ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​​ប៉ូលិស​អន្តរជាតិ ​Interpol ​ទាមទារ​ឲ្យ​ចិន​បញ្ជាក់​ឲ្យ​បាន​ច្បាស់​ពី​ការ​បាត់​ខ្លួន​ប្រធាន​​ប៉ូលិស​អន្តរជាតិ​


រូបឯកសារ៖ លោក Meng Hongwei ប្រធាន​ប៉ូលិស​អន្តរជាតិ​ថ្លែង​សុន្ទរកថា​ពេល​បើក​សន្និបាត​ប៉ូលិស​អន្តរ​ជាតិ នៅ​ប្រទេស​សិង្ហបុរី កាល​ពី​ឆ្នាំ​២០១៧។

ប៉ូលិស​អន្តរជាតិ​ Interpol បាន​ទាម​ទារ​ឲ្យ​មាន​ការ​បញ្ជាក់​ជា​ផ្លូវ​ការ​ពី​ប្រទេស​ចិន​ស្តី​ពី​ការ​បាត់​ខ្លួន​ប្រ​ធាន​ប៉ូលិស​អន្តរជាតិ ​បន្ទាប់​ពី​មាន​សេចក្តី​រាយការណ៍​ថា ​លោក​បាន​ត្រូវ​គេ​ចាប់​ខ្លួន​ដើម្បី​សួរ​ចម្លើយ​ស្តី​ពីការ​មក​ដល់​មាតុភូមិ​របស់​លោក។

​រដ្ឋាភិបាល​ក្រុង​ប៉េកាំង​បាន​រក្សា​ការ​ស្ងៀម​ស្ងាត់​លើ​ការ​បាត់​ខ្លួនរបស់​លោក​ Meng Hongwei ដ៏​អាថ៌​កំបាំងដែល​ត្រូវ​បាន​គេ​ឃើញ​ចាក​ចេញ​ទៅ​កាន់​ប្រទេស​ចិន​កាល​ពី​ចុង​ខែ​កញ្ញា​ពី​ទីស្នាក់​ការ​ប៉ូលិស​អន្តរជាតិ ​Interpol​ ក្នុង​ទីក្រុង​លីយ៉ុង ភាគ​អាគ្នេយ៍​នៃ​ប្រទេស​បារាំង ​នេះ​បើ​តាមប្រភព​ដ៏​ជិត​ស្និទ្ធ​ដែល​បាន​ការ​ស៊ើប​អង្កេត​របស់​ទីភ្នាក់​ងារ​ព័ត៌មាន​ AFP។

​ចាប់​តាំង​ពី​ពេល​នោះ​មក​ ភរិយា​របស់​លោក​បាន​រាយការណ៍​ពី​ការ​បាត់​ខ្លួន​លោក​នេះ។

​លោក​ Jurgen Stock ​អគ្គ​លេខាធិការ​នៃ​អង្គការ​ប៉ូលិស​អន្តរជាតិ​បាន​និយាយ​នៅ​ក្នុង​សេចក្តី​ថ្លែងការណ៍​ថា «ប៉ូលិស​អន្តរជាតិ ​Interpol ​បាន​ស្នើ​តាម​រយៈ​បណ្តាញពង្រឹង​ច្បាប់​ផ្លូវ​ការ​ឲ្យ​ធ្វើ​ការ​បញ្ជាក់​ឲ្យ​ច្បាស់​ពី​អាជ្ញាធរ​ចិន​ស្តី​ពី​លោក ​Meng Hongwei​ ប្រធាន​ប៉ូលិស​អន្តរជាតិ​ Interpol។

​លោក ​Stock ​បាន​និយាយ​ថា៖ «លេខាធិការ​ដ្ឋាន​របស់​ប៉ូលិស​អន្តរជាតិ ​Interpol ​រំពឹង​នឹងទទួល​បាន​ការ​ឆ្លើយ​តប​ជា​ផ្លូវ​ការ​មក​ពីពួក​អាជ្ញាធរ​ចិន​ដើម្បី​ឆ្លើយ​តប​ការ​ព្រួយ​កង្វល់​ពី​សុខមាល​ភាព​របស់​លោក​ប្រធាន​ប៉ូលិស​អន្តរជាតិ»។

​នេះ​ជា​ការ​បាត់​ខ្លួន​ឥស្សរៈ​ជន​ជាន់​ខ្ពស់​នៅ​ពេល​ថ្មីៗ​បំផុត​នៅ​ក្នុង​ប្រទេស​ចិន​ដែល​មន្រ្តី​រដ្ឋាភិបាល​មួយ​ចំនួន​របស់​ចិន ​មហាសេដ្ឋី​ និង​ជនល្បីៗ​បាន​បាត់​ខ្លួន​អស់​រយៈ​ពេល​រាប់​សប្តាហ៍​ឬ​ខែ៕

XS
SM
MD
LG