Hello VOA៖ សង្គមស៊ីវិល ស្នើឲ្យមានការត្រួតពិនិត្យអំពើពុករលួយក្នុងការទទួលបានវ៉ាក់សាំង
អ្នកតស៊ូមតិដើម្បីតម្លាភាពនៅកម្ពុជាលើកឡើងថា អំឡុងពេលអាជ្ញាធរកម្ពុជាកំពុងដំណើរការចាក់វ៉ាក់សាំងបង្ការជំងឺកូវីដ១៩ មានការចោទប្រកាន់មួយចំនួនអំពីការស៊ីសំណូកសូកប៉ាន់ទាក់ទងនឹងការទទួលបានវ៉ាក់សាំង ជាពិសេសក្នុងចំណោមបុគ្គលដែលមិនមែនស្ថិតក្នុងក្រុមអាទិភាពនៃការទទួលបានវ៉ាក់សាំងមុនគេ។ លោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា បានមានប្រសាសន៍នៅក្នុងកម្មវិធី Hello VOA កាលពីថ្ងៃព្រហស្បតិ៍ ទី១៣ ខែឧសភា ឆ្នាំ២០២១ថា៖ «កន្លែងនេះជាការព្រួយបារម្ភណាស់ ហើយសូមឲ្យអាជ្ញាធរត្រួតពិនិត្យមើលអំពីបញ្ហាហ្នឹង។ បើអាចរារាំងបាន យើងត្រូវធ្វើយ៉ាងម៉េចធានាថា ការចាក់វ៉ាក់សាំងគឺឥតគិតថ្លៃ ហើយប្រជាពលរដ្ឋគ្រប់រូបមានសិទ្ធិស្មើគ្នាក្នុងការទទួលបានវ៉ាក់សាំង»៕ (សាយ មុន្នី, Hello VOA, វ៉ាស៊ីនតោន, ១៣ ឧសភា ២០២១)
