Hello VOA សំឡេងជំនាន់ថ្មី៖ កង្វះការយកចិត្តទុកដាក់លើសន្តិសុខស្បៀង និងអាហារូបត្ថម្ភអាចប៉ះពាល់ដល់ធនធានមនុស្ស
កញ្ញា ឈុន បូរមី បានជាប់ជ័យលាភីក្នុងកម្មវិធីជើងឯកអាហារូបត្ថម្ភមួយកាលពីឆ្នាំ២០១៨ ដែលកម្មវិធីនោះរៀបចំឡើងដើម្បីពង្រឹងចំណេះដឹងពាក់ព័ន្ធនឹងអាហារូបត្ថម្ភជាមួយនឹងការតស៊ូមតិ។ កាលពីឆ្នាំមុន កញ្ញាត្រូវបានជ្រើសតាំងជាតំណាងយុវជនប្រចាំតំបន់អាស៊ី ក្នុងក្រុមគណៈកម្មាធិការដឹកនាំបណ្តាញអង្គការសង្គមស៊ីវិលដើម្បីអាហារូបត្ថម្ភសកល។ កញ្ញា ឈុន បូរមី អ្នកដឹកនាំក្រុមយុវជនជើងឯកអាហារូបត្ថម្ភនៃអង្គការ Helen Keller កម្ពុជាថ្លែងក្នុងកម្មវិធី Hello VOA សំឡេងជំនាន់ថ្មីថា កង្វះការយកចិត្តទុកដាក់លើសន្តិសុខស្បៀង និងអាហារូបត្ថម្ភ អាចធ្វើឲ្យប៉ះពាល់ដល់ធនធានមនុស្សសម្រាប់សង្គម៕ (អ្នកនាង កាន់ វិច្ឆិកា, ភ្នំពេញ, ៩ ឧសភា ២០២២)
