ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រទេសប៉ារ៉ាហ្គាយ​រើ​ស្ថានទូត​ចេញ​ពី​ទីក្រុងហ្ស៊េរុយសាឡិម


រូបភាពឯកសារ៖ ប៉ារ៉ាហ្គាយ​ចង់ចូល​រួម​ចំណែក​ក្នុង​ការ​រឹតបន្តឹង​ការ​ខិត​ខំ​ប្រឹងប្រែង​ការទូត​ដើម្បី​ទទួល​បាន​សន្តិភាព​យូរ​អង្វែង​នៅ​បស្ចឹ​ម​ប្រទេស។

កាល​ពី​ថ្ងៃពុធ​ប្រទេសអ៊ីស្រាអែល​បាន​ប្រកាស​ថា​ខ្លួន​នឹង​បិទ​ស្ថានទូត​នៅក្នុង​ប្រទេសប៉ារ៉ាហ្គាយ​ និង​បាន​កោះ​ហៅ​ឯកអគ្គរដ្ឋទូត​របស់​ខ្លួន​ត្រឡប់​ទៅ​អ៊ីស្រាអែល​វិញ​ បន្ទាប់​ពី​ប្រទេសប៉ារ៉ាហ្គាយ​ប្រកាស​ថា​នឹង​រើ​ស្ថានទូត​របស់​ខ្លួន​ចេញ​ពីរដ្ឋធានី Jerusalem របស់​អ៊ីស្រាអែល​ទៅ​ដាក់​នៅ​ទីតាំង​ជិត​ទីក្រុង Tel-Aviv វិញ។

កាល​ពី​ខែឧសភា​ ប្រទេសប៉ារ៉ាហ្គាយ​បាន​រើ​ស្ថានទូត​របស់​ខ្លួន​ទៅ​ដាក់​នៅក្នុង​ទីក្រុង Jerusalem​បន្ទាប់​ពី​សហរដ្ឋអាមេរិក​និង​ប្រទេសហ្គាតេម៉ាឡា។

ប្រទេសប៉ារ៉ាហ្គាយ​មិន​បាន​ផ្តល់​ហេតុផល​ជាក់លាក់​ពាក់ព័ន្ធ​នឹង​ការ​រើ​ស្ថានទូត​ទៅកាន់​ទីក្រុង T​el-Aviv វិញ​ទេ។

លោក Luis Alberto Castiglioni រដ្ឋមន្រ្តី​ការបរទេស​ប៉ារ៉ាហ្គាយ​បាន​ថ្លែង​នៅ​អំឡុង​ពេល​ប្រកាស​ជា​ផ្លូវការ​អំពី​ការ​រើ​ស្ថានទូត​ថា៖«ប្រទេសប៉ារ៉ាហ្គាយ​ចង់​ចូលរួម​ឲ្យ​បាន​ខ្លាំងក្លា​នៅក្នុងទំនាក់ទំនង​នយោបាយ​ក្នុង​តំបន់​ដើម្បី​សម្រេច​បាន​នូវ​សន្តិភាព​ទូទៅ​មួយ​ប្រកប​ដោយ​យុត្តិធម៌​និង​យូរអង្វែង​នៅក្នុង​តំបន់​មជ្ឈិមបូព៌ា»។

ប្រទេស​ជាច្រើន​បាន​រក្សា​ទុក​ស្ថានទូត​របស់​ខ្លួន​នៅក្នុង​ទីក្រុង Tel-Aviv។ ទាំង​ប្រទេសអ៊ីស្រាអែល​ និង​ប៉ាឡេស្ទីន​បាន​ទាមទារ​យក​ទីក្រុង Jerusalemជា​រដ្ឋធានី​របស់​ខ្លួន។

លោកប្រធានាធិបតី​សហរដ្ឋអាមេរិកDonald Trumpកាល​ពី​ខែធ្នូ​ឆ្នាំមុន​បាន​រំលោភ​លើ​ប្រពៃណី​ដែល​មាន​ជាយូរ​មក​ហើយ​ ដោយ​បាន​ធ្វើ​ឲ្យ​សហរដ្ឋអាមេរិក​ក្លាយ​ជា​ប្រទេស​ទីមួយ​ដែល​រើ​ស្ថានទូត​ចេញ​ពីទីក្រុង Tel-Aviv និង​បាន​ប្រកាស​ទទួល​ស្គាល់​ទីក្រុង Jerusalemជា​រដ្ឋធានី​របស់​អ៊ីស្រាអែល៕

XS
SM
MD
LG