មជ្ឈមណ្ឌលព្យុះសង្ឃរាជាតិសហរដ្ឋអាមេរិកបា្រប់ឲ្យដឹងថា ព្យុះសង្ឃរា Mariaបន្តបក់បោកនៅផ្នែកនានានៃដែនដី Puerto Rico ដោយមានខ្យល់ហើយនឹងទឹកជំនន់យ៉ាងខ្លាំងបន្ទាប់ពីព្យុះនោះបានបក់បោកនោះលើកោះនោះកាលពីថ្ងៃពុធដែលជាព្យុះប្រភេទទី៤។
ព្យុះសង្ឃរា Maria ជាប្រភេទព្យុះដ៏ខ្លាំងបំផុតមួយដែលបានបក់បោកនៅដែនដី Puerto Rico បានត្រូវបញ្ចុះជាប្រភេទព្យុះទី៣ដោយមានល្បឿនខ្យល់អប្បរមាប្រហែល១៨៥គីឡូម៉ែត្រក្នុងមួយម៉ោង។
ព្យុះនោះកំពុងបណ្តាលឲ្យមានទឹកជំនន់និងការបាក់ដីភ្លាមៗហើយបានធ្វើឲ្យមនុស្ស៩នាក់ស្លាប់នៅទូទាំងតំបន់ការ៉ាអ៊ីប។បន្ទាប់ពីព្យុះសង្ឃរា Maria បានបក់បោកកាលពីព្រឹកថ្ងៃពុធនៅតាមបណ្តោយឆ្នេរសមុទ្រភាគអាគ្នេយ៍នៃដែនដី Puerto Rico មក មានសេចក្តីរាយការណ៍ថា ទឹកជំនន់យ៉ាងខ្លាំងបានលេចផ្លូវនានាដែលបានធ្វើឲ្យក្លាយទៅជាទន្លេ។
ការគំរាមកំហែងទាំងនោះក៏បានបន្តនៅក្នុងសហរដ្ឋអាមេរិកនិងប្រជុំកោះ Virgin របស់ចក្រភពអង់គ្លេសនៅពេលដែលព្យុះបានធ្វើចលនាយឺតៗបន្ទាប់ពីបានបក់បោកនៅកោះ St. Croix។
ពួកអ្នកព្យាករណ៍អាកាសធាតុរំពឹងថា ស្នូលព្យុះសង្ឃរានោះនឹងចេញពីកោះ Puerto Rico ហើយនឹងទៅដល់កណ្តាលសមុទ្រនៅរសៀលថ្ងៃនេះដោយក្លាយជាព្យុះសង្ឃរាឆ្ពោះទៅកាន់សាធារណរដ្ឋដូមីនិក Dominican Republic នៅថ្ងៃពុធនិងថ្ងៃព្រហស្បតិ៍នេះ។
ថ្វីបើកម្រិតប្រភេទរបស់វាបានធ្លាក់ចុះក៏ដោយ ព្យុះ Maria នៅតែជាប្រភេទព្យុះប្រកបដោយគ្រោះថ្នាក់នៅពេលដែលវាខិតជិតប្រជុំកោះTurksនិងកោះ Caicos ហើយនឹងកោះបាហាម៉ាភាគអាគ្នេយ៍នៅថ្ងៃព្រហស្បតិ៍និងថ្ងៃសុក្រស្អែកនេះ៕
