ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ក្រសួងយុត្តិធម៌​នឹង​​សុំ​ឲ្យ​តុលាការ​កំពូលលុប​ចោល​ការ​សម្រេច​របស់​រដ្ឋកាលីហ្វ័រញ៉ា​អំពី​ DACA


ក្រុម​បាតុករ​តវ៉ា​ប្រឆាំង​នៅ​ការិយា​ល័យ​សមាជិក​ព្រឹទ្ធសភា​ Dean Heller ក្នុង​ការ​គាំទ្រ​ដល់​កម្មវិធី DACA នៅ​វិមាន​កាពីតូល ក្នុង​រដ្ឋ​ធានី​វ៉ាស៊ីនតោន​ នៅ​ថ្ងៃ​ទី​១៨ ខែ​មករា ឆ្នាំ​២០១៨។
ក្រុម​បាតុករ​តវ៉ា​ប្រឆាំង​នៅ​ការិយា​ល័យ​សមាជិក​ព្រឹទ្ធសភា​ Dean Heller ក្នុង​ការ​គាំទ្រ​ដល់​កម្មវិធី DACA នៅ​វិមាន​កាពីតូល ក្នុង​រដ្ឋ​ធានី​វ៉ាស៊ីនតោន​ នៅ​ថ្ងៃ​ទី​១៨ ខែ​មករា ឆ្នាំ​២០១៨។

ក្រសួង​យុត្តិធម៌​សហរដ្ឋ​អាមេរិក​បាន​ប្រាប់​ឲ្យ​ដឹង​ថា ខ្លួន​នឹង​ចាត់​វិធានការ​អ្វី​ដែល​លោករដ្ឋ​មន្រ្តី​ក្រសួង​យុត្តិធម៌ Jeff Sessions បាន​ហៅ​ថា «វិធានការដ៏​កម្រ‍»​ក្នុង​ការសុំ​តុលាការ​កំពូល​ឲ្យ​លុប​ចោល​ការ​សម្រេច​របស់​រដ្ឋ​កាលីហ្វ័រញ៉ា​ដែល​បាន​រារាំង​ការ​បញ្ចប់​កម្មវិធីជន​អន្តោប្រវេសន៍​ខុស​ច្បាប់​មក​ដល់​សហរដ្ឋ​អាមេរិក​នៅ​ពី​ក្មេង​ឬ ​DACA។

​ចំណាត់​ការ​នេះ​ជា​ការ​កម្រ​មួយ ​ពីព្រោះ​តែ​រដ្ឋបាល​បាន​ចាត់​វិធានការ​មុន​ពេល​ដំណើរ​ការ​តាម​ផ្លូវ​ច្បាប់​នៅ​ពេល​បច្ចុប្បន្ន​នេះ​នៅ​ក្នុងតុលា​ការឧទ្ធរណ៍​ក្រុង San Francisco ​បាន​បញ្ចប់។

​លោក​រដ្ឋ​មន្រ្តី​ក្រសួង​យុត្តិធម៌​ Sessions​ បាន​ពន្យល់​ថា ​វាជា​ការ​បំពាន​ច្បាប់​ដែល​អនុញ្ញាត​ឲ្យ​លោក​ William Alsup​ ចៅក្រម​សហព័ន្ធនៅ​ក្នុង​រដ្ឋ​កាលីហ្វ័រញ៉ា​សម្រេច​អំពី​បញ្ហា​កម្មវិធី ​DACA​ សម្រាប់​ប្រទេស​ទាំង​មូល​នោះ។

​លោក Xavier Becerra ​រដ្ឋ​មន្រ្តី​ក្រសួង​យុត្តិធម៌​រដ្ឋ​កាលីហ្វ័រញ៉ា​បាន​ឆ្លើយ​តប​ទៅ​នឹង​ចំណាត់​ការ​នោះ​នៅ​ក្នុង​សេចក្តី​ថ្លែង​ការណ៍​កាល​ពី​ថ្ងៃ​អង្គារ​ដោយ​និយាយ​ថា ​លោក​មាន​ទំនុក​ចិត្ត​ថា ​តុលាការ​ឧទ្ធរណ៍​នឹង​ពិនិត្យ​មើល​ប្រកប​ដោយភាព​សម​ហេតុ​សមផល​និង​យុត្តិធម៌​អំពី​ការចេញ​សេចក្តី​សម្រេចដែល​បាន​ការពារ​កម្មវិធី DACA ​នេះ​រហូត​ទាល់​តែ​បញ្ហា​នេះ​ត្រូវ​បាន​សម្រេច​នៅ​ក្នុង​តុលាការ។

កាល​ពីព្រឹក​ថ្ងៃ​អង្គារ ​ប្រធានា​ធិបតី​សហរដ្ឋ​អាមេរិក​ ដូណាល់ ​ត្រាំ ​បាន​និះគន់​សមា​ជិក​សភា​ខាង​គណបក្ស​ប្រជាធិបតេយ្យ​ដោយ​និយាយ​ថា ​ការ​ទាម​ទារ​របស់​ពួក គេ​ដើម្បីការពារ​កម្មវិធី ​DACA ​នឹង​បង្ខំ​ឲ្យរដ្ឋាភិបាល​បិទទ្វា​នៅ​សប្តាហ៍​នេះ​ដែល​នឹង​ធ្វើ​ឲ្យប៉ះពាល់​ដល់​កងទ័ព៕

ពួក​ខាង​គណបក្ស​ប្រជាធិបតេយ្យ​ចង់​បិទ​ទ្វា​រដ្ឋាភិបាល​លើការ​ដោះ​ដូរ​ការ​អនុគ្រោះ​ជន​អន្តោ​ប្រវេសន៍​គ្មាន​ក្រដាស​ស្នាម​ក្មេង​ៗ​និងរបង​សន្តិសុខ​នៅ​តាម​បណ្តោយ​ព្រំដែន។ អ្នក​ខាត​បង់​ខ្លាំង​បំផុត​គឺ​យោធា​របស់​យើង នៅពេល​ដែល​យើង​ត្រូវ​ការ​កងទ័ព​ជាង​ពេល​ណាៗ​ទាំង​អស់។​ យើងត្រូវ​ការ​ប្រព័ន្ធ​អន្តោប្រវេសន៍​មួយ​ដែល​ផ្អែក​លើ​គុណ​សម្បត្តិ ​ហើយ​យើង​ត្រូវ​ការ​ប្រព័ន្ធ​នេះ​នៅ​ពេល​ឥឡូវ​នេះ។ មិន​មានការ​ចាប់​ឆ្នោតផ្សង​សំណង​ប្រកប​ដោយ​គ្រោះ​ថ្នាក់​មក​កាន់​សហរដ្ឋ​អាមេរិក​ទៀត​ទេ‍»៕

XS
SM
MD
LG