ក្រុមត្រួតពិនិត្យបណ្តាញផ្សព្វផ្សាយសាកលលោកបានប្រកាសថា ស្ថានភាពសេរីភាពសារព័ត៌មានក្នុងប្រទេសប៉ាគីស្ថានកំពុងយ៉ាប់យ៉ឺន និងបានចោទប្រកាន់ពួកយោធាដ៏មានឥទ្ធិពលក្នុងប្រទេសថា បានធ្វើការបង្ក្រាបយ៉ាងស្ងៀមស្ងាត់ និងមានប្រសិទ្ធភាព និងបានលើកទឹកចិត្តឲ្យមានការចាប់ពិរុទ្ធដោយខ្លួនឯង។
នៅក្នុងរបាយការណ៍ដែលបានផ្សាយកាលពីថ្ងៃពុធ គណៈកម្មាធិការការពារអ្នកសារព័ត៌មានហៅកាត់ថា CPJ បានសរសេររៀបរាប់អំពីការរកឃើញនានា ដោយផ្អែកតាមការសម្ភាសន៍ជាមួយក្រុមអ្នកសារព័ត៌មាននៅអំឡុងពេលចុះទៅបំពេញបេសកកម្មមួយក្នុងប្រទេសប៉ាគីស្ថាននៅឆ្នាំនេះ។ គណៈកម្មាធិការ CPJ បានគូសបញ្ជាក់ថា អាជ្ញាធរប៉ាគីសា្ថនបានគូររូបរបស់បណ្តាញផ្សព្វផ្សាយ ដែលស្ថិតក្រោមការឡោមព័ទ្ធ»។
ទោះជាយ៉ាងណាក៏ដោយការសិក្សាស្រាវជ្រាវមួយបានបង្ហាញថាការសម្លាប់និងអំពើហិង្សាប្រឆាំងនឹងអ្នកសារព័ត៌មានរហូតមកទល់បច្ចុប្បន្នក្នុងប្រទេសប៉ាគីស្ថានត្រូវបានចាត់ទុកថាជា ប្រទេសដែលមានគ្រោះថ្នាក់បំផុតសម្រាប់អ្នកសារព័ត៌មាន។
លោក Steven Butlerអ្នកសម្របសម្រួលកម្មវិធីរបស់ CPJ ប្រចាំតំបន់អាស៊ីបានថ្លែងថា «នៅខណៈដែលមានការធ្លាក់ចុះនៃការសម្លាប់អ្នកសារព័ត៌មានរដ្ឋាភិបាលចាំបាច់ត្រូវប្រឆាំងនឹងសម្ពាធនានាដែលបង្កឡើងដោយសារការចាប់ពិរុទ្ធដោយខ្លួនឯង និងប្រឆាំងនឹងការគំរាមកំហែងទៅលើបណ្តាញផ្សព្វផ្សាយផងដែរ»។ របាយការណ៍នោះក៏បានបញ្ជាក់ថា «ពួកយោធាបានចូលទៅតំបន់មួយចំនួន បានបំភិតបំភ័យដោយផ្ទាល់ និងដោយប្រយោល និងបានញុះញង់ឲ្យមានអំពើហិង្សាប្រឆាំងនឹងអ្នកសារព័ត៌មាន ដើម្បីទប់ស្កាត់មិនឲ្យមានការរាយការណ៍រិះគន់រដ្ឋាភិបាល។
ការវាយប្រហារហិង្សានៅក្នុងប្រទេសប៉ាគីស្ថាននៅប៉ុន្មានទសវត្សរ៍កន្លងមកនេះ បានសម្លាប់អ្នកធ្វើក្នុងប្រព័ន្ធផ្សព្វផ្សាយចំនួន២២នាក់។ យោធា និងទីភ្នាក់ងារស៊ើបអង្កេត ឬពួកយោធាពាក់ព័ន្ធនឹងនយោបាយត្រូវបានសង្ស័យថាជា ប្រភពនៃការវាយប្រហារធ្ងន់ធ្ងរលើអ្នកសារព័ត៌មាន៕
