ប្រជារាស្ត្រក្នុងស.រ.អានឹងផ្តល់កិត្តិយសជូនដល់ពួកជនដែលបានស្លាប់នៅក្នុងពេលបំពេញកិច្ចការយោធាជាមួយថ្ងៃឈប់សម្រាកក្នុងទិវារំលឹកវិញ្ញាណក្ខន្ធពួកយុទ្ធជននៅថ្ងៃចន្ទនេះ។
នៅពេលដែលសហគមន៍ជាច្រើននៅទូទាំងប្រទេសអាមេរិកបានផ្តល់កិត្តិយសជូនពួកយុទ្ធជនដែលបានបូជាជីវិតក្នុងសង្គ្រាមជាមួយការដង្ហែរក្បួន ការប្រគុំតន្ត្រី និងពិធីបុណ្យបែបជាតិនិយម ហើយពួកជនឯទៀតនឹងប្រារព្ធទិវានេះជាមួយការសញ្ជឹងគិតដោយស្ងាត់ស្ងៀមអំពីពួកជនដែលបានបាត់បង់ជីវិតនៅពេលបំពេញកិច្ចការយោធា។
កាលពីថ្ងៃអាទិត្យក្រុមអ្នកជិះម៉ូតូរាប់ពាន់នាក់បានបើកម៉ូតូកាត់រដ្ឋធានី Washington សម្រាប់ការប្រជុំ Rally Rolling Thunder ប្រចាំឆ្នាំដើម្បីអំពាវនាវឲ្យមានការយកចិត្តទុកដាក់លើពួកអ្នកទោសសង្គ្រាម និងពួកជនដែលបានបាត់ខ្លួនក្នុងសង្គ្រាម។
លោកប្រធានាធិបតីបារ៉ាក់ អូបាម៉ាបានប្រើប្រាស់សុន្ទរកថាប្រចាំសប្តាហ៍របស់លោកដើម្បីប្រារព្ធទិវារំលឹកវិញ្ញាណក្ខន្ធយុទ្ធជន និងសម្តែងគារវកិច្ចដល់ក្រុមបុរស និងក្រុមស្ត្រីជាយុទ្ធជនដែលបានបូជាជីវិតក្នុងការបម្រើប្រទេស។
លោកប្រធានាធិបតីបានមានប្រសាសន៍ថា ទិវាបុណ្យនេះមានន័យជាពិសេសនៅឆ្នាំនេះពីព្រោះជាលើកដំបូងហើយដែលវាជាទិវា Memorial Dayចាប់តាំងពីសង្គ្រាមក្នុងប្រទេសអាហ្វហ្គានីស្ថានបានបញ្ចប់៕
