ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

Hello VOA៖ អ.ស.ប. និង​កម្ពុជា ទំនងជា​ត្រូវការ​ដំណោះ​ស្រាយ​នយោបាយ​លើ​សំណុំរឿង​ខ្មែរក្រហម​បន្ថែម បើ​ចង់​បន្ត​នីតិវិធី


ទាញ​យក​ពី​តំណភ្ជាប់​ដើម

សាលាក្តី​ខ្មែរក្រហម​ដែល​ចូលរួម​ដោយ​អង្គការ​សហ​ប្រជាជាតិ ត្រូវការ​កិច្ចចរចា​ផ្នែក​នយោបាយ​មួយ ប្រសិនបើ​គេ​ចង់​ឃើញ​ដំណើរការ​សំណុំរឿង​ដែល​នៅ​សេសសល់ ​០០៣ របស់​អតីត​កម្មាភិបាល​ខ្មែរក្រហម ​លោក ​មាស មុត និង​សំណុំ​រឿង​០០៤​ របស់​អតីត​កម្មាភិបាល​ខ្មែរ​ក្រហម​លោក​ យឹម ទិត។ លោក​មេធាវី ​ឡុង បញ្ញាវុធ ដែល​ជា​អតីត​អ្នក​ឃ្លាំមើល​សាលាក្តី​ខ្មែរក្រហម បាន​ថ្លែង​ក្នុង​កម្មវិធី​ហេឡូវីអូអេ ដែល​សម្រប​សម្រួល​ដោយ​លោក ​សុខ ខេមរា ​នៃ​វីអូអេ នៅថ្ងៃ​ព្រហស្បតិ៍​ថា សំណុំ​រឿង​ទាំងពីរ​ដែល​គេ​រង់ចាំ​មើល​ជាយូរ​មក​ហើយ​នេះ​ អាចនឹង​មាន​បញ្ហា​ខ្វែង​គំនិតគ្នា​និង​រងការ​រិះគន់​ពីដំណើរការ​សាលាក្តី​ ពី​កេរដំណែល​សាលាក្តី។ លោក​ថា បើមិន​មានការ​ដោះស្រាយ​ទេ ​ភាគី​នីមួយៗ​មានការ​បក​ស្រាយ​រៀងខ្លួន​ទៅលើ​ការ​បញ្ជូន​ទៅ​ជំនុំ​ជម្រះ​។ ​ភាគីអន្តរជាតិ​យល់​ថា សំណុំរឿង​០០៣ ​ជនជាប់​ចោទ គឺជា​អ្នកទទួល​ខុសត្រូវ​ខ្ពស់​បំផុត ដែលគួរ​ត្រូវនាំខ្លួន​ទៅ​កាត់ទោស​ តែ​ភាគី​កម្ពុជា​យល់ថា ​មិន​អាច​បញ្ជូន​​បាន​ទេ ដោយត្រូវ​តម្កល់​ទុក​នៅ​បណ្ណសារ​នៃសាលាក្តី​សម្រាប់​ជា​ឯកសារ​និង​អ្នកស្រាវជ្រាវ ​នៅ​ថ្ងៃ​ក្រោយ​ ដោយសារ​សំណុំ​រឿង​ទាំងនេះ​មិន​ស្ថិត​ក្នុងយុត្តាធិការ​តុលាការ ឬ​ជា​ជន​ទទួល​ខុសត្រូវ​ខ្ពស់​បំផុត​និងជា​មេដឹកនាំ​កំពូលទេ៕ (លោក សុខ ខេមរា, HelloVOA, វ៉ាស៊ីនតោន, ថ្ងៃទី២៩ ខែមេសា ឆ្នាំ២០២១)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG