ភ្នំពេញ៖ ក្រោយពីបានបើកសម័យប្រជុំសភាលើកដំបូងកាលពីចុងខែមុននៅថ្ងៃអង្គារនេះរដ្ឋសភាជាតិបានបោះមួយជំហានទៀតក្នុងការបោះឆ្នោតជ្រើសរើសសមាជិកគណៈកម្មការជំនាញទាំង៩នៃរដ្ឋសភាដែលមានសមាសភាពមកពីគណបក្សប្រជាជនកម្ពុជាទាំងអស់។ គណបក្សសង្គ្រោះជាតិបានរិះគន់ថា រដ្ឋសភាបានធ្វើខុសម្តងហើយម្តងទៀតដោយរំលោភរដ្ឋធម្មនុញ្ញ។
គណៈកម្មការជំនាញទាំង៩នៃរដ្ឋសភាចាប់តាំងពីប្រធាន អនុប្រធានគណៈកម្មការរហូតដល់សមាជិកសុទ្ធសឹងជាមន្ត្រីជ្រើសចេញពីគណបក្សប្រជាជនកម្ពុជាដោយមិនមានសមាជិកណាម្នាក់មកពីគណបក្សសង្គ្រោះជាតិទេ។ នេះដោយសារតែគណបក្សសង្គ្រោះជាតិបានធ្វើពហិការសច្ចាប្រណិធានស្បថចូលកាន់មុខតំណែងជាសមាជិកសភាពេញសិទ្ធិក្រោយពីការបោះឆ្នោតកាលពីចុងខែកញ្ញា។
របៀបវារៈនៃការប្រជុំគណៈកម្មាធិការអចិន្ត្រៃយ៍រដ្ឋសភានៅថ្ងៃអង្គារនេះរួមមានការពិនិត្យលើបញ្ជីឈ្មោះជាលេខាធិការ និងជាសមាជិកគណៈកម្មការជំនាញទាំង៩នៃរដ្ឋសភានីតិកាលទី៥និងការពិនិត្យលើសមាសភាពលេខាធិការ ចំនួន៣រូប សម្រាប់សម័យប្រជុំសភាលើកទី១។ សមាសភាពទាំងបីរូប រួមមានលោក ឡោក ហ៊ួរ លោកស្រី កែ ច័ន្ទមុនី និង លោក សៀង ណាំ។
ការបើកកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភាក៏បានពិនិត្យលើសេចក្តីសម្រេចព្រាងនូវរបៀបវារៈនិងកាលបរិច្ឆេទបន្តសម័យប្រជុំរដ្ឋសភាលើកទីមួយនីតិកាលទី៥។
មិនមានមន្ត្រីណាម្នាក់បាននិយាយជាមួយនឹងអ្នកសារព័តមានទេដោយសារតែកិច្ចប្រជុំគណៈកម្មាធិការអចិន្ត្រៃយ៍នេះមិនអនុញ្ញាតឱ្យអ្នកកាសែតចូលយកព័តមានឡើយ។
កាលពីថ្ងៃទី២៤ខែកញ្ញារដ្ឋសភាបានបោះឆ្នោតជាកញ្ចប់ជាមួយនឹងការជ្រើសរើសនាយករដ្ឋមន្ត្រីនិងរដ្ឋាភិបាលក្នុងពេលតែមួយ។
តំណែងប្រធានរដ្ឋសភា អនុប្រធានទី១និងទី២នៃរដ្ឋសភាព្រមទាំងប្រធានគណៈកម្មការជំនាញទាំង៩នៃរដ្ឋសភាបានគ្រប់គ្រងដោយគណបក្សប្រជាជនដដែល។សម្រាប់គណបក្សសង្គ្រោះជាតិមិនមានឈ្មោះនៅក្នុងគណកម្មការជំនាញទាំងនោះទេដោយសារតែវិបត្តិនយោបាយក្រោយការបោះឆ្នោតរវាងគណបក្សប្រជាជននិងគណបក្សសង្គ្រោះជាតិមិនទាន់បានដោះស្រាយឱ្យបានចប់សព្វគ្រប់នៅឡើយ។
លោកយ៉ែម ប៉ុញ្ញឫទ្ធិ តំណាងរាស្ដ្រមណ្ឌលព្រៃវែងនិងជាអ្នកនាំពាក្យគណបក្សសង្គ្រោះជាតិបានបញ្ជាក់ថារដ្ឋសភារបស់គណបក្សប្រជាជនកម្ពុជាចេះតែរុញទៅទាំងបំពានពីព្រោះទាំងប្រជាពលរដ្ឋ ទាំងសហគមន៍អន្តរជាតិ និងព្រះមហាក្សត្រ បានព្យាយាមឱ្យមានដំណោះស្រាយរវាងគណបក្សឈ្នះឆ្នោតនៅក្នុងសភាតែគណបក្សនេះនៅតែជំរុញបញ្ហានេះដដែល។
លោកបានឱ្យដឹងថាចាប់តាំងពីថ្ងៃទី២៣ខែកញ្ញាមកមិនទាន់បានដោះស្រាយភាពមិនប្រក្រតីផង។រដ្ឋសភាបានបោះឆ្នោតជ្រើសរើសសមាជិកគណៈកម្មការជំនាញថែមទៀត ដែលនេះគឺជាទង្វើខុសច្បាប់។ លោក ប៉ុញ្ញឫទ្ធិបានបន្ថែមថា៖
«ចំពោះគោលជំហរគណបក្សសង្គ្រោះជាតិយើងមិនចូលរួមទៅធ្វើកិច្ចការហ្នឹងជាមួយទេ»។
គណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែន បានក្តោបក្តាប់អំណាចទាំងអស់ទាំងរដ្ឋាភិបាលនិងស្ថាប័ននៃរដ្ឋសភាក្នុងអណត្តិទី៥នេះក្នុងខណៈពេលដែលគណបក្សសង្គ្រោះជាតិបានទាមទារឱ្យមានតុល្យភាពនៃអំណាចរវាងស្ថាប័ននីតិប្បញ្ញត្តិនិងនីតិប្រតិបត្តិដោយគណបក្សនេះចង់បានតួនាទីជាប្រធានរដ្ឋសភានិងគណៈកម្មការជំនាញយ៉ាងតិចចំនួនពាក់កណ្តាលនៃចំនួនគណៈកម្មការជំនាញទាំង៩។
ការទាមទារនេះបានបណ្តាលឱ្យជាប់គាំងខាងនយោបាយ។គណបក្សសង្គ្រោះជាតិបន្តដឹកនាំធ្វើមហាបាតុកម្មនិងស្វះស្វែងរកអន្តរាគមន៍ពីសហរដ្ឋអាមេរិក ប្រទេសជាសមាជិកកិច្ចព្រមព្រៀងទីក្រុងប៉ារីស និង អង្គការសហប្រជាជាតិកុំទទួលស្គាល់រដ្ឋាភិបាលរបស់លោកហ៊ុន សែន៕
គណៈកម្មការជំនាញទាំង៩នៃរដ្ឋសភាចាប់តាំងពីប្រធាន អនុប្រធានគណៈកម្មការរហូតដល់សមាជិកសុទ្ធសឹងជាមន្ត្រីជ្រើសចេញពីគណបក្សប្រជាជនកម្ពុជាដោយមិនមានសមាជិកណាម្នាក់មកពីគណបក្សសង្គ្រោះជាតិទេ។ នេះដោយសារតែគណបក្សសង្គ្រោះជាតិបានធ្វើពហិការសច្ចាប្រណិធានស្បថចូលកាន់មុខតំណែងជាសមាជិកសភាពេញសិទ្ធិក្រោយពីការបោះឆ្នោតកាលពីចុងខែកញ្ញា។
របៀបវារៈនៃការប្រជុំគណៈកម្មាធិការអចិន្ត្រៃយ៍រដ្ឋសភានៅថ្ងៃអង្គារនេះរួមមានការពិនិត្យលើបញ្ជីឈ្មោះជាលេខាធិការ និងជាសមាជិកគណៈកម្មការជំនាញទាំង៩នៃរដ្ឋសភានីតិកាលទី៥និងការពិនិត្យលើសមាសភាពលេខាធិការ ចំនួន៣រូប សម្រាប់សម័យប្រជុំសភាលើកទី១។ សមាសភាពទាំងបីរូប រួមមានលោក ឡោក ហ៊ួរ លោកស្រី កែ ច័ន្ទមុនី និង លោក សៀង ណាំ។
ការបើកកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភាក៏បានពិនិត្យលើសេចក្តីសម្រេចព្រាងនូវរបៀបវារៈនិងកាលបរិច្ឆេទបន្តសម័យប្រជុំរដ្ឋសភាលើកទីមួយនីតិកាលទី៥។
មិនមានមន្ត្រីណាម្នាក់បាននិយាយជាមួយនឹងអ្នកសារព័តមានទេដោយសារតែកិច្ចប្រជុំគណៈកម្មាធិការអចិន្ត្រៃយ៍នេះមិនអនុញ្ញាតឱ្យអ្នកកាសែតចូលយកព័តមានឡើយ។
កាលពីថ្ងៃទី២៤ខែកញ្ញារដ្ឋសភាបានបោះឆ្នោតជាកញ្ចប់ជាមួយនឹងការជ្រើសរើសនាយករដ្ឋមន្ត្រីនិងរដ្ឋាភិបាលក្នុងពេលតែមួយ។
តំណែងប្រធានរដ្ឋសភា អនុប្រធានទី១និងទី២នៃរដ្ឋសភាព្រមទាំងប្រធានគណៈកម្មការជំនាញទាំង៩នៃរដ្ឋសភាបានគ្រប់គ្រងដោយគណបក្សប្រជាជនដដែល។សម្រាប់គណបក្សសង្គ្រោះជាតិមិនមានឈ្មោះនៅក្នុងគណកម្មការជំនាញទាំងនោះទេដោយសារតែវិបត្តិនយោបាយក្រោយការបោះឆ្នោតរវាងគណបក្សប្រជាជននិងគណបក្សសង្គ្រោះជាតិមិនទាន់បានដោះស្រាយឱ្យបានចប់សព្វគ្រប់នៅឡើយ។
លោកយ៉ែម ប៉ុញ្ញឫទ្ធិ តំណាងរាស្ដ្រមណ្ឌលព្រៃវែងនិងជាអ្នកនាំពាក្យគណបក្សសង្គ្រោះជាតិបានបញ្ជាក់ថារដ្ឋសភារបស់គណបក្សប្រជាជនកម្ពុជាចេះតែរុញទៅទាំងបំពានពីព្រោះទាំងប្រជាពលរដ្ឋ ទាំងសហគមន៍អន្តរជាតិ និងព្រះមហាក្សត្រ បានព្យាយាមឱ្យមានដំណោះស្រាយរវាងគណបក្សឈ្នះឆ្នោតនៅក្នុងសភាតែគណបក្សនេះនៅតែជំរុញបញ្ហានេះដដែល។
លោកបានឱ្យដឹងថាចាប់តាំងពីថ្ងៃទី២៣ខែកញ្ញាមកមិនទាន់បានដោះស្រាយភាពមិនប្រក្រតីផង។រដ្ឋសភាបានបោះឆ្នោតជ្រើសរើសសមាជិកគណៈកម្មការជំនាញថែមទៀត ដែលនេះគឺជាទង្វើខុសច្បាប់។ លោក ប៉ុញ្ញឫទ្ធិបានបន្ថែមថា៖
«ចំពោះគោលជំហរគណបក្សសង្គ្រោះជាតិយើងមិនចូលរួមទៅធ្វើកិច្ចការហ្នឹងជាមួយទេ»។
គណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែន បានក្តោបក្តាប់អំណាចទាំងអស់ទាំងរដ្ឋាភិបាលនិងស្ថាប័ននៃរដ្ឋសភាក្នុងអណត្តិទី៥នេះក្នុងខណៈពេលដែលគណបក្សសង្គ្រោះជាតិបានទាមទារឱ្យមានតុល្យភាពនៃអំណាចរវាងស្ថាប័ននីតិប្បញ្ញត្តិនិងនីតិប្រតិបត្តិដោយគណបក្សនេះចង់បានតួនាទីជាប្រធានរដ្ឋសភានិងគណៈកម្មការជំនាញយ៉ាងតិចចំនួនពាក់កណ្តាលនៃចំនួនគណៈកម្មការជំនាញទាំង៩។
ការទាមទារនេះបានបណ្តាលឱ្យជាប់គាំងខាងនយោបាយ។គណបក្សសង្គ្រោះជាតិបន្តដឹកនាំធ្វើមហាបាតុកម្មនិងស្វះស្វែងរកអន្តរាគមន៍ពីសហរដ្ឋអាមេរិក ប្រទេសជាសមាជិកកិច្ចព្រមព្រៀងទីក្រុងប៉ារីស និង អង្គការសហប្រជាជាតិកុំទទួលស្គាល់រដ្ឋាភិបាលរបស់លោកហ៊ុន សែន៕
