ភ្ជាប់​ទៅ​គេហទំព័រ​ទាក់ទង

អតីត​ប្រធានាធិបតី​យ៉េមែនគេចចេញ​ពី​​​​​រដ្ឋធានី​បន្ទាប់​ពី​ត្រូវ​បាន​ក្រុម​ឧទ្ទាម​ដោះលែង


លោក​អតីត​ប្រធានាធិបតី​យ៉េមែន Abed Rabbo Mansour Hadi បាន​ចាក​ចេញ​ពី​រដ្ឋ​ធានី​សាណា ​ហើយ​បន្ទាប់​ពី​ក្រុម​ឧទ្ទាម​ស៊ីអ៊ីត ដោះលែង​រូបគាត់។

ជំនួយការ​របស់​លោក​អតីត​ប្រធានាធិបតី​យ៉េមែន Abed Rabbo Mansour Hadi បាន​ចាក​ចេញ​ពី​រដ្ឋ​ធានី​សាណា ​ហើយ​បន្ទាប់​ពី​ក្រុម​ឧទ្ទាម​ស៊ីអ៊ីត ដោះលែង​រូបគាត់​ក្រោយ​ពីលោក​ត្រូវ​បាន​ឃុំឃាំង​នៅ​ក្នុង​លំនៅដ្ឋាន​អស់​ជាច្រើន​សប្តាហ៍។​

ជំនួយ​ការនោះបាន​ប្រាប់​ដល់​បណ្តាញ​សារព័ត៌មាន​លោក​ខាង​លិច​កាលពី​ថ្ងៃ​សៅរ៍​ថា​លោក​ហាឌី បាន​ធ្វើ​ដំណើរ​ទៅ​ទីក្រុង​អាដេន ដែល​នៅ​ភាគខាងត្បូង​ប្រទេស និង​ជាទីក្រុង​កំណើត​របស់​លោក។​

អតីត​ប្រធានាធិបតី​នេះ​ត្រូវ​បាន​ឃុំ​ឃាំង​នៅ​ក្នុង​លំនៅដ្ឋាន​បន្ទាប់​ពី​ត្រូវ​បាន​ចាប់​ខ្លួន​កាលពី​ខែមុន​ជាមួយ​នឹង​រដ្ឋ​មន្ត្រី​ជាច្រើន​រូប​របស់លោក ​នៅ​ពេល​ដែល​ក្រុម​ឧទ្ទាម​ហ៊ូទី​ដែល​កាន់​សាសនា​អ៊ីស្លាម​និកាយស៊ីអ៊ីត​បាន​ផ្តួល​រំលំ​រដ្ឋាភិបាល​យ៉េមែន។

ក្រុម​ប្រឹក្សា​សន្តិសុខ​អង្គការ​សហប្រជាជាតិ​បាន​អនុម័ត​សេចក្តី​សម្រេច​ចិត្ត​មួយ​កាលពី​ដើម​សប្តាហ៍​នេះ​ ដោយ​ទាមទារ​ឲ្យ​ក្រុម​ឧទ្ទាម​ហ៊ូទី ប្រគល់​អំណាច​មកលោកហាឌី​និង​រដ្ឋាភិបាល​វិញ។ លោក​ហាឌី ត្រូវ​បាន​សហរដ្ឋ​អាមេរិក​គាំទ្រ។​

ប្រទេស​យ៉េមែន បាន​ហ៊ុំ​ព័ទ្ធ​ដោយ​ចលាចល​នយោបាយ​ចាប់​តាំងពី​ក្រុមឧទ្ទាម​ហ៊ូទី​កាន់​កាប់​ទីក្រុង​សាណា​កាលពី​ខែ​កញ្ញា​ឆ្នាំមុន៕

XS
SM
MD
LG