នៅឯសន្និសីទកាសែតកាលពីយប់ថ្ងៃសុក្រ លោក Michael Froman តំណាងពាណិជ្ជកម្មសហរដ្ឋអាមេរិកនិយាយថា ប្រទេសចំនួន១២ ដែលពាក់ព័ន្ធ បានធ្វើឲ្យមានការជឿនលឿនដ៏សំខាន់ ហើយមានទំនុកចិត្តកាន់តែខ្លាំងឡើងជាងពេលណាទាំងអស់លើលទ្ធភាពដែលកិច្ចព្រមព្រៀងអាចនឹងកើតមាន។
កិច្ចចរចាភាពជាដៃគូឆ្លងកាត់មហាសមុទ្រប៉ាស៊ីហ្វិក(TPP) បានធ្វើឡើងអស់រយៈពេលជាច្រើនឆ្នាំហើយ ហើយកិច្ចព្រមព្រៀងនោះត្រូវបានគេគិតថា ខិតទៅជិតដំណាក់កាលរួចចប់សព្វគ្រប់។ នៅសប្តាហ៍នេះ រដ្ឋមន្រ្តីពាណិជ្ជកម្មបានជួបជុំគ្នានៅកោះហាវ៉ៃដើម្បីធ្វើឲ្យកិច្ចព្រមព្រៀងដ៏ស្មុគស្មាញមានការបោះជំហានទៅមុខ។ កិច្ចព្រមព្រៀងឆ្លងកាត់មហាសមុទ្រប៉ាស៊ីហ្វិកនឹងគ្របដណ្តប់សេដ្ឋកិច្ចសាកលលោកចំនួន៤០ភាគរយ។
គ្មានកាលបរិច្ឆេទបានត្រូវកំណត់សម្រាប់ជំនួបលើកក្រោយស្តីពីកិច្ចព្រមព្រៀងនោះទេ ក៏ប៉ុន្តែ រដ្ឋមន្រ្តីពាណិជ្ជកម្មបាននិយាយថា ការធ្វើការងារដើម្បីដោះស្រាយបញ្ហានេះនឹងជឿនលឿនទៅមុខ។
បញ្ហានេះជាហេតុផលនយោបាយ ដែលរួមមានកិច្ចខំប្រឹងប្រែងធ្វើការនាំអង្ករកាន់តែច្រើនទៅកាន់ប្រទេសជប៉ុន ការនាំស្ករសកាន់តែច្រើនចូលមកក្នុងសហរដ្ឋអាមេរិក ការចេញចូលទីផ្សារទឹកដោះគោរបស់ប្រទេសកាណាដា និងការពង្រីកការការពារប៉ាតង់ដល់កម្រិតឱសថថ្មីមួយប្រកបដោយការសន្យាសម្រាប់រយៈពេល១២ឆ្នាំ។
កិច្ចព្រមព្រៀងពាណិជ្ជកម្មមុនៗ បានផ្តោតលើការកាត់បន្ថយពន្ធនាំចេញនាំចូលដើម្បីជំរុញការធ្វើពាណិជ្ជកម្មមានចំណាយទាបជាងមុន៕
