ភ្ជាប់​ទៅ​គេហទំព័រ​ទាក់ទង

លោក John Kerry លើកឡើង​ពី​ដំណើរ​ការ​​វិវត្ត​ទៅ​មុខ​ឆ្ពោះ​ទៅ​កាន់​កិច្ចព្រមព្រៀង​តំបន់​ប៉ាស៊ីហ្វិក


លោក John Kerry លើកឡើង​ពី​ដំណើរ​ការ​ទៅ​មុខ​ឆ្ពោះ​ទៅ​កាន់​កិច្ចព្រមព្រៀង​តំបន់​ប៉ាស៊ីហ្វិក។

លោករដ្ឋ​មន្រ្តី​ការបរទេស​ស.រ.អា John Kerry បាន​ប្រសាសន៍​នៅ​ថ្ងៃ​អង្គារ​នេះ​ថា ​ការ​ចរចា​ប្រទេស​ចំនួន១២ ​អំពីកិច្ច​ព្រម​ព្រៀង​ពាណិជ្ជកម្មភាព​ជាដៃ​គូ​ឆ្លង​កាត់​មហាសមុទ្រ​ប៉ាស៊ី​ហ្វិក​ដ៏​ធំមួយ ​បាន​ធ្វើ​ឲ្យ​មាន​ការ​ជឿន​លឿន​ឆ្ពោះ​ទៅ​កាន់​ការ​ឈោង​ដល់​កិច្ច​ព្រម​ព្រៀង​ផ្តាច់​ព្រ័ត្រ​មួយ ​ក៏​ប៉ុន្តែ​គេ​កំពុង​ធ្វើ​សេចក្តី​លម្អិត​ខ្លះ ។

លោក​រដ្ឋមន្រ្តី​ការបរទេស​បាន​បង្ហាញ​ពី​គោល​ដៅ​ជា​បន្ត​បន្ទាប់​សម្រាប់​កិច្ច​ព្រម​ព្រៀង​នោះ ​នៅពេល​ដែល​លោក​បាន​ថ្លែង​ក្នុង​អំឡុងពេល​នៃ​ដំណើរ​បំពេញ​ទស្សនកិច្ច​មួយ​ទៅ​កាន់​ប្រទេស​សិង្ហបុរី ​ដោយ​មាន​ប្រសាសន៍​ថា ​កិច្ច​ព្រម​ព្រៀង​នោះ​មិន​ត្រឹម​តែ​បង្កើត​ឱកាស​ខាង​សេដ្ឋ​កិច្ច​សម្រាប់​ប្រទេស​ដែល​ពាក់ព័ន្ធ​ប៉ុណ្ណោះ​ទេ ប៉ុន្តែ​កិច្ច​ព្រមព្រៀង​នោះ​ក៏ចាត់​ទុក​ជា​ការ​បង្ហាញ​នូវការ​គាំទ្រ​ដល់​អភិបាល​កិច្ច​ល្អ ​តម្លាភាព​ និង​ការ​ទទួល​ខុសត្រូវ​ផង​ដែរ។

ការ​ចរចា​បាន​ចំណាយ​ពេល​អស់​រាប់​សិប​ឆ្នាំ ​ហើយ​កាល​ពី​សប្តាហ៍​មុន ​រដ្ឋ​មន្រ្តី​ពាណិជ្ជកម្ម​បាន​ខកខាន​មិន​បាន​ព្រមព្រៀង​គ្នា​ផ្តាច់​ព្រ័ត្រ​ក្នុង​អំឡុង​ពេល​នៃ​ការ​ចរចា​នៅ​កោះ​ហាវ៉ៃ។​ ប្រសិន​បើ​បានរួច​ចប់​សព្វ​គ្រប់​ហើយ ​កិច្ច​ព្រម​ព្រៀង​ដែល​ហៅ​ថា «TPP» ​អាច​គ្រប​ដណ្តប់​លើសេដ្ឋ​កិច្ច​របស់​សាកលលោក​ចំនួន​ ៤០​ភាគរយ។

លោក​រដ្ឋមន្រ្តី Kerryមាន​ប្រសាសន៍​ទៀត​ថា ​កិច្ចព្រម​ព្រៀងTPP នឹង​បង្កើន​បទដ្ឋាន​ដោយ​លោក​បាន​អំពាវនាវ​ឲ្យ​អនុវត្ត​ទៅ​តាម​បទដ្ឋាន​ការ​ងារ​ និង​បរិស្ថាន​អន្តរជាតិ ​សម្រាប់​ក្រុមហ៊ុន​គ្រប់​គ្រង​ដោយ​រដ្ឋ​ ដើម្បី​ប្រកួត​ប្រជែងឲ្យ​បាន​ត្រឹម​ត្រូវ​សម្រាប់​ផ្នែកឯក​ជន និង​សម្រាប់ផ្នែក​ពាណិជ្ជកម្ម​ក្នុង​ការ​ទប់​មិន​ឲ្យ​ប្រើ​ប្រាស់​កម្មករ​នៅ​ក្រោម​អាយុ​ ឬ​ទីកន្លែង​ការងារ​គ្មាន​សុវត្ថិភាព៕

XS
SM
MD
LG