ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ស្រ្តី​ដំបូង​​ត្រូវ​បាន​បោះ​ឆ្នោត​​ក្នុង​តំណែង​នៃ​​ការិយាល័យ​សាធារណៈនៅ​អារ៉ាប់​ប៊ីសាអូឌីត


ស្រ្តី​អារ៉ាប់ប៊ី​សាអូឌីត បោះ​ឆ្នោត​នៅ​ឯ​ស្ថានីយ​បោះ​ឆ្នោត​មួយ​ ក្នុង​អំឡុង​ពេល​បោះ​ឆ្នោត​​​ក្រុម​ប្រឹក្សា​ក្រុង នៅ​ប្រទេស​អារ៉ាប់​ប៊ី​ សាអូឌីត​ កាល​ពី​ថ្ងៃ​ទី១២​ ខែ​ធ្នូ​ ឆ្នាំ​២០១៥។​
ស្រ្តី​អារ៉ាប់ប៊ី​សាអូឌីត បោះ​ឆ្នោត​នៅ​ឯ​ស្ថានីយ​បោះ​ឆ្នោត​មួយ​ ក្នុង​អំឡុង​ពេល​បោះ​ឆ្នោត​​​ក្រុម​ប្រឹក្សា​ក្រុង នៅ​ប្រទេស​អារ៉ាប់​ប៊ី​ សាអូឌីត​ កាល​ពី​ថ្ងៃ​ទី១២​ ខែ​ធ្នូ​ ឆ្នាំ​២០១៥។​

ស្រ្តី​ជា​ច្រើន​បានទទួល​អាសនៈ​ក្នុងក្រុម​ប្រឹក្សា​ក្រុង នៅ​ក្នុង​ការ​បោះឆ្នោតលើក​ទី​មួយ​នៅ​ប្រទេស​អារ៉ាប់​ប៊ី​សាអូឌីត​ ដែល​បើក​ឲ្យ​ក្រុមអ្នក​បោះឆ្នោត​ស្រ្តីនិង​បេក្ខជន​ស្រ្តី​ចូល​រួម​។

លទ្ធផល​ដំបូង​ៗកាល​ពី​ថ្ងៃ​អាទិត្យ​បង្ហាញ​ថា ​លោកស្រី​ Salma bint Hizab al-Oteibi​បាន​ទទួល​ជ័យ​ជម្នះ​ជា​លើក​ទី​មួយ​សម្រាប់​ស្រ្តី​ដែល​បាន​ឈរ​ឈ្មោះ​សម្រាប់​អាសនៈ​ក្រុម​ប្រឹក្សា​ក្រុង ​ដោយ​បាន​យក​ឈ្នះបុរស​៧នាក់​ហើយ​និង​ស្រ្តី​២​នាក់​ទៀត​សម្រាប់​តំណែង​នៅ​ក្នុង​ក្រុង Madrakahដែល​ស្ថិត​នៅ​ចម្ងាយ​១៥០ Km ភាគ​ខាង​ជើង​ទីក្រុងMecca។

ប្រព័ន្ធ​វែបសាយ​របស់​រដ្ឋ​ហើយ​និង​ទីភ្នាក់​ងារ​ព័ត៌មាន​ឯករាជ្យ​បាន​ប្រាប់​ឲ្យ​ដឹង​ថា ​ជន​ជាតិ​អារ៉ាប់ប៊ីសាអូឌីត ​អាច​បោះឆ្នោត​ជ្រើសរើស​ស្រ្តី​រហូត​ដល់​១៧​នាក់ ​ក៏​ប៉ុន្តែ​លទ្ធផល​នៃ​ការ​រាប់​សន្លឹក​ឆ្នោត​ចុងក្រោយ​មិន​ទាន់​ប្រកាស​នៅ​ឡើយ​ទេ។

​អង្គការ​សិទ្ធិ​មនុស្ស​ Human Rights Watch ​បាន​រាយការណ៍​ថា បេក្ខ​ជន​៩០០​នាក់​នៃ​បេក្ខជន​ទាំងអស់​៦​០០០​នាក់​នៅ​ក្នុង​ការ​បោះឆ្នោត​មូលដ្ឋាន​ជាស្រ្តី ​ថ្វី​បើ​មាន​ឧបសគ្គ​នៅ​ក្នុង​ការ​ឈរឈ្មោះ​និង​ចុះ​ឈ្មោះ​បោះឆ្នោត​ក៏ដោយ។​ អង្គការ​សិទ្ធិ​មនុស្ស​នោះ ​ប្រាប់​ឲ្យ​ដឹង​ទៀត​ថា​ មជ្ឈមណ្ឌល​បោះឆ្នោត​នៅ​ឆ្ងាយ​ៗ​ហើយ​និងអត្តសញ្ញាណ​ប័ណ្ណ​សម្រាប់​បោះឆ្នោត​ដែល​ស្រ្តីជា​ច្រើនមិន​មាន​ បាន​បង្អាក់​ដំណើរ​ការ​បោះឆ្នោត​នោះ។

​មន្រ្តី​អារ៉ាប់ប៊ីសាអូឌីត​ម្នាក់​បាន​និយាយ​ថា ​ស្រ្តី​ប្រហែល​១​៣០.០០០​នាក់ ​បាន​ចុះ​ឈ្មោះ​បោះឆ្នោត​នៅ​ស្ថានីយ​បោះឆ្នោត​កាល​ពី​ថ្ងៃ​សៅរ៍​ ដែល​ជា​ចំនួនមួយ​ភាគ​ដប់​នៃ​ចំនួន​បុរស​ដែល​បាន​ចុះ​ឈ្មោះ​បោះឆ្នោត៕

XS
SM
MD
LG