ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋាភិបាល​ហ្គាបុង​ចាប់ខ្លួន​មេយោធា​ប៉ុនប៉ង​​ធ្វើ​រដ្ឋ​ប្រហារ


លោក​ប្រធានាធិបតី Ali Bongo Ondimba របស់​ប្រទេស​ហ្គាបុង​និយាយ​ជាមួយ​នឹង​ភរិយា​របស់​លោក នៅ​ពែល​ពួកគេ​អញ្ជើញ​ដល់​ការ​ប្រកួត​ដណ្តើម​ពានរង្វាន់ Africa Cup of Nations ឆ្នាំ២០១៧ នៅ​ក្នុង​ក្រុង Libreville កាលពី​ថ្ងៃទី១៤ ខែមករា ឆ្នាំ២០១៧។

អ្នកនាំពាក្យ​រដ្ឋាភិបាល​ហ្គាបុង (Gabon) និយាយ​ថា​មន្ត្រីយោធា​ដែល​បាន​ប៉ុនប៉ង​ធ្វើ​រដ្ឋ​ប្រហារ​ស្ទើរ​តែ ទាំងអស់​ត្រូវ​បាន​ចាប់​ខ្លួន​ហើយ​ប៉ុន្តែ​នៅ​សល់​តែ​ម្នាក់​ប៉ុណ្ណោះ។ ការ​ប៉ុនប៉ង​ធ្វើ​រដ្ឋប្រហារ​យោធា​នេះ​បាន​កើត​មាន​ឡើង​កាលពី​ព្រឹក​ថ្ងៃ​ចន្ទ​នេះ។

អ្នកនាំពាក្យ​រដ្ឋាភិបាល​ហ្គាបុង (Gabon) និយាយ​ថា​មន្ត្រីយោធា​ដែល​បាន​ប៉ុនប៉ង​ធ្វើ​រដ្ឋ​ប្រហារ​ស្ទើរ​តែ ទាំងអស់​ត្រូវ​បាន​ចាប់​ខ្លួន​ហើយ​ប៉ុន្តែ​នៅ​សល់​តែ​ម្នាក់​ប៉ុណ្ណោះ។ ការ​ប៉ុនប៉ង​ធ្វើ​រដ្ឋប្រហារ​យោធា​នេះ​បាន​កើត​មាន​ឡើង​កាលពី​ព្រឹក​ថ្ងៃ​ចន្ទ​នេះ។

លោក​ Guy-Bertrand Mapangou ​អ្នកនាំពាក្យ​រដ្ឋាភិបាល​ហ្គាបុង​បាន​បន្ថែម​ថា៖ «រដ្ឋាភិបាល​ចាប់​បាន​មន្ត្រី​ចំនួន​បួន​នាក់​ហើយ​ម្នាក់ទៀត​កំពុង​រត់​គេច​ខ្លួន‍»។

កាលពី​ថ្ងៃ​ចន្ទ ក្រុម​មន្ត្រី​យោធា​បាន​ចូល​កាន់កាប់​ស្ថានីយ​វិទ្យុ​ជាតិ​នៅ​ក្នុង​រដ្ឋធានី​ Libreville។ ក្រុម​យោធា​បាន​ប្រកាស​ពី​ចេតនា​ក្នុងការ​បង្កើត​ក្រុមប្រឹក្សា​ស្រោចស្រង់​ជាតិ​មួយ។​

លោក​ Kelly Ondo Obiang ​បាន​ថ្លែង​តាម​រលក​ធាតុ​អាកាស​ថា​ការ​ថ្លែង​តាម​វិទ្យុ​នាពេល​ថ្មីៗ​នេះ​របស់​លោក​ប្រធានាធិបតី​ Ali Bongo «បាន​បន្ថែម​ការងឿង​ឆ្ងល់​ដល់​សមត្ថភាព​របស់​លោក​ប្រធានាធិបតី​ក្នុង​ការ​បន្ត​ការងារ​នៅ​ក្នុង​តំណែង‍»។​

លោក​ប្រធានាធិបតី​កំពុងតែ​ស្ថិត​នៅក្នុង​ប្រទេស​ម៉ារ៉ុក​ដើម្បី​ព្យាបាល​ជំងឺ​ដាច់​សសៃ​ឈាម៕

XS
SM
MD
LG