Hello VOA៖ មុនខួប៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស សង្គមស៊ីវិលអំពាវនាវឲ្យកម្ពុជាងាកមករកប្រជាធិបតេយ្យសេរីពហុបក្សវិញ
អ្នកដឹកនាំអង្គការសង្គមស៊ីវិលក្នុងប្រទេសកម្ពុជា លើកឡើងថា កម្ពុជាមិនគួរ«កាត់ក្បាលតម្រូវមួក»ដោយការលុបចោលស្មារតីនៃគោលការណ៍ប្រជាធិបតេយ្យសេរីពហុបក្ស ដែលបានកំណត់ក្នុងរដ្ឋធម្មនុញ្ញឆ្នាំ១៩៩៣នោះទេ។ លោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា មានប្រសាសន៍ដូច្នេះនៅក្នុងកម្មវិធី Hello VOA កាលពីថ្ងៃព្រហស្បតិ៍ទី១៤ខែតុលាឆ្នាំ២០២១៖«កាត់ក្បាលតម្រូវមួកហ្នឹងមិនមែនជាអនុសាសន៍ល្អទេ។ យើងគួរតែដើរមករកការដឹកនាំរដ្ឋមួយដែលជារបបប្រជាធិបតេយ្យសេរីពហុបក្សដែលមានចែងនៅក្នុងរដ្ឋធម្មនុញ្ញកម្ពុជា ហើយដែលជាការតាំងចិត្តដាច់ណាត់មួយ ក្រោយកិច្ចព្រមព្រៀងទីក្រុងប៉ារីស»៕ (សាយ មុន្នី, Hello VOA, វ៉ាស៊ីនតោន, ទី១៤ ខែតុលា ឆ្នាំ២០២១)
