នាយករដ្ឋមន្រ្តី Alexis Tsipras នៃប្រទេសក្រិកបានជួបជាមួយប្រធានាធិបតី Vladimir Putin នៃប្រទេសរុស្ស៊ីដើម្បីចរចាទ្វេភាគីនៅក្នុងទីក្រុងម៉ូស្គូកាលពីថ្ងៃពុធ។ ក្នុងអំឡុងពេលនៃជំនួបក្នុងវិមានក្រឹមឡាំង លោក Puitn បាននិយាយថា រុស្ស៊ី អាចលប់ចោលការដាក់ទណ្ឌកម្មរបស់ខ្លួនលើការនាំចូលម្ហូបអាហារមកពីប្រទេសក្រិក។
លោកប្រធានាធិបតី Putin បាននិយាយថា៖ «នៅចន្លោះឆ្នាំ២០០៩និងឆ្នាំ២០១៣ ការផ្លាស់ប្តូរទំនិញរវាងប្រទេសទាំង២ បានកើនឡើងជាងទ្វេដង។ ក៏ប៉ុន្តែជាអកុសល កាលពីឆ្នាំទៅមិញ ការដោះដូរពាណិជ្ជកម្មបានធ្លាក់ចុះជាង៤០ភាគរយ។ ដោយហេតុដូច្នេះហើយ ខ្ញុំជឿជាក់ថា ដំណើរទស្សនៈកិច្ចរបស់លោក មិនអាចកើតមានឡើងតែនៅពេលដែលវាមានភាពប្រសើរឡើងនោះទេ ពីព្រោះយើងត្រូវតែវិភាគពីអ្វីដែលយើងទាំងពីរ អាចធ្វើដើម្បីធ្វើឲ្យមានឡើងវិញនូវអត្រារីកលូតលាស់ដូចកាលពីពេលមុន»។ ថ្លែងទៅកាន់ក្រុមអ្នកយកព័ត៌មានបន្ទាប់ពីជំនួបនេះ ប្រធានាធិបតីរុស្ស៊ីបាននិយាយថា មេដឹកនាំក្រិក មិនបានសុំជំនួយហិរញ្ញវត្ថុពីរុស្ស៊ីទេ។
លោក Putin បាននិយាយថា លោកនិងនាយករដ្ឋមន្រ្តីក្រិក បានពិភាក្សាពីលទ្ធភាពនៃការចូលរួមរបស់ក្រិកនៅក្នុងគម្រោងបំពង់បង្ហូរប្រេងតួគី។ លោក និយាយថា គម្រោងនោះ អាចធ្វើឲ្យក្រិករកប្រាក់រាប់រយលានដុល្លាក្នុងមួយឆ្នាំៗដែលអាចផ្តល់ផលប្រយោជន៍មិនត្រឹមតែសេដ្ឋកិច្ចរបស់ក្រិកទេហើយនិងម្ចាស់បំណុលលោកខាងលិចរបស់រដ្ឋាភិបាលទីក្រុអាតែនទេ ក៏ប៉ុន្តែក៏ជួយជំរុញឲ្យមានកិច្ចសហប្រតិបត្តិ្កការខាងសេដ្ឋកិច្ចឲ្យកាន់តែជិតស្និទ្ធឡើងរវាងក្រិកនិងរុស្ស៊ី៕
