ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Blog៖ ដំណើរការបោះឆ្នោតប្រធានាធិបតីអាមេរិកឆ្នាំ ២០២០

ទទួលបានព័ត៌មានចុងក្រោយអំពីដំណើរការបោះឆ្នោតប្រធានាធិបតីអាមេរិកឆ្នាំ ២០២០។


00:26 17.9.2020

នេះគឺជាវីដេអូស្តីអំពីលទ្ធផលបោះឆ្នោតបឋមនៅអាមេរិក

00:24 17.9.2020
16x9 Image ប៉ូច រាសី

អង្គការ WTO ថា ការដាក់​ពន្ធ​លើ​ទំនិញ​ចិន​ដោយ​អាមេរិក​ជា​ការខុសច្បាប់

នេះ​ជា​លើកទីមួយ​ហើយ ដែល​អង្គការ​ពាណិជ្ជកម្ម​ពិភពលោក បាន​ធ្វើ​សេចក្តី​សម្រេច​ចិត្ត​ប្រឆាំង​ចំពោះ​រដ្ឋបាល​លោកTrump ដែល​បាន​កំណត់​យក​ពន្ធ លើ​ទំនិញ​និង​ផលិតផល​នាំ​ចូល​អាមេរិក ពី​ប្រទេស​មួយ​ចំនួន ដែល​រួម​មាន​បណ្តា​ប្រទេស​សម្ព័ន្ធ​មិត្ត និង​គូសត្រូវ​របស់​អាមេរិក​ផងដែរ។

ព័ត៌មានលម្អិត

00:14 17.9.2020
16x9 Image ហ៊ាន សុជាតា

ការ​ស្រាវជ្រាវ​មួយ​រក​ឃើញ​ថា​ ប្រាក់​ឈ្នួល​កម្មករ​ទូទៅ​ថយ​ចុះ​ខ្លាំង​ដោយ​សារ​វិបត្តិ​ជំងឺ​កូវីដ១៩

ការ​សិក្សា​ស្រាវជ្រាវ​ចុង​ក្រោយ​បំផុត​មួយ ​បាន​បង្ហាញ​ថា​ កម្មករ​ធ្វើការ​ស្ទើរ​គ្រប់​វិស័យ​ បាន​ឃើញ​ការ​ធ្លាក់​ចុះ​ប្រាក់​ឈ្នួល​ប្រចាំ​ខែ​យ៉ាង​ហោចណាស់​៣០​ភាគ​រយ​ ក្នុង​ចន្លោះ​បួន​ខែ​ដើម​ឆ្នាំ​២០២០​នេះ​ ក្នុង​គ្រា​មាន​វិបត្តិ​នៃ​ជំងឺ​កូវីដ១៩។​ ការ​សិក្សា​ស្រាវជ្រាវ​ដែល​មាន​ចំណង​ជើង​ថា ​«ផល​ប៉ះពាល់​នៃ​កូវីដ១៩​ទៅ​លើ​កម្មករ​រំពឹង​ប្រាក់​ឈ្នួល»​ ដែល​រៀប​រៀង​រួម​គ្នា​ដោយ​ អង្គការ​វេទិកា​អនាគត​ និង​ក្រុម​ហ៊ុន​អង្គរ​ស្រាវជ្រាវ​និង​ផ្តល់​ប្រឹក្សា​ បាន​ពិនិត្យ​ទៅ​លើ​ការ​បាត់​បង់​ចំណូល​របស់​កម្មករ​ក្នុង​វិស័យ​កាត់​ដេរ​ សំណង់ ​ទេសចរណ៍​ និង​វិស័យ​ផ្សេង​ទៀត​ ដូច​ជា​សេវា​កម្ម​កម្សាន្ត​ជាដើម។​

អាន​ព័ត៌មាន​លម្អិត​ដោយ​កញ្ញា ហ៊ាន សុជាតា

00:05 17.9.2020
16x9 Image ម៉ែន គឹមសេង

ក្រសួង​ហិរញ្ញវត្ថុ​អាមេរិក​ដាក់​ទណ្ឌកម្ម​ក្រុមហ៊ុន​ UDG ចិន​នៅ​កម្ពុជា

ក្រសួង​ហិរញ្ញវត្ថុ​សហរដ្ឋ​អាមេរិក​បាន​សម្រេច​ នៅថ្ងៃ​អង្គារ​នេះ​ ដាក់​ទណ្ឌកម្ម​ក្រុមហ៊ុន​ យូញៀន ឌីវេលឡូបមិន ​គ្រុប​ ឬ Union Development Group (UDG)​ ដោយសារតែ​ការរឹបអូស​យក​ដីធ្លី​និងបំផ្លាញ​លំនៅដ្ឋាន​ពលរដ្ឋ​កម្ពុជា ​នៅ​ខេត្ត​កោះកុង​ ដើម្បី​អភិវឌ្ឍន៍​មណ្ឌល​កម្សាន្ត​តារាសាគរ។ ក្រសួង​ហិរញ្ញវត្ថុ​បាន​បញ្ជាក់​នៅក្នុង​សេចក្តី​ថ្លែង​ការណ៍​ថា​ ការដាក់​ទណ្ឌកម្ម​ក្រុមហ៊ុន​របស់​រដ្ឋាភិបាល​កុម្មុយនីស្ត​ចិន​នេះ គឺធ្វើតាម​បញ្ជា​ប្រធានាធិបតី​លេខ​ ១៣៨១៨ ​ដែល​យកតាម​ច្បាប់​ម៉ានីតស្គី​ (Global Magnitsky)​ ដោយសំដៅលើ​បុគ្គល ​ឬ​ស្ថាប័ន​ណា​ដែល​រំលោភសិទ្ធិ​មនុស្ស​ធ្ងន់ធ្ងរ​ និង​ប្រព្រឹត្ត​អំពើ​ពុករលួយ ​ក៏ដូចជាលើ​អ្នកដែល​គាំទ្រ​ផងដែរ។

អានព័ត៌មានលម្អិតដោយលោក ម៉ែន​ គឹមសេង

ព័ត៌មាន​​​​​​ផ្សេង​​​ទៀត

តួលេខនៃករណីឆ្លងជំងឺកូវីដ១៩

XS
SM
MD
LG