើយ និង​បាន​ទូរស័ព្ទ​ទៅ​លេខ​សង្គ្រោះ​បន្ទាន់ ៩១១ ដោយ​លោកអ្នកស្រី​បញ្ជាក់​ថា លោក​ស្រី​មាន​អាការៈ​ក្អក​និង​កល​រក​ក្អួត។​

ក្រុម​មន្ត្រី​និយាយ​ថា ក្រុម​ការងារ​កម្ចាត់​សារធាតុ​ពុល​បាន​ទៅ​កាន់ apartment ដែល​ស្ថិត​នៅ​កណ្តាល​សង្កាត់ Manhattan នោះ។

អាជ្ញាធរ​អាមេរិក​មាន​ការ​ប្រុងប្រយ័ត្ន​ចំពោះ​ឥវ៉ាន់​ផ្ញើ​តាម​ប៉ុស្តិ៍​ប្រៃសណីយ៍​ដែល​មាន​ផ្ទុក​ម្សៅ​ពណ៌​ស​តាំង​ពី​ឆ្នាំ​២០០១​មក​ម៉្លេះ នៅ​ពេល​ដែល​សំបុត្រ​មួយ​ចំនួន​មាន​ផ្ទុក​ដោយ​សារធាតុ​ពុល ត្រូវ​បាន​បញ្ជូន​ទៅ​កាន់​សមាជិក​រដ្ឋសភា​អាមេរិក​និង​បណ្តាញ​ផ្សព្វផ្សាយ​ព័ត៌មាន​នានា៕

XS
SM
MD
LG