ភ្នំពេញ —
រដ្ឋប្រហារយោធានៅប្រទេសថៃ បាននាំឲ្យមានកង្វល់មួយចំនួននៅក្នុងប្រទេសកម្ពុជាប៉ុន្តែនោះទំនងជាមិនមែនជាកង្វល់សម្រាប់ប្រជាជនកម្ពុជាសាមញ្ញនោះទេ។
ក្រុមយោធាថៃបានធ្វើរដ្ឋប្រហារលើកទី១៩ក្នុងប្រវត្តិសាស្ដ្រប្រទេសថៃកាលពីថ្ងៃព្រហស្បតិ៍ម្សិលមិញ គឺ២ថ្ងៃក្រោយពីមេបញ្ជារការកងទ័ព បានដាក់ច្បាប់អាជ្ញាសឹកហើយក្រុមយោធាបានឃុំឃាំងក្រុមរដ្ឋាភិបាលហើយបានរឹតបន្តឹងបណ្តាញផ្សាយព័ត៌មាន។
ហើយកងយោធានិងប៉ូលិស បានត្រួតត្រាប្រទេសនេះទាំងស្រុង។
លោកស្រីពុង ឈីវកេក នាយិកាអង្គការការពារសិទ្ធិមនុស្សលីកាដូនិងជាអ្នកតាមដានស្ថានភាពនយោបាយនិងសង្គមមួយរូបមានប្រសាសន៍ថារដ្ឋប្រហារនៅប្រទេសថៃគឺជាកង្វល់មួយដល់ប្រទេសកម្ពុជា។
«ថ្វីដ្បិតតែមិនមែនក្នុងប្រទេសយើង ប៉ុន្តែបើឃើញថាប្រទេសជិតខាងយើងមានរដ្ឋប្រហារហើយអំណាចទៅលើដៃយោធា។យើងមានការព្រួយបារម្ភ។ដូច្នេះបើប្រទេសនេះទៅជាប្រទេសអំណាចផ្តាច់ការនិងកាន់កាប់ដោយយោធា យើងភ័យខ្លាចថាទំនាក់ទំនងសេដ្ឋកិច្ច នយោបាយ និងសង្គមអាចមានបញ្ហា»។
រហូតមកទល់នឹងថ្ងៃសុក្រនេះកងទ័ពថៃបានកោះហៅអតីតនាយករដ្ឋមន្ត្រីលោកស្រីយីងឡាក់ស៊ីណាវ៉ាត់ ដែលត្រូវបានផ្តួលរំលំឲ្យទៅជួបហើយមនុស្ស១៥៥នាក់ក្នុងនោះមានបណ្តាអតីតមេដឹកនាំផង ត្រូវហាមឃាត់មិនឱ្យចាកចេញពីប្រទេសវៀរលែងតែមានការអនុញ្ញាតដើម្បីថែរក្សាសន្តិភាព និងរបៀបរៀបរយ។ លោកស្រីត្រូវបានចាប់ឃុំខ្លួននៅទីតាំងមួយដែលគ្មានអ្នកណាដឹងបានបន្ទាប់ពីបានទៅជួបក្រុមមន្ត្រីយោធានោះ។
លោកកុយ គួង អនុរដ្ឋលេខាធិការនិងជាអ្នកនាំពាក្យក្រសួងការបរទេសកម្ពុជាមានប្រសាសន៍ថារដ្ឋប្រហារយោធាក្នុងប្រទេសថៃគឺជាបញ្ហាផ្ទៃក្នុងរបស់ប្រទេសនេះតែប៉ុណ្ណោះ។
មន្ត្រីរដ្ឋាភិបាលដដែលបញ្ជាក់ថាកម្ពុជាបន្តតាមដានយ៉ាងយកចិត្តទុកដាក់សភាពការណ៍ក្នុងប្រទេសថៃ។
«កម្ពុជានិងប្រទេសថៃជាប្រទេសជិតខាងគ្នាដូច្នេះយើងនឹងបន្តតាមដានដោយយកចិត្តទុកដាក់ជាទីបំផុត។ហើយម្យ៉ាងវិញទៀតយើងសង្ឃឹមថាស្ថានភាពក្នុងប្រទេសថៃនឹងវិលមកសភាពដើមក្នុងពេលអនាគតមិនយូរប៉ុន្មាន»។
ប្រជាពលរដ្ឋកម្ពុជាមួយចំនួនក្នុងទីក្រុងភ្នំពេញបានតាមដានសភាពការណ៍រដ្ឋប្រហារក្នុងប្រទេសថៃប៉ុន្តែហាក់ដូចជាមិនសូវផ្តោតការយកចិត្តទុកដាក់នោះទេ។
លោកទឿង ង៉ុក អ្នករត់រ៉ឺម៉កកង់បីម្នាក់នៅសង្កាត់ទឹកល្អក់១ ខណ្ឌទួលគោក កំពុងសំចតចាំម៉ូយ។
«យើងដឹងថារដ្ឋប្រហារយោធាទី១៩។សរសើរគេដែរ អត់មានបង្ហូរឈាម។ ស្រុកយើងដោះស្រាយមិនទាន់ចេញ តើគិតដោះស្រាយរឿងគេធ្វើអី?»
ប៉ុន្តែពលរដ្ឋមួយចំនួនទៀតដែលវីអូអេសំឡេងសហរដ្ឋអាមេរិកបានសាកសួរហាក់ដូចជាមិនបានខ្វល់ខ្វាយអំពីភាពវឹកវរនយោបាយនៅប្រទេសថៃនោះទេ។
ក្រុមឈ្មួញនាំទំនិញចូលមួយចំនួនបានលើកពីផលប៉ះពាល់ពីវិបត្តិនយោបាយនៅប្រទេសថៃ។ជាពិសេសការនាំទំនិញចូល។ទំនិញដែលកម្ពុជាស្រូបយកពីប្រទេសថៃនិងវៀតណាមយ៉ាងច្រើន។
លោកថោង ខុន រដ្ឋមន្ត្រីក្រសួងទេសចរណ៍បានលើកពីផលប៉ះពាល់ផ្នែកទេសចរណ៍ដល់កម្ពុជា។
«ច្បាប់អាជ្ញាសឹកនិងរដ្ឋប្រហារចឹងហើយ ប្រទេសមួយចំនួនហាមប្រជាជនគេមិនឲ្យចូលថៃ ចឹងហើយប៉ះពាល់ដល់យើង»។
ទេសចរបរទេសចូលកម្ពុជាតាមច្រកប្រទេសថៃមានចំនួនប្រមាណជាងមួយលាននាក់ក្នុងមួយឆ្នាំតាមផ្លូវអាកាស ផ្លូវគោកនិងផ្លូវទឹក៕
ក្រុមយោធាថៃបានធ្វើរដ្ឋប្រហារលើកទី១៩ក្នុងប្រវត្តិសាស្ដ្រប្រទេសថៃកាលពីថ្ងៃព្រហស្បតិ៍ម្សិលមិញ គឺ២ថ្ងៃក្រោយពីមេបញ្ជារការកងទ័ព បានដាក់ច្បាប់អាជ្ញាសឹកហើយក្រុមយោធាបានឃុំឃាំងក្រុមរដ្ឋាភិបាលហើយបានរឹតបន្តឹងបណ្តាញផ្សាយព័ត៌មាន។
ហើយកងយោធានិងប៉ូលិស បានត្រួតត្រាប្រទេសនេះទាំងស្រុង។
លោកស្រីពុង ឈីវកេក នាយិកាអង្គការការពារសិទ្ធិមនុស្សលីកាដូនិងជាអ្នកតាមដានស្ថានភាពនយោបាយនិងសង្គមមួយរូបមានប្រសាសន៍ថារដ្ឋប្រហារនៅប្រទេសថៃគឺជាកង្វល់មួយដល់ប្រទេសកម្ពុជា។
«ថ្វីដ្បិតតែមិនមែនក្នុងប្រទេសយើង ប៉ុន្តែបើឃើញថាប្រទេសជិតខាងយើងមានរដ្ឋប្រហារហើយអំណាចទៅលើដៃយោធា។យើងមានការព្រួយបារម្ភ។ដូច្នេះបើប្រទេសនេះទៅជាប្រទេសអំណាចផ្តាច់ការនិងកាន់កាប់ដោយយោធា យើងភ័យខ្លាចថាទំនាក់ទំនងសេដ្ឋកិច្ច នយោបាយ និងសង្គមអាចមានបញ្ហា»។
រហូតមកទល់នឹងថ្ងៃសុក្រនេះកងទ័ពថៃបានកោះហៅអតីតនាយករដ្ឋមន្ត្រីលោកស្រីយីងឡាក់ស៊ីណាវ៉ាត់ ដែលត្រូវបានផ្តួលរំលំឲ្យទៅជួបហើយមនុស្ស១៥៥នាក់ក្នុងនោះមានបណ្តាអតីតមេដឹកនាំផង ត្រូវហាមឃាត់មិនឱ្យចាកចេញពីប្រទេសវៀរលែងតែមានការអនុញ្ញាតដើម្បីថែរក្សាសន្តិភាព និងរបៀបរៀបរយ។ លោកស្រីត្រូវបានចាប់ឃុំខ្លួននៅទីតាំងមួយដែលគ្មានអ្នកណាដឹងបានបន្ទាប់ពីបានទៅជួបក្រុមមន្ត្រីយោធានោះ។
លោកកុយ គួង អនុរដ្ឋលេខាធិការនិងជាអ្នកនាំពាក្យក្រសួងការបរទេសកម្ពុជាមានប្រសាសន៍ថារដ្ឋប្រហារយោធាក្នុងប្រទេសថៃគឺជាបញ្ហាផ្ទៃក្នុងរបស់ប្រទេសនេះតែប៉ុណ្ណោះ។
មន្ត្រីរដ្ឋាភិបាលដដែលបញ្ជាក់ថាកម្ពុជាបន្តតាមដានយ៉ាងយកចិត្តទុកដាក់សភាពការណ៍ក្នុងប្រទេសថៃ។
«កម្ពុជានិងប្រទេសថៃជាប្រទេសជិតខាងគ្នាដូច្នេះយើងនឹងបន្តតាមដានដោយយកចិត្តទុកដាក់ជាទីបំផុត។ហើយម្យ៉ាងវិញទៀតយើងសង្ឃឹមថាស្ថានភាពក្នុងប្រទេសថៃនឹងវិលមកសភាពដើមក្នុងពេលអនាគតមិនយូរប៉ុន្មាន»។
ប្រជាពលរដ្ឋកម្ពុជាមួយចំនួនក្នុងទីក្រុងភ្នំពេញបានតាមដានសភាពការណ៍រដ្ឋប្រហារក្នុងប្រទេសថៃប៉ុន្តែហាក់ដូចជាមិនសូវផ្តោតការយកចិត្តទុកដាក់នោះទេ។
លោកទឿង ង៉ុក អ្នករត់រ៉ឺម៉កកង់បីម្នាក់នៅសង្កាត់ទឹកល្អក់១ ខណ្ឌទួលគោក កំពុងសំចតចាំម៉ូយ។
«យើងដឹងថារដ្ឋប្រហារយោធាទី១៩។សរសើរគេដែរ អត់មានបង្ហូរឈាម។ ស្រុកយើងដោះស្រាយមិនទាន់ចេញ តើគិតដោះស្រាយរឿងគេធ្វើអី?»
ប៉ុន្តែពលរដ្ឋមួយចំនួនទៀតដែលវីអូអេសំឡេងសហរដ្ឋអាមេរិកបានសាកសួរហាក់ដូចជាមិនបានខ្វល់ខ្វាយអំពីភាពវឹកវរនយោបាយនៅប្រទេសថៃនោះទេ។
ក្រុមឈ្មួញនាំទំនិញចូលមួយចំនួនបានលើកពីផលប៉ះពាល់ពីវិបត្តិនយោបាយនៅប្រទេសថៃ។ជាពិសេសការនាំទំនិញចូល។ទំនិញដែលកម្ពុជាស្រូបយកពីប្រទេសថៃនិងវៀតណាមយ៉ាងច្រើន។
លោកថោង ខុន រដ្ឋមន្ត្រីក្រសួងទេសចរណ៍បានលើកពីផលប៉ះពាល់ផ្នែកទេសចរណ៍ដល់កម្ពុជា។
«ច្បាប់អាជ្ញាសឹកនិងរដ្ឋប្រហារចឹងហើយ ប្រទេសមួយចំនួនហាមប្រជាជនគេមិនឲ្យចូលថៃ ចឹងហើយប៉ះពាល់ដល់យើង»។
ទេសចរបរទេសចូលកម្ពុជាតាមច្រកប្រទេសថៃមានចំនួនប្រមាណជាងមួយលាននាក់ក្នុងមួយឆ្នាំតាមផ្លូវអាកាស ផ្លូវគោកនិងផ្លូវទឹក៕
