ទោះជាមិនធ្លាក់ព្រឹលក៏ដោយ សីតុណ្ហភាពត្រជាក់ជិតកកមិនមែនជាអាកាសធាតុល្អសម្រាប់ពលរដ្ឋឈរតម្រង់ជួរវែងចាំស្តាប់អ្នកនយោបាយនោះទេ។
ទោះជាយ៉ាងណាក្តី លោក Darrel Morf ត្រៀមខ្លួនជាស្រេច ពេលលោកឈរត្រដុសដៃដើម្បីឲ្យកក់ក្តៅ និងពាក់មួកខែរងារ។
នៅពេលឈររង់ចាំជាមួយមនុស្សរាប់រយនាក់ទៀតនៅមហាវិទ្យាល័យ Cornell ដើម្បីជួបលោក Pete Buttigieg អភិបាលក្រុងSouth Bend រដ្ឋ Indiana ដែលជាបេក្ខជនគណបក្សប្រធានាធិបតីឈានមុខគេ នោះ លោក Morf ប្រាប់វីអូអេថា លោកចូលចិត្តរដូវបោះឆ្នោតបឋមនៅរដ្ឋ Iowa។នេះជាឱកាសស្តាប់ទស្សនៈផ្សេងៗគ្នាជាច្រើន និងពិចារណាអំពីការបោះឆ្នោត»។
ទោះបីជាមានការចាប់អារម្មណ៍យ៉ាងខ្លាំងទៅលើដំណើរការចោទប្រកាន់លោកដូណាល់ត្រាំប្រធានាធិបតីអាមេរិកក៏ដោយ ក៏លោក Morf និយាយថា លោកមានបញ្ហាផ្សេងទៀតនៅក្នុងចិត្តរបស់លោក។
លោកនិយាយថា៖
«តើយើងនឹងរក្សាសន្តិសុខនៅលើពិភពលោកដូចម្តេច នៅពេលនេះ? ខ្ញុំបារម្ភអំពីបញ្ហាអន្តរជាតិ។ ខ្ញុំគិតថា ប្រជាជនមានការព្រួយបារម្ភច្រើនអំពីអាកាសធាតុនៅទីនេះ នៅរដ្ឋ Iowa។ នោះគឺជាកង្វល់ដ៏ធំមួយទៀត»៕
