តុលាការព្រហ្មទណ្ឌអន្តរជាតិ ហៅកាត់ ICC បានចេញដីកាចាប់ខ្លួនសម្រាប់អតីតរដ្ឋមន្ត្រីការពារប្រទេសរុស្ស៊ី លោក Sergei Shoigu និងនាយអគ្គសេនាធិការយោធារុស្ស៊ី លោកនាយឧត្តមសេនីយ៍ Valery Gerasimov។
តុលាការ ICC បានឱ្យដឹងកាលពីថ្ងៃអង្គារថា៖ «មានមូលដ្ឋានសមរម្យដើម្បីជឿថាជនសង្ស័យទាំងពីរ មានការទទួលខុសត្រូវ ក្នុងការវាយប្រហារដោយមីស៊ីល របស់កងកម្លាំងប្រដាប់អាវុធរុស្ស៊ី ប្រឆាំងលើហេដ្ឋារចនាសម្ព័ន្ធអគ្គិសនីរបស់អ៊ុយក្រែន រវាងខែតុលា ឆ្នាំ ២០២២ និងខែមីនា ឆ្នាំ ២០២៣។
តុលាការ ICC បានលើកឡើងអំពីការវាយប្រហាររបស់រុស្ស៊ី ទៅលើរោងចក្រថាមពលអ៊ុយក្រែន។
សេចក្តីថ្លែងការណ៍មួយរបស់ ICC បាននិយាយថា លោក Shoigu និងលោក Gerasimov ត្រូវបានសង្ស័យថា មានការទទួលខុសត្រូវក្នុងការវាយប្រហារដោយផ្ទាល់ទៅលើគោលដៅស៊ីវិល និងបានធ្វើឱ្យមានការរងគ្រោះយ៉ាងខ្លាំងលើជនស៊ីវិល ហើយថា រឿងទាំងពីរនេះជាឱក្រិដ្ឋកម្មសង្គ្រាម។
ប្រធានាធិបតីរុស្ស៊ី លោក Vladimir Putin បានដកតំណែងលោក Shoigu ពីរដ្ឋមន្ត្រីការពារជាតិ ក្នុងផ្នែកមួយនៃការរុះរើគណៈរដ្ឋមន្រ្តី នៅពេលដែលលោក Putin ចាប់ផ្តើមអាណត្តិប្រធានាធិបតីថ្មី៕
ព័ត៌មានខ្លះនៃសេចក្តីរាយការណ៍នេះត្រូវបានដកស្រង់ចេញពីទីភ្នាក់ងារសារព័ត៌មាន REUTERS។
វេទិកាបញ្ចេញមតិ