ជំងឺឆ្លងបង្កដោយដង្កូវហ្គីណេនៅសល់តែ១៤ករណីប៉ុណ្ណោះនៅទូទាំងពិភពលោក
មជ្ឈមណ្ឌល Carter ដែលមានមូលដ្ឋាននៅទីក្រុង Atlanta កំពុងឈានទៅរកការលុបបំបាត់ជំងឺឆ្លងដែលបង្កឡើងដោយដង្កូវហ្គីណេ។ លោក Kane Farabaugh នៃវីអូអេរាយការណ៍ពីទីក្រុង Chicago ថា ប្រសិនបើប្រទេសមួយចំនួននៃទ្វីបអាហ្រ្វិកដែលនៅមានករណីឆ្លងជំងឺនេះ មានដូចជា ប្រទេសឆាដ ស៊ូដង់ខាងត្បូង ម៉ាលី អេត្យូពី និងតំបន់នានានៅតាមព្រំដែនប្រទេសកាមេរូន អាចលុបបំបាត់ជំងឺនេះបានទាំងស្រុង នោះជំងឺនេះនឹងក្លាយជាជំងឺដំបូងគេក្នុងប្រវត្តិសាស្រ្តមនុស្សជាតិដែលត្រូវបានលុបបំបាត់តាមរយៈការទប់ស្កាត់ ហើយមិនមែនតាមរយៈការប្រើវ៉ាក់សាំងទេ។ អ្នកស្រី ស៊ូ ពេជ្រចិន្តា ប្រែសម្រួល៕
