ប្រធានាធិបតីស.រ.អា. បារ៉ាក់ អូបាម៉ា នឹងអញ្ជើញទៅដល់ទីក្រុងណៃរ៉ូប៊ី (Nairobi) ប្រទេសកេនយ៉ា (Kenya) នៅថ្ងៃសុក្រនេះ ដែលនៅទីនោះលោកនឹងចូលរួមក្នុងកិច្ចប្រជុំកំពូលស្តីពីពាណិជ្ជកម្មពិភពលោក។ លោកនឹងផ្តោតទៅលើកំណើននៃការរីកចម្រើនផ្នែកទំនាក់ទំនងផ្នែកសេដ្ឋកិច្ចរបស់អាមេរិកាំងជាមួយនឹងតំបន់អាហ្វិ្រកក្រោមវាលខ្សាច់សាហារ៉ា។
កេនយ៉ាជាប្រទេសកំណើតរបស់ឪពុកលោក អូបាម៉ា ដែលបានចែកដ្ឋានទៅហើយនោះ ហើយនេះជាទស្សនកិច្ចទីមួយរបស់លោក ទៅកាន់ប្រទេសកេនយ៉ាក្នុងនាមជាប្រធានាធិបតីស.រ.អា.។
ទស្សនកិច្ចរបស់លោក អូបាម៉ា ធ្វើឡើងនៅចុងអាណត្តិរបស់លោក ដែលការពន្យារនេះប្រហែលជាដោយសារតែលោកប្រធានាធិបតី Uhuru Kenyatta នៃប្រទេសកេនយ៉ាប្រឈមមុខនឹងបទចោទប្រកាន់ក្នុងបទឧក្រិដ្ឋកម្មប្រឆាំងនិងមនុស្សជាតិ។
តុលាការអន្តរជាតិបានលុបចោលករណីនោះហើយ ដោយនិយាយថាខ្វះភស្តុតាង។ ប្រធានាធិបតីទាំងពីររូប ក៏គ្រោងនឹងជួបគ្នាក្នុងអំឡុងទស្សនកិច្ចរបស់លោក អូបាម៉ា ទៅកាន់ប្រទេសកេនយ៉ាដែរ៕
