ភ្ជាប់​ទៅ​គេហទំព័រ​ទាក់ទង

ចិន​និង​ឥណ្ឌា​បន្ត​កិច្ច​ចរចាពាណិជ្ជកម្ម​និង​ជម្លោះ​ព្រំដែន


រូប​ភាព​ឯកសារ៖ រដ្ឋ​មន្រ្តី​ការបរទេស​ចិន​ លោក​ Wang Yi (ឆ្វេង) ចាប់​ដៃ​ជាមួយ​សមភាគី​ឥណ្ឌា​ លោក​ស្រី​ Sushma Swaraj នៅ​មុន​ពេល​ជួប​ប្រជុំ​នៅ​ក្នុង​ទីក្រុង​ញូវដែលី​ កាល​ពី​ថ្ងៃ​ទី​៨​ ខែ​មិថុនា​ ឆ្នាំ​២០១៤។

ប្រទេស​ឥណ្ឌា​និង​ចិន​បាន​ចាប់​ផ្តើម​ការចរចា​ព្រំដែន​ជុំ​ទី​១៨ ក្នុង​រដ្ឋ​ធានី​ញូវដែលី​នៅ​ថ្ងៃ​ច័ន្ទ​នេះ នៅ​ក្នុង​កិច្ច​ខំ​ប្រឹងប្រែង​ដើម្បី​ដោះ​ស្រាយ​ជម្លោះ​ទឹក​ដី​ដ៏​យូរ​អង្វែង។

ការ​ចរចា​អំ​ពីខ្សែ​បន្ទាត់​ត្រួតត្រា​ពិត​ប្រាកដ​ជា​លើក​ដំបូង​ចាប់​តាំង​ពី​លោក​នាយករដ្ឋ​មន្រ្តី Nerandra Modi ​បាន​ចូល​កាន់​តំណែង​កាល​ពី​ឆ្នាំ​ទៅ​មក។

ប្រទេស​ទាំង​២​មាន​ជម្លោះ​ទឹក​ដីដ៏​ល្វីងជូរ​ចត់​ជា​យូរ​យា​ណាស់​មក​ហើយ។ ​ការវាយ​ប្រហារ​តូច​ៗ​កើត​មាន​ឡើង​ជា​ញឹក​ញយ​ដោយ​ឆ្លង​កាត់​ខ្សែ​បន្ទាត់​ត្រួតត្រា​ពិតប្រាកដ ​ជា​ព្រំ​ដែន​ដែល​មាន​ការ​ការពារ​ប្រវែង​៤​ពាន់​គីឡូម៉ែត្រ​កាត់តាម​ភ្នំ​ហេមពាន្ត​ហើយ​ពាក់​ព័ន្ធ​នឹង​ទឹក​ដី​នៃ​តំបន់​ដាច់​ស្រយាល​ដ៏​ធំ​ល្វឹង​ល្វើយ។

ប្រទេស​ចិន​បាន​ទាម​ទារ​ទឹក​ដី​ប្រហែល​៩​ម៉ឺន​គីឡូម៉ែត្រ​ការ៉េ​នៅ​ខាង​ផ្នែក​ខាង​កើត​នៃ​ភ្នំ​ហេមពាន្ត ​ដែល​ឥណ្ឌា​ប្រឆាំង។ ផ្នែក​នៃ​ទឹក​ដី​នោះ​គឺ​ស្ថិត​នៅ​ក្នុង​រដ្ឋ Arunachal Pradesh នៃ​ប្រទេស​ឥណ្ឌា។

កាលពី​ឆ្នាំ​ទៅ ​ឥណ្ឌា​និង​ចិន​បាន​ដោះ​ស្រាយ​ភាពតាន​តឹង​អំពី​ ពីរ​សប្តាហ៍​នៃ​ភាព​មិន​ចាញ់​មិន​ឈ្នះ​នៅ​ក្នុង​តំបន់។

ជម្លោះ​ព្រំ​ដែន​បាន​នាំ​ឲ្យ​មាន​សង្គ្រាម​រយៈ​ពេល​ខ្លី​រវាង​ប្រទេស​ដ៏​ធំ​បំផុត​របស់​ទ្វីប​អាស៊ី​នៅ​ឆ្នាំ​១៩៦២៕

XS
SM
MD
LG