ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

ការ​ប្រកួត​ប្រជែងដំណែង​អភិបាល​រដ្ឋ Georgia ​​ក្តៅគគុក​ បន្ទាប់​ពី​មាន​ការ​ចោទ​ប្រកាន់​ពីការគាប​សង្កត់​អ្នក​បោះឆ្នោត


រូបឯកសារ៖ លោក​ស្រី Stacey Abrams បេក្ខជន​អភិបាល​រដ្ឋ​ខាង​គណបក្ស​ប្រជាធិបតេយ្យ

ក្រុម​​អ្នក​បោះឆ្នោត​នៅ​រដ្ឋ Georgia កំពុង​អំពាវនាវ​ឲ្យ​លោក Brian Kemp ចុះចេញ​ពី​ដំណែង។បាតុករ​បាន​ស្រែក​ថា៖ «លោក Brian Kemp ត្រូវតែ​ចុះ​ចេញ​ពី​ដំណែង»។

ពេល​ដែល​មាន​ការជំរុញឲ្យ​បង្ហាញនូវការអត់​ធ្មត់នៅ​ក្នុង​រដ្ឋ Georgia ​រវាង​លោក​ស្រី Stacey Abrams បេក្ខជន​អភិបាល​រដ្ឋ​ខាង​គណបក្ស​ប្រជាធិបតេយ្យ​ និង​លោក Brian Kemp ខាង​គណបក្ស​សាធារណរដ្ឋ បញ្ហា​ការគាប​សង្កត់​អ្នក​បោះឆ្នោត​បាន​លេចធ្លោ​នៅពេល​ដែល​ប្រទេស​ជាតិ​មើល​ការប្រកួត​ប្រជែង​ការ​បោះឆ្នោត​ដែល​មាន​សភាព​កាន់​តែ​តានតឹងឡើង​នេះ។

ក្រុមអ្នក​បោះឆ្នោត​នៅ​រដ្ឋ Georgia កំពុង​អំពាវនាវ​ឲ្យ​លោក Brian Kemp ចុះចេញ​ពី​ដំណែង។បាតុករ​បាន​ស្រែក​ថា៖ «លោក Brian Kemp ត្រូវតែ​ចុះ​ចេញ​ពី​ដំណែង»។

បេក្ខជន​អភិបាល​រដ្ឋ​ខាង​គណបក្ស​សាធារណរដ្ឋ​រូប​នេះ​ក៏ជា​មន្រ្តី​កំពូលរៀប​ចំ​ការ​បោះ​ឆ្នោត​របស់រដ្ឋ​ដែរ ​ហើយ​លោក​ត្រូវ​បាន​រងការ​ចោទ​ប្រកាន់​ពី​ការ​គាបសង្កត់​ពួក​អ្នក​បោះ​ឆ្នោត​ស្បែក​ខ្មៅ​មិនឲ្យ​បោះឆ្នោត។បាតុករ​ម្នាក់​ទៀត​ថ្លែងថា៖ «លោកBrian Kemp មាន​ប្រវត្តិ​យូរយា​ណាស់​មកហើយ​ពីការគាប​សង្កត់អ្នក​បោះ​ឆ្នោត​ក្នុងរដ្ឋ​Georgia​ ហើយ​វាជា​ពេលវេលា​ដែល​លោក​ចាំ​បាច់​ត្រូវ​លាចេញ​ពី​ដំណែង​ជា​ពិសេស​សម្រាប់​ការ​បោះឆ្នោត​ ដែល​លោកមាន​ឈ្មោះ​លើ​គេ​នៅក្នុង​បញ្ជី​បោះឆ្នោត»។

ការតវ៉ា​ប្រឆាំង​ទាំង​នោះ​បាន​ចាប់​ផ្តើម​បន្ទាប់​ពីការិយាល័យ​របស់​លោកKemp បាន​ផ្អាក​ការចុះឈ្មោះ​អ្នក​បោះឆ្នោត​ចំនួន៥ម៉ឺន៣ពាន់​នាក់​នៅ​ក្រោម​ច្បាប់ប័ណ្ណ​បោះឆ្នោត​ថ្មី​ដ៏តឹង​តែង​របស់​រដ្ឋGeorgia។ការ​ផ្អាក​ការ​ចុះឈ្មោះ​ភាគ​ច្រើន​គឺជន​ជាតិ​អាមេរិកាំង​ដើម​កំណើត​អាហ្វ្រិក។

ស្រ្តី​បាតុករ​គាំទ្រ​លោកស្រី Staceyបាន​ថ្លែង​ថា៖ «លោក​ចង់​លុប​បំបាត់​សំឡេង​របស់​យើង។ យើង​នៅ​ទី​នេះ​និយាយ​ថា«ទេ»។លោក​ចាំបាច់​ត្រូវ​ចុះចេញ​ពី​ដំ​ណែង»។បាតុករ​ម្នាក់​ទៀត​បាន​និយាយ​ថា៖ «មិន​មាន​ការហាម​ប្រាម​អ្នក​បោះឆ្នោត​នៅ​ក្នុង​រដ្ឋ Georgia ទេ។យើង​នឹង​មិនមាន​ការហាម​ប្រាម​អ្នកបោះ​ឆ្នោត​ទេ»។

យុទ្ធនាការ​ឃោសនា​បោះ​ឆ្នោត​របស់​លោក Kemp និយាយ​ថា ពលរដ្ឋ​ទាំងអស់​ដែល​មាន​ឈ្មោះ​នៅ​ក្នុង​បញ្ជីផ្អាក​ការ​បោះឆ្នោត​នោះ ​នឹង​នៅ​តែ​អាច​បោះឆ្នោត ​បាន។ ក៏ប៉ុន្តែ គូប្រកួត​ប្រជែង​របស់​លោក​គឺ លោកស្រី Stacy Abrams និយាយ​ថា ​ភាព​មិន​ប្រាកដ​ប្រជា​អាច​មាន​ឥទ្ធិពល​លើ​ចំនួន​អ្នក​ចេញទៅបោះឆ្នោត។

លោកស្រី Abrams អតីត​មេដឹកនាំ​ក្នុង​អង្គការ​នីតិបញ្ញត្តិ​របស់​រដ្ឋ​បាន​ទទួល​ការ​សរសើរ​ពីការ​ចុះឈ្មោះ​អ្នក​បោះឆ្នោត​ថ្មី​រាប់​ពាន់​នាក់។លោកស្រី Stacy Abrams បេក្ខជន​ខាង​គណបក្ស​ប្រជាធិបតេយ្យ​របស់​រដ្ឋ Georgia បាន​និយាយ​ថា៖«​យើង​នឹង​សរសេរ​ទំព័រ​ប្រវត្តិសាស្រ្ត​ថ្មីនៅ​ថ្ងៃ​អនាគត​របស់​រដ្ឋ Georgiaដោយ​គ្មាន​នរណា​ម្នាក់​នឹង​ត្រូវ​ទុក​ឬ​បំភ្លេច​ចោល​នោះ​ទេ»។

លោកស្រី Abramsប្រឈមការ​ជំទាស់​ប្រឆាំង​ដ៏​ស្វិតស្វាញ​ជាបេក្ខជនខាង​គណ​បក្ស​ប្រជាធិបតេយ្យ​នៅ​ក្នុង​រដ្ឋ​អភិរក្ស​និយម​ដែល​នៅ​ទី​នោះ​លោកស្រី​សង្ឃឹម​ថា​នឹង​ក្លាយ​ជា​អភិបាល​រដ្ឋជា​ស្រ្តី​ស្បែក​ខ្មៅ​លើក​ដំបូង​របស់​សហរដ្ឋ​អាមេរិក​។

លោក​ស្រី​បាន​ផ្តោតលើ​សេរីភាពកាន់​តែ​ច្រើន​ឡើង នៅផ្នែក​នានា​នៃ​ទីក្រុង​របស់​រដ្ឋ Georgia ​ដោយ​សង្កត់​លើ​បញ្ហា​នានា​ដូចជា​ការត្រួតត្រា​កាំភ្លើង ​ការថែទាំ​សុខ​ភាព​និង​ពន្ធ​ដារ​សម្រាប់​ក្រុម​គ្រួសារ​ដែល​មាន​ប្រាក់​ចំណូល​ទាប។អ្នក​បោះឆ្នោត​ឲ្យ​លោកស្រី Abrams ​បាន​ថ្លែងថា៖ «ប្រសិន​បើ ពលរដ្ឋមាន​ជម្ងឺ ពួកគេ​ចង់​បាន​ការ​ថែទាំ​សុខភាព​មួយ​ដែល​អាច​ចំណាយ​បាន»។

អ្នក​បោះឆ្នោត​ឲ្យលោកស្រី Abramsថ្លែង​ថា៖«ពលរដ្ឋ​ក្នុង​តំបន់​ជន​បទ​នៃ​រដ្ឋ Georgia មិន​អាច​ទទួល​បាន​ការ​ថែទាំ​សុខ​ភាព ​ហើយ​នេះ​ជាបញ្ហា​ដែល​យើង​ត្រូវ​ការ​នរណា​ម្នាក់​ដែល​នឹង​ទៅ​ដល់​គ្រប់​ច្រកល្ហក​ទាំងអស់ ​ហើយ​មាន​តែ Staceyទេ​ដែលអាច​ធ្វើ​ដូច្នេះ​បាន»។

លោក Kemp បាន​ហៅគូ​ប្រជែង​របស់​លោក​ថា មាន​ភាព​ជ្រុល​និយម​សម្រាប់​រដ្ឋ Georgiaជា​សារ​មួយ​ដែល​បាន​ឮខ្ទ័រ​ដល់​ពួក​អ្នក​បោះឆ្នោត​អភិរក្ស​និយម។គោលនយោបាយ​របស់​លោក​ផ្តោត​លើ​ការកាត់បន្ថយ​ការ​ចំណាយ​របស់​រដ្ឋ ​ពង្រីក​សិទ្ធិ​ប្រើកាំភ្លើង​ហើយ​នឹង​បង្ក្រាប​លើ​ជន​អន្តោ​ប្រវេសន៍​ខុសច្បាប់​និង​ឧក្រិដ្ឋ​កម្ម។លោកBrian Kemp បេក្ខជន​អភិបាល​រដ្ឋ​បាន​ថ្លែង​ថា៖ «នេះ​ជា​ការ​ប្រកួត​ប្រជែង​សម្រាប់​ព្រលឹងរបស់​រដ្ឋ​យើង ​ជាការ​ប្រកួត​ប្រជែង​សម្រាប់​អនាគត​របស់​យើង។សូម​ជូន​រួម​ជាមួយ​យើង»។

ពួក​អ្នកគាំទ្រ​និយាយ​ថា លោក​មាន​គោល​នយោបាយ​ល្អ​សម្រាប់​ពលរដ្ឋGeorgia។អ្នកបោះ​ឆ្នោត​ឲ្យ​លោក Kempបាន​និយាយ​ថា៖ «លោក​តំណាង​ឲ្យ​បុគ្គល។លោក​តំណាង​ឲ្យ​ពាណិជ្ជករ។លោក​តំណាង​ឲ្យ​ពលរដ្ឋ​ជឿនលឿន។លោក​ចង់​ឃើញ​ពលរដ្ឋ​បាន​ទទួល​ជោគជ័យ»។​

លោក​មាន​ការគាំទ្រ​ពី​ប្រធានា​ធិបតី ដូណាល់ ​ត្រាំ។អ្នក​បោះឆ្នោត​គាំទ្រ​លោកKemp បាន​ថ្លែង​ថា៖ «ខ្ញុំ​ជឿ​ជាក់​ថា ​លោកKemp ​ជឿជាក់​និង​ធ្វើតាម​ប្រធានាធិបតី​របស់​យើង​គឺ​លោក​ត្រាំ ​ហើយ​នេះ​ជា​ការ​ល្អ​បំផុត»។

ការ​ប្រកួត​ប្រជែង​ដណ្តើម​ដំណែងអភិបាល​រដ្ឋ​ Georgia ​ត្រូវ​បាន​គេ​ហៅថា «ការ​ប្រ​យុទ្ធ​ដើម្បី​ទីតាំង»។

បេក្ខជន​ទាំង​២​មានមនោគមន៍​វិជ្ជាខុស​គ្នា​យ៉ាង​ខ្លាំង។បេក្ខជន​ទាំង​២​ប្រកួតប្រ​ជែង​ដើម្បី​ក្លាយ​ជាអភិបាលថ្មី​របស់​រដ្ឋGeorgia។

ប្រែសម្រួល​ដោយ ជឹង ប៉ូជីន

XS
SM
MD
LG