ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រទេស​អាល្លឺម៉ង់​បាន​បិទ​ទ្វារ​ស្ថានទូត​នៅ​តួកគី


ប៉ូលិស​ម្នាក់​ឈរ​យាម​នៅ​ពី​មុខ​ស្ថាន​កុងស៊ុល​របស់​អាល្លឺម៉ង់ ដែល​ត្រូវ​បាន​បិទ​ទ្វារ​ នៅ​ក្នុង​ក្រុង Istanbul ប្រទេស​តួកគី កាលពី​ថ្ងៃទី១៧ ខែមីនា ឆ្នាំ២០១៦។
ប៉ូលិស​ម្នាក់​ឈរ​យាម​នៅ​ពី​មុខ​ស្ថាន​កុងស៊ុល​របស់​អាល្លឺម៉ង់ ដែល​ត្រូវ​បាន​បិទ​ទ្វារ​ នៅ​ក្នុង​ក្រុង Istanbul ប្រទេស​តួកគី កាលពី​ថ្ងៃទី១៧ ខែមីនា ឆ្នាំ២០១៦។

ស្ថាន​បេសកកម្ម​ការ​ទូត​អាល្លឺម៉ង់​ក្នុង​ប្រទេស​តួកគី​ ក៏​ដូចជា​សាលារៀន​ត្រូវ​បិទ ​ទ្វារ​នៅ​ថ្ងៃអាទិត្យ​នេះ​ដោយសារ​ហេតុផល​សន្តិសុខ។ ​នេះ​ជា​ការ​អះអាង​របស់ អគ្គ​កុងស៊ុល​អាល្លឺម៉ង់​ក្នុង​ក្រុង Istanbul។

ស្ថាន​កុងស៊ុល​ បាន​និយាយ​ទៀត​ថា​ ការ​បិទ​ទ្វារ​នេះ​គឺ​រួម​ទាំង​ស្ថានទូត​អាល្លឺម៉ង់ ប្រចាំ​ទីក្រុង​ អង់ការ៉ា ​(Ankara)​ និង​សាលារៀន​ក្នុង​ក្រុង Istanbul។

ការ​ប្រកាស​ដូច្នេះ​កើត​ឡើង​មិន​ដល់​មួយ​សប្តាហ៍​បន្ទាប់​ពី​មាន​ការ​វាយ​ប្រហារ ដោយ​គ្រាប់បែក​ក្នុង​រថយន្ត ​ដែល​បាន​សម្លាប់​មនុស្ស​៣៧នាក់​ក្នុង​ក្រុង អង់ការ៉ា។​ ក្រុម​សកម្មជន​ប្រយុទ្ធ​ Kurd ​បាន​ប្រកាស​ពីការ​ទទួលខុស​ត្រួវ​ចំពោះ ការ​វាយ​ប្រហារ ​កាលពី​ថ្ងៃ​អាទិត្យ​នោះ។

ស្ថាន​កុង​ស៊ុល ​អាល្លឺម៉ង់​បាន​ជំរុញ​ដល់​ពលរដ្ឋ​ខ្លួន​ក្នុង​ប្រទេស​តួកគី​មិន​ឲ្យ​ចូល​ទៅ​កាន់​អគារ​ស្ថានទូត ​ដែល​ក្រុម​មន្ត្រី​បាន​បញ្ជាក់​ថា ពួកគេ​ទទួល​បាន​ការ​គំរាម​អំពី​ការ​វាយ​ប្រហារ​ភេរវកម្ម។​ តែ​ព័ត៌មាន​ពី​ការ​គំរាម​នេះ​មិន​ត្រូវ​គេ​បញ្ជាក់​ថា​ពិត យ៉ាង​ណា​ទេ។ តែ​ក្រុម​មន្ត្រី​ទូត​បាន​អះអាង​ថា​ការ​បិទ​ស្ថាន​ទូត​នេះ​គឺ​ជា​ការ​ប្រុង​ប្រយ័ត្ន៕

XS
SM
MD
LG