អគ្គិភ័យនៅឯស្ថានីយប្រេងឥន្ធនៈមួយកន្លែងក្នុងតំបន់ Dagestan ភាគខាងត្បូងប្រទេសរុស្ស៊ីកាលពីយប់ថ្ងៃចន្ទបានសម្លាប់មនុស្សយ៉ាងតិចណាស់ក៏៣០នាក់ដែររួមទាំងកូនក្មេង៣នាក់ផង។ នេះបើតាមក្រសួងសេវាកម្មសង្គ្រោះបន្ទាន់របស់រុស្ស៊ីនៅថ្ងៃអង្គារនេះ ហើយត្រូវបានរាយការណ៍ដោយទីភ្នាក់ងារសារព័ត៌មាន Reuters។
ពួកមន្ត្រីបាននិយាយថា អគ្គិភ័យបានចាប់ផ្តើមនៅឯកន្លែងជួសជុលរថយន្តមួយនៅតាមផ្លូវ Highway នៅក្នុងរដ្ឋធានី Makhachkala នៃតំបន់ Dagestan កាលពីយប់ថ្ងៃចន្ទ ហើយបានបណ្តាលឱ្យផ្ទុះនៅពេលដែលវាបានរាលដាលទៅកាន់ស្ថានីយផ្ទុកប្រេងឥន្ធនៈនៅក្បែនោះ។
អ្នកឃើញហេតុការណ៍ផ្ទាល់ភ្នែកម្នាក់បាននិយាយថា «វាដូចជាសង្គ្រាមនៅទីនេះអ៊ីចឹង»។
រូបភាពដែលត្រូវបានចែករំលែកដោយក្រសួងសេវាកម្មសង្គ្រោះបន្ទាន់បានបង្ហាញពីពួកអ្នកពន្លត់អគ្គិភ័យព្យាយាមពន្លត់ភ្លើងឆេះដ៏ខ្លាំងក្លានៅពេលដែលអណ្តាតភ្លើងបានឡើងខ្ពស់ទៅផ្ទៃមេឃនៅពេលយប់។
រូបភាពដែលចុះផ្សាយនៅតាម Online បានបង្ហាញពីការឆេះអគារមួយជាន់។ នេះបើតាមសេចក្តីរាយការណ៍របស់ទូរទស្សន៍នៃទីភ្នាក់ងារសារព័ត៌មាន Reuters។
ការឆេះនេះបានធ្វើឱ្យពួកអ្នកពន្លត់អគ្គិភ័យចំណាយពេល៣ម៉ោងកន្លះពន្លត់ភ្លើងនោះដែលបានរាលដាលទៅកាន់តំបន់មួយដែលមានទំហំ ៦០០ ម៉ែត្រការ៉េ។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន TASS ដែលបានដកស្រង់សេចក្តីថ្លែងការណ៍ពីសេវាកម្មសង្គ្រោះបន្ទាន់របស់រុស្ស៊ី៕
អគ្គិភ័យនៅស្ថានីយប្រេងឥន្ធនៈសម្លាប់មនុស្ស៣០នាក់និងរបួសរាប់សិបនាក់
- Reuters
ទីក្រុងមូស្គូ —
