ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សមាគម​ពេទ្យ​ភ្នែក​សហរដ្ឋ​អាមេរិក​ថា «ភ្នែក​ក្រហម» អាច​ជា​រោគសញ្ញា​នៃ​ជំងឺ COVID-19


វីរុស​កូរ៉ូណា​នីមួយៗ​មាន​ទំហំ​អង្កត់ផ្ចិត​ប្រវែង​១២០ណាណូម៉ែត្រ ដែល​មាន​ន័យ​ថា វីរុស​ប្រមាណ​៧៥០​អាច​ស្ថិត​នៅ​ក្នុង​សក់​របស់​មនុស្ស។

បណ្ឌិត​សភា​ផ្នែក​ជំងឺ​ភ្នែក​សហរដ្ឋ​អាមេរិក ដែល​ហៅ​កាត់​ថា AAO បាន​ព្រមាន​ថា ជំងឺ​ភ្នែក​ធម្មតា​មួយ​អាច​ជា​រោគ​សញ្ញា​មួយ​ទៀត​នៃ​វីរុស​កូរ៉ូណា។

ជំងឺ​នេះ​មាន​ឈ្មោះ​ថា conjunctivitis ដែល​គេ​ស្គាល់​ជា​ធម្មតា​ថា​ជំងឺ​ភ្នែក​ក្រហម។

បណ្ឌិត​សភា AAO បាន​ប្រាប់​គ្រូពេទ្យ​ភ្នែក និងអ្នកជំនាញ​ឯទៀតៗ ដែល​ព្យាបាល​អ្នក​ជំងឺ​ភ្នែក ឱ្យ​ប្រុង​ប្រយ័ត្ន​ពី​ព្រោះ​បណ្ឌិត​សភា​នេះ​បាន​សង្កេត​ថា​ជំងឺ COVID-19 អាច​ធ្វើ​ឲ្យ​អ្នក​ជំងឺ​មួយ​ចំនួន​តូច​មាន​អាការៈ​ភ្នែក​ក្រហម។

ការ​សិក្សា​ស្រាវជ្រាវ​មួយ​របស់​ទស្សនាវដ្តី Journal of Medical Virology បាន​បញ្ជាក់​ថា ពួក​អ្នក​ស្រាវជ្រាវ​បាន​រក​ឃើញ​ភស្តុតាង​នៃ​វីរុស​ដែល​បណ្តាល​កើត​ជំងឺ COVID-19 នេះ នៅ​ក្នុង​ទឹក​ភ្នែក​អ្នក​ជំងឺ​ផ្ទុក​វីរុស​កូរ៉ូណា​ណា​ដែល​មានជំងឺ​ក្រហម​ភ្នែក​ដែរ។

បណ្ឌិត​សភា AAO បាន​ចេញ​ផ្សាយ​សេចក្តី​ណែនាំ​ដល់​ក្រុម​គ្រូពេទ្យ​ភ្នែក​ឱ្យ​អនុវត្ត​តាម ដើម្បី​បញ្ជៀស​កុំ​ឱ្យ​មាន​ការ​ឆ្លង​រាលដាល​វីរុស​កូរ៉ូណា ដែល​ក្នុង​នោះ​មាន​ដូចជា​ការ​ពាក់​វ៉ែនតា​ដើម្បី​ការពារ​ភ្នែក និង​ពាក់​ម៉ាស់​ការពារ​ច្រមុះ និង​មាត់​នៅ​ពេល​ព្យាបាល​អ្នក​ជំងឺ​ភ្នែក​ក្រហម៕

ប្រែ​សម្រួល​ដោយ ឈឹម សុមេធ

តួលេខនៃករណីឆ្លងជំងឺកូវីដ១៩

XS
SM
MD
LG