ភ្ជាប់​ទៅ​គេហទំព័រ​ទាក់ទង

លោក​អូបាម៉ា​បាន​ទៅ​ដល់​អេត្យូពី​សម្រាប់​កិច្ច​ពិភាក្សា​លើ​បញ្ហា​សិទ្ធិមនុស្ស​ និង​បញ្ហា​ស៊ូដង់​ខាង​ត្បូង​


លោក​ប្រធានា​ធិបតី​ស.រ.អា ​បារ៉ាក់ ​អូបាម៉ា​បាន​អញ្ជើញ​ទៅ​ដល់​ប្រ​ទេស​អេត្យូពី​ដើម្បី​​ធ្វើ​ការ​ចរចា​រយៈ​ពេល​២​ថ្ងៃ ​ដែល​ផ្តោត​លើ​ភេរវកម្ម ​សិទ្ធិ​មនុស្ស​​និង​សង្គ្រាម​ស៊ីវិល​​ក្នុង​ប្រទេស​ស៊ូដង់​ខាង​ត្បូង។

លោក​ប្រធានា​ធិបតី​ស.រ.អា ​បារ៉ាក់ ​អូបាម៉ា​បាន​អញ្ជើញ​ទៅ​ដល់​ប្រ​ទេស​អេត្យូពី​ដើម្បីធ្វើ​ការ​ចរចា​រយៈ​ពេល​២​ថ្ងៃ ​ដែល​ផ្តោត​លើ​ភេរវកម្ម ​សិទ្ធិ​មនុស្សនិង​សង្គ្រាម​ស៊ីវិលក្នុង​ប្រទេស​ស៊ូដង់​ខាង​ត្បូង។

លោក​ប្រធានា​ធិបតី ​បាន​ទទួល​ការ​ស្វាគមន៍​កាល​ពី​ថ្ងៃ​អាទិត្យនៅឯ​ចំណត​អាកាសយាន​ក្រុង​អាឌីស ​អាបាបា​ ដោយ​លោក Hailemariam Desalegn នាយករដ្ឋ​មន្រ្តី​នៃ​ប្រទេស​អេត្យូពី​ ហើយ​បន្ទាប់​មក​បាន​ធ្វើ​ដំណើរ​ទៅ​កាន់​ស្ថានទូត​ស.រ.អា​ដើម្បី​ចូល​រួម​កិច្ចប្រជុំ​ជាមួយ​បុគ្គលិក​ស្ថានទូត។

នៅ​ថ្ងៃ​ច័ន្ទ​នេះ ​លោក​ប្រធានា​ធិប​តីអូបាម៉ា ​មាន​គម្រោង​ធ្វើ​ការ​ចរចា​ទ្វេភាគី​ជាមួយ​ក្រុម​មេដឹកនាំអេត្យូពី​ និង​បើកកិច្ច​ប្រជុំ​ប្រមុខ​រដ្ឋ​តំបន់​អាហ្វ្រិក​ខាង​កើតដើម្បី​ពិភាក្សា​ជម្លោះ​ក្នុង​ប្រទេស​ស៊ូដង់​ខាង​ត្បូង។

មុនពេល​ចាក​ចេញ​ទៅ​កាន់​ប្រទេស​អេត្យូពី ​លោក​ប្រធានា​ធិបតីអូបាម៉ា ​បាន​ចំណាយ​រយៈ​ពេល​២​ថ្ងៃ​នៅ​ក្នុង​ប្រទេស​កេនយ៉ាន ​ដែល​ជា​មាតុភូមិ​របស់ឪពុក​លោក ​ដែល​នៅ​ទី​នោះ​លោក​ប្រធានា​ធិបតី ​បាន​ត្រូវ​គេហៅ​ថា​ជា​កូន​ប្រុស​របស់​កេនយ៉ា។

ក្នុង​សុន្ទរកថា​មុនពេលចាក​ចេញ​កាល​ពី​ថ្ងៃ​អាទិត្យ ​លោក​ប្រធានា​ធិបតី​អូបាម៉ា ​បាន​មាន​ប្រសាសន៍​ថា កេនយ៉ា ​បាន​ស្ថិត​នៅ​ផ្លូវខ្វែង​ដែល​ពោរពេញ​ទៅ​ដោយគ្រោះ​ថ្នាក់ ​ក៏​ប៉ុន្តែ​ក៏​ពោរពេញ​ទៅ​ដោយសេចក្តី​សង្ឃឹម​ដ៏​ច្រើន​ដែរ។

នេះ​ជាលើក​ទី​មួយ​ដែលប្រធានា​ធិបតី​ស.រ.អា​កំពុងកាន់​ដំណែង​បាន​ទៅ​បំពេញ​ទស្សន​កិច្ច​ប្រទេស​អេត្យូពី ​ដែល​ជាសម្ព័ន្ធ​មិត្ត​ដ៏​សំខាន់​មួយ​របស់​ស.រ.អា​នៅ​ក្នុង​ការ​ប្រយុទ្ធ​ប្រឆាំង​ក្រុម Al- Shabab ​ដែល​មាន​ចំណង​ទាក់​ទង​ជាមួយ​ក្រុម Al-Qaidaនោះ។

មន្រ្តី​រដ្ឋបាល​ជាន់​ខ្ពស់​របស់​លោក​អូបាម៉ា​និយាយ​ថា ​ក្រុម​មេដឹកនាំ​នឹង​ពិ​ភាក្សាពី​អ្វី​ដែល​ត្រូវ​ធ្វើ​បន្ទាប់ ប្រសិនបើ​ប្រធានា​ធិបតី​នៃ​ប្រទេស​ស៊ូ​ដង់​ខាង​ត្បូង និង​មេដឹកនាំ​ប្រឆាំង​មិន​ចុះ​ហត្ថលេខា​លើ​សំណើរ​អាហ្វ្រិក​ដែល​បញ្ចប់​សង្គ្រាម​នោះ៕

XS
SM
MD
LG