ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

នៅ​ក្នុង​ភូមិភាគ​ឥណ្ឌូណេស៊ី សហរដ្ឋអាមេរិកបញ្ជូន​សារ​ផ្ទុយគ្នា​


រូបឯកសារ៖ លោកប្រធានាធិបតីដូណាល់ ត្រាំ មុនពេលចាកចេញទៅរដ្ឋ Louisiana។
រូបឯកសារ៖ លោកប្រធានាធិបតីដូណាល់ ត្រាំ មុនពេលចាកចេញទៅរដ្ឋ Louisiana។

សេចក្តី​រាយការណ៍​នេះគូស​បញ្ជាក់ថា​ លោកTrump «បានធ្វើការ​ទាក់ទងរបស់សហរដ្ឋអាមេរិកជា​មួយ​តំបន់​​ឥណ្ឌូប៉ាស៊ីហ្វិក ជា​អាទិភាពកំពូល​របស់​រដ្ឋបាលលោក»។

នៅ​ក្នុង​សប្តាហ៍ដែល​រដ្ឋបាល Trump បោះពុម្ព​ផ្សាយ​របាយការណ៍​មួយ​ផ្តល់ចំណុចសំខាន់ៗអំពីការ​ទាក់ទង​របស់​ខ្លួនក្នុង​ភូមិភាគ​មហាសមុទ្រឥណ្ឌា​និងមហា​សមុទ្រ​ប៉ាស៊ីហ្វិក និង​«ការ​ប្តេជ្ញា​ដល់ភាពសំបូររុង​រឿងក្នុង​ពេល​អនាគត​របស់​តំបន់នេះ»។ លោកប្រធានាធិបតី​ Donald Trump មិន​បានចូលរួម​ក្នុង​សន្និសិទ​កំពូល​សំខាន់ៗ​ក្នុង​តំបន់នោះ​ទេ​ហើយលោក​បានបញ្ជូនគណៈប្រតិភូកម្រិត​ទាបមួយឱ្យ​ទៅ​ចូល​រួម​វិញ។

សេចក្តី​រាយការណ៍​នេះគូស​បញ្ជាក់ថា​ លោក Trump «បានធ្វើការ​ទាក់ទងរបស់សហរដ្ឋអាមេរិកជា​មួយ​តំបន់ឥណ្ឌូប៉ាស៊ីហ្វិក ជា​អាទិភាពកំពូល​របស់​រដ្ឋបាលលោក»។

ក៏ប៉ុន្តែ​លោក Trump មិន​បានបញ្ជូន​លោករដ្ឋមន្ត្រី​ការបរទេស Mike Pompeo ឱ្យ​ទៅ​ចូល​រួម​ក្នុង​សន្និសិទកំពូល​នៃ​សមាគមប្រជាជាតិអាស៊ី​អាគ្នេយ៍​ហៅកាត់​ថា​ អាស៊ាន និង​សន្និសីទ​កំពូល​អាស៊ី​ខាង​កើត​ក្នុង​សប្តាហ៍នេះ​ក្នុងក្រុងបាងកក​ ប្រទេស​ថៃ​ទេ។

ក្រុម​អ្នករិះ​គន់​និយាយថា ​អវត្តមាន​របស់ពួក​មន្ត្រីជាន់ខ្ពស់​របស់លោក Trump មានន័​យ​ថា ​ប្រទេស​មហា​អំណាច​ឯទៀតៗក្នុង​តំបន់មានឱកាស​ធំជាងមុនក្នុងការប្រើឥទ្ធិពល​របស់​ពួក​គេ។

នាយករដ្ឋមន្ត្រីចិន Li Keqiang លោកនាយករដ្ឋមន្ត្រី​ជប៉ុន Shinzo Abe និង​លោក Narendra Modi នាយករដ្ឋមន្ត្រី​នៃ​ប្រទេសឥណ្ឌាឋិតក្នុង​ចំណោម​ពួក​មេដឹកនាំដែល​បានជួប​ជាមួយពួកសមភាគី​ ASEAN នៅ​ក្នុងសន្និសិទកំពូលនេះ៕

XS
SM
MD
LG