ភ្ជាប់​ទៅ​គេហទំព័រ​ទាក់ទង

លោកស្រី Gayle Smith ត្រូវ​បាន​តែងតាំង​សម្រាប់​តំណែង​ជា​នាយក​ទីភ្នាក់ងារ USAID


និមិត្តសញ្ញា​នៃ​ USAID

លោក​ប្រធានាធិបតី​សហរដ្ឋ​អាមេរិក ​បារ៉ាក់ ​អូបាម៉ា ​បាន​តែង​តាំង​លោកស្រី Gayle Smith ​ជា​អ្នក​រដ្ឋបាល​កំពូល​របស់​ទីភ្នាក់ងារ​អភិវឌ្ឍន៍​អន្តរជាតិ​របស់​សហរដ្ឋ​អាមេរិក (USAID)។

ប្រសិនបើ​បាន​ទទួល​ការ​តែងតាំង​ពី​ព្រឹទ្ធសភា ​លោកស្រី Smith ​នឹង​ជំនួស​លោក Rajiv Shah អតីត​នាយកទីភ្នាក់ងារ​អភិវឌ្ឍន៍​អន្តរជាតិ​របស់​សហរដ្ឋ​អាមេរិក (USAID) ​ដែល​បាន​ចាកចេញ​ពី​តំណែងកាល​ពី​ខែ​កុម្ភៈ​បន្ទាប់​ពី​បាន​បម្រើ​ការងារ​នោះ​អស់​រយៈ​ពេល​៥ឆ្នាំ​មក។

​នៅ​ក្នុង​សេចក្តី​ថ្លែងការណ៍​កាល​ពី​ថ្ងៃ​ព្រហស្បតិ៍ ​លោកស្រី Susan Rice ទីប្រឹក្សាសន្តិសុខ​ជាតិ​បាន​ព៌ណនា​លោកស្រី Smith ថា ​ជា​សហការី​និង​មិត្ត​ភក្តិ​ដ៏​មាន​តម្លៃ​ម្នាក់។

លោកស្រី Rice បាន​មាន​ប្រសាសន៍​ថា​‍ «បទ​ពិសោធន៍​ក្នុង​វិស័យ​នោះអស់​រយៈ​ពេល​ជា​ច្រើន​ឆ្នាំ​របស់​លោក​ស្រី​រួមមាន​នៅ​ទ្វីប​អាហ្វ្រិក​ និង​ការ​ដឹកនាំ ​ការ​ឆ្លៀស​វៃ​និង​ចំណេះ​ដឹង​ខាង​អភិវឌ្ឍន៍​អន្តរជាតិ​ដ៏​ធំធេង​របស់​លោកស្រី​ធ្វើ​ឲ្យ​លោកស្រី​ក្លាយ​ជា​អ្នក​ទទួល​បាន​ការ​តែងតាំង​ដ៏​ពិសេសសម្រាប់​អ្នក​រដ្ឋបាលទីភ្នាក់ងារ USAID។

លោកស្រី Smith ​កាល​ពី​ពេល​ថ្មីៗ​នេះ​មាន​ទំនាក់ទំនង​ការងារ​ជិតដិត​ជាមួយលោកស្រី Rice ​ជា​នាយក​ជាន់​ខ្ពស់​សម្រាប់​ការ​អភិវឌ្ឍន៍​និង​លទ្ធិ​ប្រជា​ធិបតេយ្យនៅ​ក្នុង​បុគ្គលិក​ក្រុម​ប្រឹក្សា​សន្តិសុខ​ជាតិ ​ដែល​នៅ​ទីនោះ​ការ​ទទួល​ខុសត្រូវ​របស់​លោកស្រី​រួមមាន​ការ​អភិវឌ្ឍន៍​ ប្រជាធិបតេយ្យ​សាកលលោក​ ហើយ​និង​បញ្ហា​ជំនួយ​មនុស្ស​ធម៌៕

XS
SM
MD
LG