លោកស្រី Nikki Haley ឯកអគ្គរដ្ឋទូតសហរដ្ឋអាមេរិកប្រចាំនៅអង្គការសហប្រជាជាតិបាននិយាយកាលពីអង្គារថា សហរដ្ឋអាមេរិកបានតាំងចិត្តធ្វើការជាមួយសម្ព័ន្ធមិត្ត អឺរ៉ុប ថ្វីបើមានការខ្វែងគំនិតគ្នាក៏ដោយ។
លោកស្រីឯកអគ្គរដ្ឋទូតអាមេរិក បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិថា «ចាប់ពីថ្ងៃនេះទៅ គ្មាននរណាត្រូវបកស្រាយខុសពីការខ្វែងគំនិតនិងការជ ជែកដេញដោលពីគោលនយោបាយថាជាសញ្ញាមិនសូវធ្វើការតាំងចិត្តដល់សម្ព័ន្ធមិត្តរបស់យើងនៅអឺរ៉ុបទេ។ការតាំងចិត្តនេះខ្លាំងណាស់»។
លោកស្រីឯកអគ្គរដ្ឋទូតអាមេរិកHaley ក៏បានហៅអង្គការអូតង់ជាសម្ព័ន្ធមិត្តដ៏ខ្លាំង បំផុតនៅក្នុងប្រវត្តិសាស្រ្តហើយបាននិយាយបន្តទៀតថា សហរដ្ឋអាមេរិកកំពុងធ្វើការដើម្បីឲ្យអង្គការនេះកាន់តែខ្លាំងឡើង។
អត្ថាធិប្បាយរបស់លោកស្រីឯកអគ្គរដ្ឋទូតអាមេរិកស្រដៀទៅនឹងអត្ថាធិប្បាយដែលបានធ្វើឡើងដោយលោកអនុប្រធានាធិបតីអាមេរិកMike Penceកាលពីថ្ងៃចន្ទ នៅ ពេលដែលលោកអនុប្រធានាធិបតីអាមេរិកបានប្រាប់លោកJens Stoltenbergអគ្គលេ ខាធិការអង្គការអូតង់ថា សហរដ្ឋអាមេរិក បានតាំងចិត្តការពារសម្ព័ន្ធមិត្តអង្គការអូតង់ ក៏ប៉ុន្តែ ប្រទេសផ្សេងទៀតក៏ចាំបាច់ចែករំលែកបន្ទុកដ៏ធ្ងន់ធ្ងរនៃការចំណាយខាងវិស័យការពារប្រទេសដែរ។
លោកអនុប្រធានាធិបតីអាមេរិក Mike Pence បានប្រកាសពីរដ្ឋបាលថ្មីនៅក្រោមប្រធានាធិបតីដូណាល់ ត្រាំថា «យើងមានបំណងបង្កើនការចំណាយខាងការពារប្រ ទេសរបស់យើង។ ប្រទេសអាមេរិកនឹងធ្វើចំណែករបស់ខ្លួន។ វាជាពេលវេលាសម្រាប់ចាត់វិធានការហើយ មិនមែនគ្រាន់តែពាក្យសម្តីទេដោយប្រទេសចំនួន២៣ដែលមិនបានធ្វើទៅតាមការបង្កើនចំណាយ២ភាគរយនៃផលិតផលក្នុងស្រុកសរុបរបស់ខ្លួន៕
