ព័ត៌មានចុងក្រោយបំផុត៖
ថៃ៖ លោកស្រី យីងឡាក់ ស៊ីណាវ៉ាត្រ (Yingluck Shinawatra) និយាយថា លោកស្រី នៅតែមានទំនុកចិត្ដថានឹងក្លាយទៅជានាយករដ្ឋមន្ដ្រីស្ដ្រីទីមួយនៃប្រទេសថៃ ទោះបីគណ:កម្មការរៀបចំការបោះឆ្នោតនៃប្រទេសថៃដាក់ឧបសគ្គមួយក៏ដោយ។
ហ្វីលីពីន៖ ប្រទេសហ្វីលីពីនឲ្យដឹងថា ការប្រកែករបស់ប្រទេសចិនមិនព្រមដាក់ពាក្យតវ៉ារបស់ខ្លួនទាមទារយកតំបន់មានជម្លោះនៅសមុទ្រចិនខាងត្បូងជូនតុលាការអន្ដរជាតិបង្ហាញអំពីភាពទន់ខ្សោយនៅក្នុងរឿងនេះ។
ភូមា៖ ក្រុមអ្នកគាំទ្រសិទ្ធិមនុស្សកំពុងតែចោទយោធាភូមាថាបានប្រើអ្នកទោសឲ្យធ្វើជាអ្នកលីសែងនៅជួរមុខនៃកងទ័ពរបស់ខ្លួននៅក្នុងការប៉ះទង្គិចរបស់ខ្លួនជាមួយកងជីវពលជនជាតិភាគតិច។
ម៉ាឡេស៊ី៖ ក្រុមមេធាវីការពារកូនក្ដីរបស់លោក អាន់វ៉ា អ៊ីប្រាហ៊ីម (Anwar Ibrahim) នឹងមាន៣អាទិត្យចាប់ផ្ដើមពីថ្ងៃទី៨ខែសីហាទៅ ដើម្បីនាំសាក្សីទៅតុលាការនៅក្នុងការជំនុំជម្រះកាត់សេចក្ដីលោក Anwar ជាប់ចោទក្នុងបទសេពកាមខុសប្រក្រតីមានរយ:ពេលយូរ។
អាហ្វហ្គានីស្ថាន៖ ក្រុមមន្ដ្រីនិយាយថា អ្នកដាក់គ្រាប់បែកអត្ដឃាតម្នាក់បានសម្លាប់ទាហានបារាំង៥នាក់នៅប្រទេសអាហ្វហ្គានីស្ថានភាគខាងកើត នៅក្នុងខេត្ដ Kapisa។
លីប៊ី៖ អង្គការសិទ្ធិមនុស្សមួយបានសុំឲ្យក្រុមអ្នកប្រយុទ្ធជំទាស់នៅប្រទេសលីប៊ីភាគខាងលិច ការពារជនស៊ីវីលនៅក្នុងស្រុកដែលពួកគេត្រួតត្រា ហើយទទួលខុសត្រូវចំពោះសេចក្ដីរាយការណ៍អំពីការចូលលួចអីវ៉ាន់និងការរំលោភបំពានដទៃទៀត។
ស៊ីរី៖ លោកប្រធានាធិបតី បារ៉ាក់ អូបាម៉ា និយាយថា លោកប្រធានាធិបតី Bashar al-Assad នៃប្រទេសស៊ីរីកំពុងតែបាត់បង់ភាពស្របច្បាប់នៅក្នុងក្រសែភ្នែករបស់ពលរដ្ឋរបស់លោក ដែលជាការបន្លឺពីលើអត្ថាធិប្បាយរបស់រដ្ឋមន្ដ្រីក្រសួងការបរទេសស.រ.អ.មួយថ្ងៃមុននេះ។
ប៉ាគីស្ថាន៖ ក្រុមមន្ដ្រីប៉ាគីស្ថាននិយាយថា នាយកក្រសួងស៊ើបការណ៍សម្ងាត់នៃប្រទេសនេះ នឹងជួបជាមួយក្រុមមន្ដ្រីស.រ.អ.នៅថ្ងៃពុធ ប៉ុន្មានថ្ងៃប៉ុណ្ណោះក្រោយពីសេតវិមានប្រកាសថា ខ្លួននឹងផ្អាកប្រាក់ជំនួយយោធា៨០០លានដុល្លារទៅឲ្យប្រទេសប៉ាគីស្ថាន។
ជប៉ុន៖ លោកនាយករដ្ឋមន្ដ្រីណាអូតូ ខាន (Naoto Kan) នៃប្រទេសជប៉ុន គួរចាប់ផ្ដើមប្រកបកិច្ចការដើម្បីស្ថាបនាសង្គមមួយដែលអាចដំណើរការទៅបានដោយមិនចាំបាច់ប្រើថាមពលនុយគ្លេអ៊ែរ។
សហរដ្ឋអាមេរិក៖ គណ:កម្មការបំពេញភារ:កិច្ចឲ្យដឹងថា រោងចក្រថាមពលនុយគ្លេអ៊ែរនៅក្នុងស.រ.អ. មិនធ្វើឲ្យមានហានិភ័យសុវត្ថិភាពដល់សាធារណជនទេ ក៏ប៉ុន្ដែស្នើឲ្យធ្វើការកែទម្រង់ដែលចាំបាច់ដើម្បីធ្វើផែនការទប់ទល់មហន្ដរាយមើលមិនឃើញ ក្រោយពីមហន្ដរាយនុយគ្លេអ៊ែរនៅប្រទេសជប៉ុន។
អេហ្ស៊ីប៖ ក្រុមតាមឃ្លាំមើលបណ្ដាញផ្សាយព័ត៌មានមួយបានរិះគន់ប្រទេសអេហ្ស៊ីប ដែលបានដាក់ឲ្យក្រសួងព័ត៌មានរបស់ខ្លួនដំណើរការឡើងវិញ ដោយនិយាយថាសេចក្ដីសម្រេចនេះជាការដើរថយក្រោយនៃសេរីភាពបណ្ដាញផ្សាយព័ត៌មាននៅក្នុងប្រទេសនេះ។
សហរដ្ឋអាមេរិក៖ ក្រុមអ្នកតាក់តែងច្បាប់ស.រ.អ.គ្រោងជួបលោកប្រធានាធិបតីបារ៉ាក់ អូបាម៉ា នៅសេតវិមានចូលដល់ថ្ងៃទីបួនជាប់ៗគ្នា ដោយខំប្រឹងប្រែងរកការសម្របសម្រួលគ្នាដើម្បីកាត់បន្ថយឱនភាពថវិកាប្រយោជន៍នឹងឲ្យសភាជាតិយល់ព្រមបង្កើនកម្រិតប្រាក់កម្ចីនិងជៀសវាងការមិនអាចមានប្រាក់សំណងបាន។
កូរ៉េខាងជើង៖ លោក Kim Jong Il មេដឹកនាំនៃប្រទេសកូរ៉េខាងជើងនិយាយថា ទំនាក់ទំនងនៃប្រទេសរបស់លោកជាមួយប្រទេសចិន នឹងនៅតែខ្លាំងក្លាដដែលទោះបីជំនាន់មនុស្សត្រូវបានជំនួសដោយជំនាន់មនុស្សមួយទៀតជាញឹកញាប់ក៏ដោយ។
សហរដ្ឋអាមេរិក៖ លោក John Rockefeller សមាជិកព្រឹទ្ធសភាស.រ.អ. អំពាវនាវឲ្យធ្វើការស៊ើបអង្កេតដើម្បីរកឲ្យឃើញថាតើក្រុមហ៊ុនមួយដែលមានរឿងអាស្រូវលួចចូលមើលទិន្នន័យក្នុងម៉ាស៊ីនកុំព្យូទ័រនៅប្រទេសអង់គ្លេស បានរំលោភលើច្បាប់របស់ស.រ.អ.ឬយ៉ាងណា។
ឥណ្ឌា៖ កងកម្លាំងសន្ដិសុខឥណ្ឌាបានបញ្ជាដាក់ការរឹតត្បឹតកម្រិតសន្ដិសុខនៅទីក្រុង ស្រីនគរ (Srinagar)នៅដែនដីកាស្មៀរ (Kashmir) មុនថ្ងៃពុធ ដែលជាខួបទី១៨នៃការបង្ក្រាបយ៉ាងហិង្សាទៅលើជនជាតិមូស្លីមនៅដែនដីកាស្មៀរនៅក្នុងទីក្រុងនេះ។
ព័ត៌មានពីពេលមុននេះ៖
អេហ្ស៊ីប៖ ក្រុមប្រឹក្សាយោធាគ្រប់គ្រងប្រទេសអេហ្ស៊ីបបានព្រមានពួកបាតុករប្រឆាំងកុំឱ្យ ”ងាកចេញពីមធ្យោបាយសន្តិវិធី” នៅពេលដែលពួកគេធ្វើបាតុកម្មអង្គុយនៅក្នុងក្រុង Le Caire និងក្រុងឯទៀតៗដើម្បីទាមទារឱ្យមានកំណែទម្រង់នយោបាយយ៉ាងលឿនជាងមុន។
អ៊ីរ៉ង់៖ ប្រទេសអ៊ីរ៉ង់ និងទីភ្នាក់ងារថាមពលបរមាណូអន្តរជាតិ ហៅកាត់ថា IAEA ហាក់ដូចជានៅតែទាល់ច្រកនៅក្នុងជម្លោះមួយអំពីកម្មវិធីបរមាណូរបស់អ៊ីរ៉ង់នៅក្រោយកិច្ចចរចារវាងរដ្ឋមន្ត្រីការបរទេសអ៊ីរ៉ង់ និងប្រធានទីភ្នាក់ងារនេះនៅក្នុងក្រុង Vienne។
បារាំង៖ ប្រទេសបារាំងនិយាយថាខ្លួនគ្រោងនឹងដកទាហានប្រយុទ្ធ១ពាន់នាក់ពីប្រទេសអាហ្វហ្គានីស្ថានមិនឱ្យហួសពីដំណាច់ឆ្នាំ២០១២ទេ។
អាហ្វហ្គានីស្ថាន៖ ប្អូនប្រុសរបស់លោកប្រធានាធិបតីអាហ្វហ្គានីស្ថានដែលជាមនុស្សមានអំណាចខ្លាំងម្នាក់ក្នុងផ្នែកខាងត្បូងប្រទេសបានត្រូវធ្វើឃាតនៅឯផ្ទះលោកដោយអង្គរក្សម្នាក់ដែលលោកទុកចិត្ត។
អាហ្វហ្គានីស្ថាន៖ ប្រទេសបារាំងនិយាយថាខ្លួនគ្រោងនឹងដកទាហានប្រយុទ្ធ១.០០០នាក់ពីប្រទេសអាហ្វហ្គានីស្ថានមិនឱ្យហួសពីដំណាច់ឆ្នាំ២០១២ទេ។
ប៉ាគីស្ថាន៖ ពួកមន្ត្រីប៉ាគីស្ថាននិយាយថា ការវាយប្រហារដែលគេសង្ស័យថាត្រូវធ្វើដោយយន្តហោះស.រ.អ.គ្មានមនុស្សបើក បានបណ្តាលឱ្យជនសកម្មប្រយុទ្ធយ៉ាងតិច៤២នាក់ស្លាប់នៅក្នុងផ្នែកពាយ័ព្យនៃប្រទេសប៉ាគីស្ថានកាលពី២ថ្ងៃកន្លងទៅនេះ នៅក្នុងការវាយប្រហារធ្ងន់ធ្ងរបំផុតមួយទៅលើអគារមានកំផែងព័ទ្ធជុំវិញរបស់ពួកជនសកម្មប្រយុទ្ធកាលពីប៉ុន្មានខែមុននេះ។
ស៊ីរី៖ ប្រទេសស៊ីរីបានរិះគន់យ៉ាងខ្លាំងដល់លោកស្រីរដ្ឋមន្ត្រីក្រសួងការបរទេសស.រ.អ Hillary Clinton ក្រោយពីលោកស្រីបានមានប្រសាសន៍ថា ប្រធានាធិបតី Bashar Al-Assad «បានបាត់បង់ភាពត្រឹមត្រូវតាមច្បាប់»។
ប៉ាគីស្ថាន៖ រដ្ឋមន្ត្រីក្រសួងការពារប្រទេសប៉ាគីស្ថាននិយាយថា ប្រសិនបើស.រ.អ.កាត់ផ្តាច់ជំនួយយោធា៨០០លានដុល្លារ រដ្ឋាភិបាលប្រហែលដកក្រុមទាហានដែលប្រយុទ្ធប្រឆាំងនឹងពួកជនសកម្មប្រយុទ្ធនៅក្នុងតំបន់កុលសម្ព័ន្ធមានចលាចលនៅតាមព្រំដែនជាមួយប្រទេសអាហ្វហ្គានីស្ថាន។
