នាយករដ្ឋមន្ត្រីអ៊ីស្រាអែលលោក Benjamin Netanyahu និយាយថាអ៊ីស្រាអែល«នឹងឲ្យសងក្នុងតម្លៃដ៏ខ្ពស់ចំពោះការឈ្លានពានណាមួយប្រឆាំងនឹងយើងនៅលើសមរភូមិណាក៏ដោយ»។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន AP។
វាជាសេចក្តីថ្លែងការណ៍សាធារណៈលើកទី១របស់លោកចាប់តាំងពីការសម្លាប់មេដឹក នាំនយោបាយកំពូលរបស់ក្រុមហាម៉ាស់នៅក្នុងការវាយប្រហារនៅក្នុងរដ្ឋធានីតេហេរ៉ង់មក។ អត្ថាធិប្បាយរបស់លោកមិនបាននិយាយដល់ការសម្លាប់នោះទេ។
ទាំងក្រុមហាម៉ាស់និងអ៊ីរ៉ង់បានស្តីបន្ទោសភ្លាមៗដល់អ៊ីស្រាអែលចំពោះឃាតកម្មដ៏តក់ស្លុតដែលធ្វើឱ្យមានហានិភ័យនៃការរាលដាលនៃសង្គ្រាមក្នុងតំបន់។ ការវាយប្រហារបានកើតមានឡើងប៉ុន្មានម៉ោងបន្ទាប់ពីអ៊ីស្រាអែលបានវាយប្រហារសំដៅលើមេបញ្ជាការកំពូលម្នាក់របស់ក្រុម Hezbollah ដែលជាសម្ព័ន្ធមិត្តរបស់អ៊ីរ៉ង់នៅក្នុងរដ្ឋធានីបេរូតនៃប្រទេសលីបង់។
មេដឹកនាំនយោបាយកំពូលរបស់ក្រុមហាម៉ាស់បានត្រូវសម្លាប់កាលពីថ្ងៃពុធដោយការវាយប្រហារមុនថ្ងៃរះនៅក្នុងរដ្ឋធានីនៃប្រទេសអ៊ីរ៉ង់ ហើយមេដឹកនាំកំពូលអ៊ីរ៉ង់បានសន្យាសងសឹកប្រឆាំងនឹងអ៊ីស្រាអែល។
អ៊ីស្រាអែលបានសន្យាសម្លាប់លោក Ismail Haniyeh និងមេដឹកនាំហាម៉ាស់ផ្សេងទៀតចំពោះការវាយប្រហារថ្ងៃទី៧ ខែតុលារបស់ក្រុមនោះនៅប្រទេសភាគខាងត្បូងប្រទេសអ៊ីស្រាអែលដែលបានបណ្តាលឱ្យមានសង្គ្រាមនៅក្នុងតំបន់ហ្កាហ្សា៕
វេទិកាបញ្ចេញមតិ