ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ Macron ​ជ្រើសរើស​នាយករដ្ឋមន្ត្រី​​បារាំង​ថ្មី​ដើម្បី​​​​កែប្រែ​អាណត្តិ​របស់​លោក


រូប​ឯកសារ៖ លោក Jean Castex ដែល​ត្រូវ​បាន​តែង​តាំង​ជា​នាយករដ្ឋ​ម​ន្ត្រី​ថ្មី​របស់​បារាំង។

ប្រធានាធិបតី​បារាំង​លោក ​Emmanuel Macron កាល​ពី​ថ្ងៃ​សុក្រ បាន​ប្រកាស​តែងតាំង​លោក Jean Castex ឲ្យ​ធ្វើ​ជា​នាយករដ្ឋមន្ត្រី​ថ្មី​របស់​ប្រទេស​បារាំងខណៈ​ដែល​លោក​ Macron រុះរើ​គណៈ​រដ្ឋមន្ត្រី​ដើម្បី​ទាក់​ទាញ​អ្នក​បោះឆ្នោត។

លោក Castex ជា​មន្ត្រី​រដ្ឋការ​ដ៏​មាន​ស្នាដៃ​ម្នាក់​និង​ជា​អភិបាល​ក្រុង​មួយ​រូប​ដែល​បាន​រៀបចំ​យុទ្ធសាស្ត្រ​បើក​សកម្មភាពប្រទេស​ឡើង​វិញ​ក្រោយ​ការ​បិទ​ដើម្បី​ទប់​ស្កាត់​ការ​រាតត្បាត​នៃ​ជំងឺ​កូវីដ១៩។

លោក Castex អាយុ​៥៥​ឆ្នាំ​មក​ពី​និន្នាការ​នយោបាយ​ស្តាំ​និយម​កណ្តាល​របស់​បារាំង ហើយ​លោក​ធ្លាប់​កាន់​តំណែង​ក្នុង​អាណត្តិ​លោក​អតីត​ប្រធានាធិបតី Nicolas Sarkozy។

ការ​ប្រកាស​នៃ​កើត​មាន​ក្រោយ​ការ​លាលែង​របស់​អតីត​នាយក​រដ្ឋមន្ត្រី Edouard Philippe ខណៈ​ដែល​លោក​ Macron កំពុង​រៀបចំ​រដ្ឋាភិបាល​លោក​ជា​ថ្មី​ដើម្បី​ដោះស្រាយ​បញ្ហា​សេដ្ឋកិច្ច​ធ្ងន់ធ្ងរ​បំផុត​របស់​បារាំង​ចាប់​តាំង​ពី​សង្គ្រាម​លោក​លើក​ទី​២​មក ដោយ​សេដ្ឋកិច្ច​បារាំង​រំពឹង​ថា​នឹង​ធ្លាក់​ចុះ​១១%៕

XS
SM
MD
LG