ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បុរី​ញូវយ៉ក​ប្រកាស​មិន​ឲ្យ​មាន​ការ​ធ្វើ​ដំណើរ​នៅ​ពេល​ព្យុះ​ព្រិល​បោកបក់​ទៅ​លើ​ក្រុង​នេះ


លោក Bill de Blasio អភិបាល​បុរី​ញូវយ៉ក​ថ្លែង​ទៅ​កាន់​សារព័ត៌មាន​ក្នុង​សន្និសីទ​កាសែត​មួយ។
លោក Bill de Blasio អភិបាល​បុរី​ញូវយ៉ក​ថ្លែង​ទៅ​កាន់​សារព័ត៌មាន​ក្នុង​សន្និសីទ​កាសែត​មួយ។

លោក Bill de Blasio អភិបាល​បុរី​ញូវយ៉ក​បាន​ហាម​ប្រាម​មិន​ឱ្យ​មាន​ការ​ធ្វើ​ដំណើរ​ដែល​មិន​មែន​ជា​ការ​ចាំបាច់​នៅ​គ្រា​មាន​អាសន្ន​នៅ​ក្នុង​បុរី​ញូវយ៉ក​ទេ​នៅ​ក្រោយ​ម៉ោង​២កន្លះ​រសៀល​តាម​ពេល​វេលា​ក្នុង​មូលដ្ឋាន​នៅ​ពេល​ដែល​ព្យុះ​ធំ​មួយ​ក្នុង​រដូវ​ត្រជាក់​បាន​ធ្វើឱ្យ​មាន​ទឹកកក​ធ្លាក់​ច្រើន​ថែម​ទៀត​នៅ​លើ​ឆ្នេរ​សមុទ្រ​ខាង​កើត​នៃ​ស.រ.អា.។ ការណ៍​នេះ​បង្កើត​ឱ្យ​មាន​អ្វី​ដែល​ពួក​អ្នកព្យាករណ៍​ធាតុអាកាស​និយាយ​ថា​អាច​ជា «ស្ថានភាព​ព្យុះ​ទឹកកក​ខ្លាំង​ដែល​អាច​នាំ​ឱ្យ​អន្តរាយ​ដល់​ជីវិត»។

ថ្លែង​ប៉ុន្មាន​ម៉ោង​នៅ​មុន​ការ​ហាម​ប្រាម​មិន​ឱ្យ​ធ្វើ​ដំណើរ​ចូល​ជា​ធរមាន លោក de Blasio បាន​សុំ​ឱ្យ​ហាង​ជំនួញ​បិទ​ទ្វារ​ឈប់​លក់​ដូរ។​

លោក​អភិបាល​ក្រុង​ញូវយ៉ក​បាន​និយាយ​ថា «ដល់​ពេល​វេលា​ហើយ​ដែល​ហាង​ជំនួញ​ត្រូវ​បិទ​ទ្វារ​ហើយ​បើក​ឱ្យ​ពួក​បុគ្គលិក​ទៅ​ផ្ទះ​ជា​បន្ទាន់»។

លោក​បាន​និយាយ​បន្ថែម​ថា​ ពួក​មនុស្ស​ដែល​នៅ​តែ​បើកបរ​នៅ​លើផ្លូវ​អាច​ប្រឈម​មុខ​នឹង​ការ​ចាប់​ខ្លួន។

ខ្យល់​ព្យុះ​ Jonas មាន​ផល​ប៉ះពាល់​ធ្ងន់ធ្ងរ​ដល់​តំបន់ Atlantic កណ្តាល​ និង​តំបន់ឦសាន​ស.រ.អា.​កាល​ពី​ថ្ងៃ​សៅរ៍​ដោយ​មាន​ទឹកកក​ផុសៗ​ធ្លាក់​កម្រាស់​៦០ស.ម.នៅ​ក្នុង​តំបន់​រដ្ឋធានី​វ៉ាស៊ីនតោន។​

មាន​មនុស្ស​រហូត​ដល់​៨៥លាន​នាក់​ឋិត​នៅ​តាម​ផ្លូវ​បោកបក់​នៃ​ព្យុះ​ទឹកកក​នេះ​ហើយ​មាន​មនុស្ស​រាប់សែន​នាក់​គ្មាន​ភ្លើង​អគ្គិសនី​ទេ។ មនុស្ស​រាប់ពាន់​នាក់​ជាប់​គាំង​នៅ​ក្រោយ​ព្យុះ​ទឹកកក​នេះ​បាន​ធ្វើ​ឱ្យ​គាំង​ការ​ធ្វើ​ដំណើរ​តាម​ផ្លូវ តាម​រទេះ​ភ្លើង​ និង​តាម​យន្តហោះ​នៅ​តាម​បណ្តោយ​ឆ្នេរសមុទ្រ​ខាង​កើត​នៃ​ស.រ.អា៕

XS
SM
MD
LG