ភ្ជាប់​ទៅ​គេហទំព័រ​ទាក់ទង

លោក​​អូបាម៉ា​​ប្រារព្ធ​​ទិវា​​រំឮក​​វិញ្ញាណ​​ក្ខន្ធ​​យុទ្ធជន


លោក​ប្រធានាធិបតី​​បាន​​សុំ​​ដល់​​ប្រជាជន​​អាមេរិកាំង​​ទាំង​អស់​​ឲ្យ​​ចំណាយ​​ពេល​​វេលា​​នា​​ថ្ងៃ​ច​ន្ទ​ខាង​​មុខ​នេះ​ ដើម្បី​​ជូន​ជា​​កិត្តិយស​​ដល់​វិញ្ញាណ​​ក្ខន្ធ ​និង​​ពលិកម្ម​រ​បស់​​ក្រុម​វីរជន។

នៅក្នុង​សុន្ទរកថាប្រចាំ​សប្តាហ៍​របស់​លោក​នៅ​ក្នុង​ថ្ងៃ​អាទិត្យ​នេះ​ លោក​ប្រធានាធិបតីបារ៉ាក់​ អូបាម៉ា​បាន​ប្រារព្ធ​ទិវា​រំឮក​វិញ្ញាណ​ក្ខន្ធយុទ្ធជន​ដែល​ក្នុង​ភាសា​អង់គ្លេស​ហៅ​ថា​ Memorial Day ដោយ​លោក​បាន​ធ្វើ​គារវកិច្ច​ដល់​ក្រុម​បុរស​ និងស្ត្រីជា​យុទ្ធជន ​ដែល​បាន​បូជា​ជីវិត​របស់​ពួក​គេក្នុង​ការ​បម្រើ​ប្រទេស​ជាតិ​។​

លោក​ប្រធានាធិបតី​នឹង​ចំណាយ​ពេល​វេលា​ក្នុង​ពិធី​បុណ្យ​ Memorial Day ទីមួយ​ចាប់​តាំង​ពី​ការ​បញ្ចប់​សង្គ្រាម​ក្នុង​ប្រទេស​អាហ្វហ្គានីស្ថាន​នៅ​កន្លែង​បញ្ចុះ​សពArlington ដោយ​លោក​រំឮក​ដល់​ក្រុម​អ្នក​ស្នេហា​ជាតិ​អាមេរិកាំង​ជាង២.២០០​នាក់ ​ដែល​បាន​បូជា​ជីវិត​នៅ​ក្នុង​សង្គ្រាម​នោះ​ និង​ដល់​ទាហាន​ទាំង​អស់​ដែល​បាន​បាត់បង់​ជីវិត។​

លោកប្រធានាធិបតី​បាន​សុំ​ដល់​ប្រជាជន​អាមេរិកាំង​ទាំង​អស់​ឲ្យ​ចំណាយ​ពេល​ វេលា​នា​ថ្ងៃ​ចន្ទ​ខាង​មុខនេះ​ ដើម្បី​ជូន​ជា​កិត្តិយស​ដល់​វិញ្ញាណ​ក្ខន្ធ ​និង​ពលិកម្ម​របស់​ក្រុម​វីរជន​ទាំង​នោះ​ ហើយ​លោកនៅ​តែ​ប្តេជ្ញា​ដល់​បុព្វហេតុ​នៃ​សេរីភាព​ និង​ប្រទេស​ដែល​ពួក​គេបាន​ប្រយុទ្ធ​ការពារ៕

XS
SM
MD
LG