ភ្ជាប់​ទៅ​គេហទំព័រ​ទាក់ទង

កីឡាករ​អូឡាំពិក​បារាំង​បី​នាក់​បាន​ស្លាប់​នៅ​ក្នុង​ការ​ធ្លាក់​ឧទ្ធម្ភាគចក្រ​នៅ​អាហ្សង់ទីន​


បុរស​ម្នាក់​ឈរ​នៅ​ជិត​ផ្សេង​ដែល​ចេញ​ពី​បំណែក​ឧទ្ធម្ភាគចក្រ​ ដែល​ធ្លាក់​នៅ​អាហ្សង់ទីន​ ដែល​បាន​បណ្តាល​ឲ្យ​មនុស្ស​១០​នាក់​ស្លាប់​ ដែល​ក្នុង​នោះ​មាន​កីឡាករ​អូឡាំពិក​បារាំង​ ៣នាក់ផង​ដែរ​។

មនុស្ស​១០​នាក់​បាន​ស្លាប់ ​រួមមាន​កីឡាករ​ដ៏​ល្បីល្បាញ​៣នាក់​របស់​បារាំងនៅ​ក្នុងគ្រោះ​ថ្នាក់​នៃ​ការ​ធ្លាក់​ឧទ្ធម្ភាគ​ចក្រ​ក្នុង​អំឡុងពេល​នៃ​ការ​ថត​កម្មវិធី​ទូរទស្សន៍​មួយ​នៅ​ក្នុង​ប្រទេស​អាហ្សង់ទីន។

ក្រុម​អាជ្ញាធរ​បាន​និយាយ​ថា ​ឧទ្ធម្ភាគ​ចក្រ​២​គ្រឿង ​បាន​បុក​គ្នា​កាល​ពី​ថ្ងៃ​ច័ន្ទក្នុង​អំឡុង​ពេល​នៃ​ការ​ថត​កម្មវិធី​ទូរទស្សន៍អឺរ៉ុប​ទាក់​ទង​នឹង​អ្នក​រស់​រាន​មាន​ជី​វិត​ហៅ​ថា​ “Dropped” ។ឧទ្ធម្ភាគចក្រ ​បាន​ធ្លាក់​នៅ​ក្នុង​ខេត្ត La Rioja ​ភាគ​ខាង​លិច ​នៅ​ជិត​ភ្នំ Andes។​ មនុស្ស​ទាំងអស់​១០​នាក់​នៅ​លើ​យន្តហោះ​នោះ​បាន​ស្លាប់​នៅ​ក្នុង​ការ​ធ្លាក់នោះ។

ក្នុង​ចំណោម​ជន​រងគ្រោះ​ទាំង​នោះ ​មាន Camille Muffat ​អ្នក​ហែល​ទឹកកីឡា​អូឡាំពិក​Alexis Vastine ​អ្នក​វាយ​បុក​កីឡា​អូឡាំពិក ​និង​ Florence Arthaudជើងឯក​ប្រណាំ​ង​ទូក​ក្តោង​ពិភព​លោក។ ​អ្នក​ទាំងអស់​នោះ​ជា​ពលរដ្ឋ​បារាំង។

លោក​ Francois Hollandeប្រធានា​ធិបតី​បារាំង ​បាន​ចេញ​សេចក្តី​ថ្លែងការណ៍​ ​មួយ​ ដោយ​ហៅ​ការ​ស្លាប់​នេះ​ជា​ទុក​ព្រួយ​យ៉ាង​ធំមួយ។

Muffatអាយុ​២៥ឆ្នាំ ​បាន​ទទួលមេដៃមាស ​ប្រាក់និង​សំរិទ្ធ​នៅ​ក្នុង​ការ​ប្រកួត​កីឡា​អូឡាំពិក​រដូវ​ក្តៅក្នុង​ទីក្រុង​ឡុងដ៍​ឆ្នាំ​២០១២។

Vastine ​អាយុ​២៨​ ​បាន​ទទួល​មេដៃ​សំរិទ្ធ​នៅ​ក្នុង​ការ​ប្រកួត​កីឡាអូឡាំពិក​ឆ្នាំ​២០០៨​ក្នុង​ទីក្រុង​ប៉េកាំង។ Arthaud ​ត្រូវ​បាន​គេ​ចាត់​ទុក​ជា​អ្នក​បើក​ទូកក្តោង​ដ៏​ល្អបំផុត​មួយ​របស់​ពិភពលោក។

ជន​រង​គ្រោះ​៨​នាក់​ជា​ជន​ជាតិ​បារាំង​ ហើយ​អ្នក​បើក​បរឧទ្ធម្ភាគ​ចក្រ២​នាក់​ជា​ជន​ជាតិ​អាហ្សង់​ទីន៕

XS
SM
MD
LG