ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

បុគ្គលិក​​ក្រុមហ៊ុន Google នៅ​ទូទាំង​ពិភពលោក​បាតុកម្ម​ប្រឆាំង​នឹង​ដំណោះស្រាយ​របស់​ក្រុមហ៊ុន​លើ​ករណី​បៀតបៀន​ផ្លូវភេទ​


បុគ្គលិក​ក្រុមហ៊ុន​ Google ឈរ​នៅ​ខាងក្រៅ​ការិយាល័យ​ដើម្បី​ធ្វើការ​តវ៉ា​អំពី​បញ្ហា​ក្នុង​ការិយាល័យក្នុង​ទីក្រុង​ Dublin ប្រទេស​អៀរឡង់កាលពី​ថ្ងៃទី​០១ វិច្ឆិកា ឆ្នាំ​២០១៨។

​កាល​ពី​ថ្ងៃព្រហស្បតិ៍​បុគ្គលិក​ក្រុមហ៊ុនGoogle រាប់រយនាក់​បាន​ដើរ​ចេញ​ពី​ការិយាល័យ​នានា​នៅ​ទូទាំង​ពិភពលោក​ដើម្បី​ធ្វើ​បាតុកម្មប្រឆាំង​ទៅ​នឹង​ការដោះស្រាយ​របស់​ក្រុមហ៊ុន​លើ​ករណី​បៀតបៀន​ផ្លូវភេទ និង​វប្បធម៌​នៅ​កន្លែង​ធ្វើការ​របស់​ក្រុមហ៊ុន​នេះ។

​កាល​ពី​ថ្ងៃព្រហស្បតិ៍​បុគ្គលិក​ក្រុមហ៊ុនGoogle រាប់រយនាក់​បាន​ដើរ​ចេញ​ពី​ការិយាល័យ​នានា​នៅ​ទូទាំង​ពិភពលោក​ដើម្បី​ធ្វើ​បាតុកម្មប្រឆាំង​ទៅ​នឹង​ការដោះស្រាយ​របស់​ក្រុមហ៊ុន​លើ​ករណី​បៀតបៀន​ផ្លូវភេទ និង​វប្បធម៌​នៅ​កន្លែង​ធ្វើការ​របស់​ក្រុមហ៊ុន​នេះ។

បុគ្គលិក​ជាង១ពាន់នាក់​ត្រូវ​បាន​រាយការណ៍​ថា​បាន​ប្រមូលផ្តុំ​គ្នា​នៅ​ខាងក្រៅ​ទីស្នាក់កណ្តាល​របស់​ក្រុមហ៊ុនGoogle ក្នុង​រដ្ឋកាលីហ្វ័រញ៉ា សហរដ្ឋអាមេរិក។
បុគ្គលិក​និង​បុគ្គលិក​ជាប់​កិច្ចសន្យា​របស់​ក្រុមGoogle រាប់រយនាក់​ដែល​ភាគច្រើន​គឺជា​ស្រ្តីក៏​ត្រូវ​បាន​គេរំពឹង​ថា​នឹង​ដើរ​ចេញ​ពី​ការិយាល័យ​ជាង២០កន្លែង​នៅ​ទូទាំង​សកលលោកផងដែរ។

ពួកអ្នក​រៀបចំ​បាតុកម្មតវ៉ា​បាន​ថ្លែង​នៅ​ក្នុងទស្សនាវដ្តី The Cut ថា«យើង​គឺ​ជា​ផ្នែក​តូច​មួយ​នៃ​ចលនា​ដ៏​ធំមួយ​ដែល​បាន​រីកលូតលាស់​អស់រយៈពេល​ជា​យូរ​មក​ហើយ។ យើង

ត្រូវ​បាន​លើកទឹកចិត្ត​ពី​ស្រ្តី​គ្រប់រូប​ដែល​ធ្វើការ​នៅក្នុង​ហាង​លក់​អាហារឆ្អិនស្រាប់​ ជា​អ្នក​ដែល​ដឹកនាំ​ការតវ៉ា​ប្រឆាំង​នឹង​ការបៀតបៀនផ្លូវភេទ​ទៅលើ​ស្ត្រី​រាប់ពាន់នាក់​នៅក្នុង​ចលនា #metoo ​ជា​អ្នក​ដែល​ចាប់ផ្តើម​ងើបឈរ​តវ៉ា​ដើម្បី​បញ្ជប់​ករណី​រំលោភបំពាន​ដូចនេះ»។

ការដើរ​ចេញ​របស់​បុគ្គលិក​ទាំងនេះ​គឺ​ជា​ការបង្ហាញ​ថ្មី​ចុងក្រោយ​នៃ​ការ​មិនពេញចិត្ត​កាន់​តែខ្លាំង​ឡើង​ពី​បុគ្គលិក​ធ្វើ​ការ​បន្ទាប់​ពី​កាសែត The New York Timesបាន​រាយការណ៍​កាល​ពី​សប្តាហ៍​មុន​អំពី​ក្រុមហ៊ុនអ៊ិនធឺណិត​យក្ស​មួយ​នេះ​បាន​ចំណាយ​លុយ​រាប់លានដុល្លារ​ជា​ប្រាក់បំណាច់​ឲ្យ​ទៅ​បុគ្គលិក​ជាន់ខ្ពស់​ជាបុរស​ដែល​រង​ការ​ចោទ​ប្រកាន់​បៀតបៀនផ្លូវភេទ​ដើម្បី​បិទបាំង​ទង្វើ​ខុសឆ្គង​របស់​ពួកគេ​ទាំង​នោះ។

កាសែតThe New York Times​បាន​រាយការណ៍​ថា​កាល​ពីឆ្នាំ២០១៤ក្រុមហ៊ុន Google​ បាន​ចំណាយ​ប្រាក់៩០លានដុល្លារ​ជា​ប្រាក់បំណាច់​ការងារ​ឲ្យ​ទៅ​នាយករង​ក្រុមហ៊ុន​លោក Andy Rubin ​បន្ទាប់​ពី​លោកត្រូវ​បាន​ចោទប្រកាន់​ពី​បទបៀតបៀន​ផ្លូវភេទ៕

XS
SM
MD
LG