ភ្ជាប់​ទៅ​គេហទំព័រ​ទាក់ទង

ការ​ផ្ទុះ​គ្រាប់បែក​អត្តឃាត​​បា​នសម្លាប់​មនុស្ស​ ១២នាក់​នៅ​បាគីស្ថាន


ក្រុម​យោធា​បាគីស្ថាន និង​ក្រុមអ្នកជួយសង្រ្គោះ​ព្យាយាម​ទាញ​យក​សាកសព​​ចេញ​ពី​កម្ទេច​គំនរ​នៅ​កន្លែង​ដែល​រង​ការ​វាយប្រហារ​ដោយ​គ្រាប់បែក​នៅ​ប្រទេស​បាគីស្ថាន។

រដ្ឋមន្ត្រី​ក្រសួ​ង​មហាផ្ទៃ​នៃ​ខេត្ត Punjab ដែល​មានម​នុស្សច្រើន​នៅ​ក្នុង​ប្រទេសបាគីស្ថាន និង​មនុស្ស​យ៉ាង​តិចណាស់​១២​នាក់​ទៀត​បាន​ត្រូវ​ធ្វើឃាត​នៅ​ក្នុង​ការ​បំផ្ទុះ​គ្រាប់បែក​អត្តឃាត​មួយ។

លោក​ Saeed Elahi ទីប្រឹក្សា​ខាង​សុខាភិបាល​របស់​រដ្ឋាភិបាល​ខេត្ត Punjab បាន​និយាយ​ប្រាប់​ទូរទស្សន៍​រដ្ឋ​ថា​ លោករដ្ឋមន្ត្រី​ Shuja Khanzada ឋិត​នៅក្នុង​ចំណោម​ពួក​ជន​ដែល​បាន​ត្រូវ​សម្លាប់​នៅ​ថ្ងៃ​អាទិត្យនេះ។ ​ក្រុម​អ្នក​ជួយ​សង្គ្រោះ​បាននិយាយ​ថា ​ចំនួនមនុស្ស​ស្លាប់​ទំនង​ជា​នឹង​កើន​ឡើង​ថែម​ទៀត។​ មាន​មនុស្ស​មួយ​ចំនួន​ជាប់គាំង​នៅ​ក្រោម​កម្ទិចកម្ទី។

ក្រុម​អ្នក​ឃើញ​ហេតុការណ៍​ដោយ​ផ្ទាល់​បាន​និយាយថា ​មាន​មនុស្ស៣០​នាក់​បាន​ឋិត​នៅ​ក្នុង​ផ្ទះ​រដ្ឋមន្ត្រី​រូបនេះនៅ​ក្នុង​ស្រុក​ Attock នា​ប៉េក​ឦសាន​ប្រទេស​នៅពេល​ដែល​អ្នក​ដាក់​គ្រាប់បែក​អត្តឃាត​ម្នាក់​ចូល​ទៅ​ក្នុង​ផ្ទះ​នោះ ហើយបាន​បំផ្ទុះ​គ្រឿង​ផ្ទុះ បន្ទាប់​ពីឆ្មាំ​សន្តិសុខ​បាន​ឃើញ​ជន ហើយ​បាន​ខិត​ខំ​បញ្ឈប់។​ មា​ន​មនុស្ស​រាប់​សិប​នាក់​ដោយមាន​រួម​បញ្ចូល​ទាំង​ក្រុម​ប៉ូលិសផង​បាន​ជាប់គាំង​នៅ​ក្រោម​កម្ទិចកម្ទី​ បន្ទាប់​ពី​ការ​ផ្ទុះ​ដ៏​ខ្លាំង​នោះ​បាន​ធ្វើ​ឲ្យ​អាគារ​នោះ​រលំ។​

អាជ្ញាធរ​បាននិយាយ​ថា ​រដ្ឋមន្ត្រី​ដែល​ស្លាប់​នេះ​បាន​ទទួល​ការ​គំរាម​កំហែង​ពី​ពួក​ជន​សកម្មប្រយុទ្ធ​និកាយ​ស៊ូនី Lashkar-e Jhangvi ហៅ​កាត់ថា​ LeJ ដែល​គេ​ដឹង​ថា​ពួក​នេះ​បាន​ធ្វើការ​វាយ​ប្រហារ​ដ៏​ប្រល័យ​លើ​ពួក​អ្នកកាន់សាសនា​ឥស្លាម និកាយ​ស៊ីអា​នៅ​ក្នុង​ប្រទេស​បាគីស្ថាន។​ កាលពី​ចុងខែ​មុន ​ក្រុម​ប៉ូលិស​ប្រឆាំង​នឹង​ភេរវកម្ម​នៅ​ក្នុង​ខេត្ត Punjab បានសម្លាប់​ឈ្មោះ​Malik Ishaq​ ប្រធាន​ពួក​LeJនៅ​ក្រៅ​ច្បាប់​ ហើយ​លោកkhanzadaបាន​និយាយ​ល្អិតល្អន់​អំពី​កិច្ចប្រតិបត្តិការ​នេះ​នៅ​ក្នុង​សន្និសីទ​កាសែត​មួយ៕

XS
SM
MD
LG