ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សម្តេចប៉ាប​ ហ្វ្រង់ស៊ីស ​សុំ​ទោស​ចំពោះ​រឿង​អាស្រូវ​ក្នុង​ពេល​ថ្មីៗនេះ


សម្តេចប៉ាប​ហ្រ្វង់ស៊ីស​ថែ្លង​ទៅ​កាន់​សាធារណជន​នៅ​ទីលាន​ Saint Peter's នៅ​ឯ​បូរី​វ៉ាទីកង់​នា​ថ្ងៃ​ទី១៤ ខែ​តុលា ឆ្នាំ​២០១៥។
សម្តេចប៉ាប​ហ្រ្វង់ស៊ីស​ថែ្លង​ទៅ​កាន់​សាធារណជន​នៅ​ទីលាន​ Saint Peter's នៅ​ឯ​បូរី​វ៉ាទីកង់​នា​ថ្ងៃ​ទី១៤ ខែ​តុលា ឆ្នាំ​២០១៥។

សម្តេច​ប៉ាប​ ហ្រ្វង់ស៊ីស (Francis) ​បាន​ធ្វើការ​សុំ​ទោស​ដោយ​កម្រមួយ​ និង​ក្នុង​លក្ខណៈ តិចតួច​ចំពោះ​រឿងរ៉ាវ​អាស្រូវ​ពាក់​ព័ន្ធ​នឹង​វិហារ​រ៉ូម៉ាំងកាតូលិក បន្ទាប់​ពី​មាន​អត្ថាធិប្បាយ​មិន​ចំពោះ ​ដែល​បាន​ភ្ជាប់​ទៅនឹង​ព្រះវិហារ​គ្រឹស្តសាសនា​ និង​អ្នក​បួសនៃ​សាសនា​គ្រឹស្ត។

ដោយ​បាន​ថ្លែង​ក្នុង​ទីក្រុង​រ៉ូម នៅ​ពេល​ចាប់​ផ្តើម​ការជួប​សវនាការ​សាធារណៈ​ប្រចាំ​សប្តាហ៍​របស់​ព្រះអង្គ សម្តេចប៉ាប​ហ្វ្រង់ស៊ីស​បាន​មាន​ព្រះបន្ទូល​ថា​ ព្រះ​អង្គ​ស្នើ​សុំ​ឲ្យ​មាន​ការ​អធ្យាស្រ័យ​ទោស​ក្នុង​នាម​ព្រះវិហារ​សាសនា​គ្រឹស្ត​«ចំពោះ​រឿងរ៉ាវអាស្រូវ​ដែល​បាន​ប៉ះទង្គិច​មក​ដល់​ទីក្រុង​រ៉ូម ​និង​បូរីវ៉ាទីកង់ក្នុង​រយៈពេល​ថ្មីៗនេះ‍»។ ព្រះអង្គមិន​បាន​ផ្តល់​សេចក្តី​ពិស្តា​រ​ថា​រឿងរ៉ាវ​អាស្រូវ​អ្វីខ្លះ​ ដែល​ព្រះ​អង្គមាន​បន្ទូលអំពី​ទេ។​

ព្រះអង្គ​បន្ថែម​ថា៖ «វាជា​រឿង​មិន​អាច​ជៀសវាង​បាន​ ដែល​រឿងរ៉ាវ​អាស្រូវ​កើតមានឡើង ប៉ុន្តែ​វា​ជា​រឿង​អាក្រក់​ចំពោះ​អ្នក​ដែល​បាន​បង្ក​បញ្ហា​នោះ‍»។​ ព្រះ​បន្ទូល​ចុងក្រោយ​នេះ​គឺ ដកស្រង់​ចេញ​ពី​ព្រះគម្ពី​ប៊ីប។

អត្ថាធិប្បាយ​របស់​សម្តេច​ប៉ាប​បាន​នាំ​ឲ្យ​មាន​ការ​ទះដៃ​អបអរសាទរ​ ប៉ុន្តែ​ក៏​មាន​ការ​ភាន់​ភាំង​ថា​តើ​រឿងរ៉ាវ​អាស្រូវ​អ្វី ទៅ​ដែល​ព្រះ​អង្គ​ចង់​មាន​បន្ទូល​ដល់​។ បូរីវ៉ាទីកង់​មិន​បាន​ឆ្លើយ​នឹង​សំណួរ​ថា​តើ​បញ្ហា​អ្វី​ដែល​សម្តេច​សង្ឃប៉ាប​បាន​លើក​ឡើង​នោះទេ។​

បញ្ហា​កន្លងមក​ក្នុង​ពេល​ថ្មីៗ​នេះ​ដែល​គេ​កត់​សម្គាល់​គឺ​ មាន​ការប្រកាស​របស់​សង្ឃនៅ​បូរីវ៉ាទីកង់​មួយ​អង្គ​ដែលថា គាត់ជាមនុស្ស​ដែល​ស្រឡាញ់​ភេទ​ដូច​គ្នា និង​រឿង​រ៉ាវ​នៃ​ការ​ចំណាយ​ផ្ទាល់​ខ្លួន​របស់​ចៅហ្វាយ​ក្រុង​រ៉ូម​ដែល​នាំ​ឲ្យ​មានការ​លាលែង​ចេញ​ពី​តំណែង៕

XS
SM
MD
LG