លោកប្រធានាធិបតី Robert Mugabe នៃប្រទេសស៊ីមបាវ៉េ បានបណ្តេញអនុប្រធានាធិបតីរបស់លោក ដែលធ្លាប់ត្រូវបានគេមើលឃើញថា អាចជាអ្នកបន្តវេនពីលោក។
ការបណ្តេញលោកអនុប្រធានាធិបតី Emmerson Mnangagwa ចេញពីតំណែង អាចបើកជាមាគ៌ាមួយទៅកាន់តំណែងជាប្រធានាធិបតី សម្រាប់អ្នកស្រី Grace ដែលជាភរិយារបស់លោក។
អ្នកស្រី Grace ធ្លាប់បានបង្ហាញពីមហ្ឆិចតាខាងនយោបាយរបស់អ្នកស្រីជាសាធារណៈកាលពី៣ឆ្នាំមុន។
រដ្ឋាភិបាលស៊ីមបាវ៉េបានប្រកាសកាលពីថ្ងៃចន្ទថា លោក Mnangagwa ត្រូវបានដកចេញពីតំណែងភ្លាមៗ។
មូលហេតុនៃការដកតំណែងនេះ ត្រូវបានលោក Simon Khaya Moyo រដ្ឋមន្ត្រីក្រសួងព័ត៌មានថ្លែងប្រាប់ VOA ស៊ីមបាវ៉េ ថា លោកអនុប្រធានាធិបតីបានបង្ហាញម្តងហើយម្តងទៀតនូវភាពមិនស្មោះត្រង់ មិនគោរព បោកបញ្ឆោត និងមិនអាចជឿជាក់បាន។
សញ្ញាណនៃការបណ្តេញលោក Mnangagwa ចេញពីតំណែងបានកើតមានឡើងអស់មួយរយៈពេលទៅហើយ ប៉ុន្តែបានកើនឡើងខ្លាំងកាលពីចុងសប្តាហ៍ ក្នុងអំឡុងពេលនៃការប្រមូលផ្តុំសាធារណៈមួយរបស់ក្រុមយុវជនដែលគាំទ្រគណបក្សប្រឆាំង ZANU-PF នៅក្នុងទីក្រុង Bulawayo៕
