ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្មករកាន់​សាសនា​ឥស្លាម​នៅ​អាមេរិក​​ទទួល​សំណង​ជាង​១លាន​៥​សែន​ដុល្លារ​ក្នុង​ដំណោះស្រាយ​ជម្លោះ​ខាង​​សូត្រ​ធម៌​សាសនាមួយ


រូបឯកសារ៖ កម្មករ​រ៉ែ​ធ្វើបាតុកម្ម​ខាងក្រៅ​តំបន់​រ៉ែ​មួយ នៅ​អាហ្វ្រិកខាងត្បូង។

កម្មករ​កាន់​សាសនា​ឥស្លាម​ដែល​បាន​ត្រូវ​បណ្តេញ​ចេញ​ពីការ​ងារ​ដោយ​រោង​ចក្រ​ខ្ចប់​សាច់​មួយ​របស់​សហរដ្ឋ​អាមេរិក​បន្ទាប់​ពីការ​ដើរ​ចេញ​ពុំ​ព្រម​ធ្វើ​ការ​ងារ​នៅក្នុង​ជម្លោះ​ការឈប់​សម្រាក​សូត្រធម៌​បាន​ទទួល​ប្រាក់​១លាន​៥សែន​ដុល្លារ។

គណៈកម្មការ​ឱកាស​សមភាព​ខាង​ការងារ​របស់​សហរដ្ឋ​អាមេរិក​បាន​ប្រកាសប្រាក់សំណង​ជំងឺ​ចិត្ត​នោះ​កាល​ពី​ថ្ងៃ​សុក្របន្ទាប់​ពី​ការ​ប្តឹងផ្តល់​អស់​រយៈ​ពេល​ជា​ច្រើន​ឆ្នាំ​រវាង​ក្រុមហ៊ុន Cargill Meat Solution Corporation ​និង​កម្មករ​កាន់​សាសនា​អ៊ីស្លាម​ចំនួន​១៣៨​នាក់ ​ភាគ​ច្រើន​នៃ​កម្មករទាំង​នោះ​ជា​ជន​អន្តោ​ប្រវេសន៍​ជាតិ​សូម៉ាលី។

​ជម្លោះ​នេះបាន​ចាប់​ផ្តើម​នៅ​ចុងឆ្នាំ​២០១៦ ​បន្ទាប់​ពី​កម្មករ​ទាំង​នេះបាន​ត្រូវ​គេ​បណ្តេញចេញ​ពី​ការងារ​ បន្ទាប់​ពីការ​ដើរ​ចេញ​ពីការ​ងារ​រយៈ​ពេល​៣​ថ្ងៃ​នៅឯ​រោង​ចក្រ​ខ្ចប់​សាច់​មួយ​កន្លែង​នៅទីក្រុង Fort Morgan ​នៅ​ភាគ​ខាង​លិច​រដ្ឋ Colorado ​ក្រោយ​ពីបាន​បដិសេធ​អំពី​អ្វី​ដែល​ពួកគេ​បាន​និយយាថា ​ពេលឈប់​សម្រាប់​សូត្រ​ធម៌​មិន​គ្រប់​គ្រាន់។

អ្នក​ចាត់​ចែង​បាន​លុបចោល​គោលនយោបាយ​ ដែល​អនុញ្ញាតិ​ឲ្យ​កម្មករ​កាន់​សាសនា​ឥស្លាមឈប់​សម្រាក​រយៈ​ពេល​ខ្លី​ដើម្បី​សូត្រ​ធម៌។

គណៈកម្មការឱកាសសមភាព​ខាង​ការងារ​របស់​សហរដ្ឋ​អាមេរិក ​បាន​ប្រកាស​ថា ​ខ្លួន​មាន​ហេតុផល​ត្រឹម​ត្រូវដើម្បី​ជឿ​ថា បុគ្គលិកជាតិ​សូម៉ាលី ​អាហ្វ្រិក​និង​កាន់​សាស​នាអ៊ីស្លាម​បាន​ត្រូវ​គេរំខានយាយី ​ដោយ​ច្រាន​ចោល​សំណើ​របស់​ខ្លួន​ដើម្បី​ឈប់​សម្រាក​សូត្រធម៌​ហើយ​ត្រូវគេ​បណ្តេញ​ចេញ​ពីការងារ។

​ក្រុម​ហ៊ុន Cargill ​មិនយល់​ស្រប ក៏ប៉ុន្តែ ​បាន​និយាយថា ​ខ្លួន​យល់​ព្រម​សងជំងឺ​ចិត្ត​ដើម្បី​បញ្ចៀស​ការ​ប្តឹង​ផ្តល់​តទៅ​ទៀត៕

XS
SM
MD
LG