លោករដ្ឋមន្ត្រីការបរទេសស.រ.អា John Kerry ថ្លែងនៅថ្ងៃពុធនេះថា លោកមាន ជំនឿថា នឹងឈានដល់កិច្ចព្រមព្រៀងចុងក្រោយស្តីពីបញ្ហានុយក្លេអ៊ែជាមួយអ៊ីរ៉ង់ បន្ទាប់ពីលោក ប្រធានាធិបតី បារ៉ាក់ អូបាម៉ា បានសន្យាថានឹងចុះហត្ថលេខាលើសេចក្តីព្រៀងច្បាប់ ដែលសភាត្រូវពិនិត្យ និងសម្រេចលើកិច្ចព្រមព្រៀងនោះ។
លោក Kerry បានថ្លែងដូច្នេះ គឺមុនពេលកិច្ចប្រជុំជាមួយក្រុមរដ្ឋមន្ត្រីការបរទេស ទាំង៧ប្រទេសក្នុងប្រទេសអាល្លឺម៉ង់ ដែលមានបញ្ចូលបញ្ហានុយក្លេអ៊ែនេះក្នុង កិច្ចពិភាក្សា បន្ទាប់ពីបញ្ហានេះត្រូវខកខានមិនបានឈានដល់កិច្ចព្រមព្រៀង កាលពីខែមុន។
លោក Kerry បានថ្លែងតាមប្រសាសន៍ដើមថា៖
«យើងមានការជឿជាក់លើសមត្ថភាពយើងចំពោះលោកប្រធានាធិបតីក្នុងការ ចរចាឲ្យឈានដល់កិច្ចព្រមព្រៀងមួយ។ ហើយការធ្វើបែបនេះបានគឺតាមរយៈ សមត្ថភាពក្នុងការធ្វើឲ្យពិភពលោកបានសុខ»។
លោក ប្រធានាធិបតីបានថ្លែងកាលពីថ្ងៃអង្គារថា លោកនឹងចុះហត្ថលេខា លើសេចក្តីព្រៀងច្បាប់ ដែលសភាត្រូវពិនិត្យនិងបោះឆ្នោតយល់ព្រម ឬច្រានចោលកិច្ចព្រមព្រៀងនោះ៕
