ក្រុមមេដឹកនាំឧទ្ទាមស៊ីរីបាននិយាយថាពួកគេមានសង្ឃឹមថាការចំណេញខាង កលយុទ្ធរបស់ពួកគេនានាពេលថ្មីៗនេះនឹងធ្វើឱ្យក្រុមមេដឹកនាំស.រ.អា. កាត់បន្ថយនៃការផ្គត់ផ្គង់និងការផ្តល់ប្រាក់កាសដល់ក្រុមជីវពលនៃក្រុមប្រឆាំងនានាពេលថ្មីៗនេះ។
កងឯកភាពឧទ្ទាមបានបង្អាក់ការខិតខំប្រឹងប្រែងដោយកងកម្លាំងរដ្ឋាភិបាលស៊ីរីក្នុងការទ្បោមព័ទ្ធសង្កាត់កាន់កាប់ដោយក្រុមបះបោរនៅក្នុងសប្តាហ៍នេះក្នុងក្រុង Aleppo។ ក្រុងបុរាណនេះនៅក្នុងប៉ែកខាងជើងនៃប្រទេសស៊ីរីជាតំបន់មានប្រជារាស្ត្រច្រើនបំផុតនិងមានធនធានច្រើនជាងគេនៅក្នុងប្រទេសស៊ីរីនៅមុនពេលមានសង្គ្រាមស៊ីវិលនេះដែលនៅពេលនេះចូលក្នុងឆ្នាំទី៥ហើយនោះ។
លោក Hisham Marwah អនុប្រធានក្រុមចម្រុះជាតិស៊ីរីដែលជាក្រុមប្រឆាំងខាងនយោបាយធំជាងគេគាំទ្រដោយក្រុមបស្ចឹមប្រទេសក្នុងការជំទាស់នឹងលោកប្រធានាធិបតីស៊ីរី Bashar al-Assad បាននិយាយបង្ហាញហេតុផលថា «ការរុលទៅមុខដោយកងកម្លាំងយើងទៅលើជាយក្រុង Aleppo បង្ហាញថាគេត្រូវតែទុកចិត្តយើង»៕
