ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋអាជ្ញា​អាល្លឺម៉ង់់​ស្នើសុំ​ការ​អនុញ្ញាត​ពី​តុលាការ​ដើម្បី​ធ្វើ​បត្យាប័ន​លោក Carles Puigdemont


បុរស​ម្នាក់​ដែល​មាន​ទង់ជាតិ​ឯករាជ្យ​របស់​តំបន់ Catalan ដើរ​នៅ​ក្បែរ​ច្រក​ចូល​នៃ​ពន្ធនាគារ Neumuenster ប្រទេស​អាល្លឺម៉ង់ កាលពី​ថ្ងៃទី៣០ ខែមីនា ឆ្នាំ២០១៨។

រដ្ឋអាជ្ញា​អាល្លឺម៉ង់​បាន​ស្នើសុំ​ការ​អនុញ្ញាត​ពី​តុលាការ​តំបន់​ដើម្បី​ធ្វើ​បត្យាប័ន​លោក Carles Puigdemont ​អតីត​មេដឹកនាំ​បំបែក​រដ្ឋ​នៅ​ Catalinia​ ដែល​ប្រឈមនឹង​ការ​ចោទ​ប្រកាន់ពី​ការ​បះបោរ​នៅ​ប្រទេស​អេស្ប៉ាញ​ ទាក់ទងការ​រៀបចំ​ធ្វើប្រជា​មតិ​ឯករាជ្យ​មួយ។​

ពីដំបូង​ លោក Puigdemont ​បាន​ភៀសខ្លួន​ពី​ប្រទេស​អេស្ប៉ាញ​ទៅ ​ប៊ែលហ្ស៊ិក​បន្ទាប់ពី​ការ​បោះ​ឆ្នោត​ ប៉ុន្តែ​ត្រូវ​បាន​គេ​ឃុំ​ខ្លួន​នៅ​ក្នុង​ប្រទេស​អាល្លឺម៉ង់់​ចាប់​តាំងពី​ត្រូវ​បាន​ចាប់ខ្លួន​នៅ​ទី​នោះ​នៅ​ថ្ងៃទី២៥ ​ខែមីនា។ ​ក្នុង​បទ​សម្ភាសន៍​ជាមួយ​គេហទំព័រ​ព័ត៌មាន​អាល្លឺម៉ង់ លោក​បាន​និយាយ​ថា ​អ្នក​ដែល​ចង់បាន​ឯករាជ្យភាព​សម្រាប់​តំបន់​ភាគ​ខាង​ជើង​អេស្ប៉ាញ​មិនមែន​ជា​ឧក្រិដ្ឋជន​ទេ។ ​លោកនិយាយ​ថា «យើង​ចង់​សម្រេច​អំពី​អនាគត​របស់​យើង។​ តើ​នេះ​ជា​បទឧក្រិដ្ឋ​ឬ?​ យើង​ត្រូវ​បាន​ជ្រើសរើស​ដោយ​ប្រជាពលរដ្ឋ។ ​តើ​នេះ​ជា​បញ្ហា​សម្រាប់​អាជ្ញាធរ​អេស្ប៉ាញ​ឬ? ហេតុអ្វី​បាន​ជា​ពួកគេ​មិន​ចាប់ផ្តើម​ធ្វើ​គោលនយោបាយ​ដើម្បី​ដោះស្រាយ​បញ្ហា​នយោបាយ?»

លោក Puigdemont ​សួរ​ដូច្នេះ​ក្នុង​បទ​សម្ភាសន៍​ក្នុង​បន្ទប់​ឃុំឃាំង។

ភ្នាក់ងារ​ព័ត៌មាន​បារាំង​បានរាយ​ការណ៍​ថា​ មេធាវី​របស់​លោក​ Puigdemont បាន​ប្តឹង​ឧទ្ធរណ៍​ប្រឆាំង​ការសម្រេច​របស់​តុលាការ​កំពូល​អេស្ប៉ាញ​ដែល​កាត់ទោស​លោក​តាម​ការចោទ​ប្រកាន់​ពីបទ​បះបោរ។ មេធាវី​បាន​អះអាង​ថា​ ការ​ចោទ​ប្រកាន់​នេះ​មាន​ន័យ​ថា​ Puigdemont បាន​គាំទ្រ​ការ​បះបោរ​ដោយ​អំពើហិង្សា។ ​លោក​បាន​និយាយ​ថា​អំពើហិង្សា​ដែល​កើត​មាន​បន្ទាប់ពី​ការ​ធ្វើប្រជាមតិ​នៅខែ​តុលា​នោះ​ជារឿង​ដោយឡែក ​មិនអាច​បញ្ចូល​ក្នុង​ចោទ​ប្រកាន់​នេះ​ទេ។ ​មេដឹកនាំ​បំបែក​រដ្ឋនៅ​តំបន់​ Catalan ​ចំនួន​២៤​នាក់ផ្សេង​ទៀតក៏​ប្រឈម​នឹង​ការ​ចោទ​ប្រកាន់​ពីការ​បះ​បោរ​ដែរ៕

XS
SM
MD
LG