ភ្ជាប់​ទៅ​គេហទំព័រ​ទាក់ទង

ការ​វាយប្រហារ​​ទៅ​លើ​សណ្ឋាគារ​នៅ​ក្រុង​ Mogadishu បណ្តាល​ឲ្យ​មនុស្ស​យ៉ាង​តិច​ប្រាំ​មួយ​នាក់​ស្លាប់​


ទីភ្នាក់ងារ​សន្តិសុខ​ត្រូវ​បាន​ប្រទះ​ឃើញ​នៅ​ខាង​ក្រៅ​សណ្ឋាគារ​មួយ​ ​បន្ទាប់​ពី​មាន​ការ​វាយប្រហារ​គ្រាប់​អត្តឃាត​នៅ​ក្រុង​ Mogadishu ប្រទេសសូម៉ាលី​ នា​ថ្ងៃ​ទី​២០ ខែ​កុម្ភៈ ឆ្នាំ២០១៥។

ក្រុមមន្ត្រី​សូម៉ាលី​និយាយ​ថា ឧបនាយករដ្ឋមន្ត្រី​នៃ​ប្រទេស​នេះ​បាន​រង​របួស ហើយ​ថា​មនុស្ស​យ៉ាង​ហោចណាស់​៦​នាក់​ទៀត​បាន​ស្លាប់​នៅ​ក្នុងការ​វាយ​ប្រហារ​មួយ ដែល​ត្រូវ​បាន​ធ្វើឡើង​ដោយ​កងជីវពល​ ​នៅ​សណ្ឋាគារ​មួយ​ក្នុង​រដ្ឋធានី Mogadishu នៃ​ប្រទេស​សូម៉ាលី។ នេះ​ជា​ការ​វាយ​ប្រហារ​ចុង​ក្រោយ​មួយ​ដែល​ត្រូវ​ធ្វើ​ឡើង​ដោយ​ក្រុម​សកម្មប្រយុទ្ធ​ Al-Shabab។

អ្នក​យក​ព័ត៌មាន​របស់​វីអូអេ​ម្នាក់​នៅ​ក្នុង​ទីក្រុង​ Mogadishu ​និយាយ​ថា ការ​ផ្ទុះ​មួយ​បាន​កើត​ឡើង​ បន្ទាប់​ពី​ភ្ញៀវ​សណ្ឋាគារ​បាន​បញ្ចប់​ការ​បន់​ស្រន់​នៅ​សណ្ឋាគារ​កណ្តាល​ ក្បែររោង​ល្ខោន​ជាតិ​។ ការ​ផ្ទុះ​លើក​ទី២​បាន​កើតឡើង​រួច​មក​មាន​ការ​បាញ់​តគ្នា។

លោក​ប្រធានាធិបតី Hassan Sheikh Mohamud ​បាន​ថ្កោល​ទោស​ការ​វាយ​ប្រហារនោះ តាម​បណ្តាញ​សង្គម Twitter ​ដោយ​ហៅការ​វាយ​ប្រហារ​នោះ​ថា​ជា​ការ​ហួសហេតុ ហើយ​ថា​លោក​គិត​ដល់​ក្រុម​អ្នក​ដែលរង​គ្រោះ។

គេ​ឃើញ​ផ្សែង​ខ្មៅ​ហុយទ្រលោម​ចេញ​ពីសណ្ឋាគារ​កណ្តាល​ ដែលជា​កន្លែង​មាន​ប្រជាប្រិយភាពមួយ​សម្រាប់​ក្រុម​មន្ត្រីរដ្ឋាភិបាល ដែល​មានរួម​ទាំង​សមាជិក​សភា និង​រដ្ឋ​មន្ត្រី​នាៗ​។

ក្រុម​Al-Shabab​ បាន​ប្រកាស​ថា​ក្រុម​របស់​ខ្លួន ជា​អ្នក​ទទួលខុសត្រូវ​ក្នុង​ការវាយ​ប្រហារ​នេះ។ ក្រុម​នេះ​បានធ្វើ​ការ​វាយ​ប្រហារ​លើ​ទីតាំង​រដ្ឋាភិបាល​និង​ស៊ីវិល​ជាច្រើន​លើក​ច្រើន​សារ នៅ​ក្នុង​ប្រទេស​សូម៉ាលីក្នុង​រយៈ​ពេល​ប៉ុន្មាន​ឆ្នាំ​ចុងក្រោយ​នេះ ដែល​ជា​ផ្នែក​មួយ​នៃ​កិច្ច​ប្រឹង​ប្រែង​របស់​ខ្លួន​ដើម្បីបង្កើត​ច្បាប់​អ៊ីស្លាម​របស់​ខ្លួន​៕

XS
SM
MD
LG