ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

នូវែលសេឡង់​កាត់​ទោស​អ្នក​បាញ់​សម្លាប់​រង្គាល​ជន​មូស្លីម​៥១​នាក់​​ឲ្យ​ជាប់​ពន្ធនាគារ​មួយ​ជីវិត


សាធារណៈជន​ទះដៃ​នៅខាងក្រៅ​តុលាការកំពូល​បន្ទាប់​ពីលោក Brenton Tarrant ត្រូវបានកាត់ទោសក្នុង​ទីក្រុង Christchurch កាលពីថ្ងៃទី​២៧ ខែសីហា ឆ្នាំ២០២០។

តុលាការ​មួយ​ក្នុង​ប្រទេស​នូវែលសេឡង់​បានដាក់​ទោស​ឲ្យ​ជាប់​ពន្ធនាគារ​មួយ​ជីវិត​ដោយ​មិន​អាច​មាន​ការ​បន្ធូរ​បន្ថយ​ទោស ចំពោះបុរស​ស្បែក​ស​ដែល​រើស​អើង​ជាតិ​សាសន៍​មួយ​រូប​ដែល​បាន​សម្លាប់​ជន​មូស្លីម​៥១​នាក់​នៅ​ក្នុង​វិហារ​ឥស្លាម​ពីរ​កន្លែង​ក្នុង​ប្រទេស​នូវែលសេឡង់​កាល​ពី​ឆ្នាំ​មុន។​

លោក Brenton Tarrant អាយុ​២៩​ឆ្នាំ ដែល​ជា​ជនជាតិ​អូស្ត្រាលី មិន​បាន​និយាយ​អ្វី​ទាំង​អស់​នៅ​ពេលចៅក្រម​នៃ​តុលាការ​កំពូលទី​ក្រុង Christchurch បានអាន​ទោសជាប់​ពន្ធនាគារ​មួយ​ជីវិត​នេះ​កាល​ពី​ថ្ងៃ​ព្រហស្បតិ៍ ដែល​ជា​ថ្ងៃ​ចុងក្រោយ​នៃ​ការ​ជំនុំ​ជម្រះ​រយៈ​ពេល​បួន​ថ្ងៃ។

នេះ​ជា​លើក​ទី​មួយ​នៅ​ក្នុង​ប្រទេស​នូវែលសេឡង់​ដែល​ជន​ណា​ម្នាក់​ត្រូវ​តុលាការ​កាត់​ទោស​ឲ្យ​ជាប់​ពន្ធនាគារ​មួយ​ជីវិត​ដោយ​មិន​មាន​ការ​បន្ធូរបន្ថយ​ទោស។

កាល​ពី​ថ្ងៃ​ទី​១៥ ខែ​មីនា ឆ្នាំ​២០១៩​ លោក Tarrant បានបាញ់​សម្លាល់​រង្គាល​សាសនិក​ឥស្លាម​៥១ នាក់​នៅ​វិហារ​ឥស្លាម​ពីរ​កន្លែង​ក្នុង​ទី​ក្រុង Christchurch ប្រទេស​នូវែលសេឡង់ ដោយ​លោក​ថែម​បាន​ផ្សាយ​ផ្ទាល់​ការ​បាញ់​នេះ​តាម​បណ្តាញ​សង្គម​ហ្វេសប៊ុក​ទៀត និង​មាន​មនុស្ស​ជា​ច្រើន​ជុំវិញ​ពិភពលោកបាន​ឃើញ មុន​នឹង​វីដេអូ​នេះ​ត្រូវ​គេ​បិទ។

ព្រឹត្តិការណ៍​នោះ​ជា​ការ​បាញ់​សម្លាប់​រង្គាល​ធ្ងន់ធ្ងរ​បំផុត​ក្នុង​ប្រវត្តិសាស្ត្រ​នូវែលសេឡង់ ដែល​បាន​នាំ​ឲ្យ​មាន​ការ​រឹតត្បិត​ការ​កាន់កាប់​កាំ​ភ្លើង​ពាក់​កណ្តាល​ស្វ័យប្រវត្តិ៕

XS
SM
MD
LG