ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ភស្តុតាង​ពាក់ព័ន្ធ​នឹង​ការ​ត្រៀមខ្លួន​របស់​ចិន​ក្នុង​ការ​ចូលជ្រៀតជ្រែក​ការបោះ​ឆ្នោត​សហរដ្ឋអាមេរិក​


រូបភាព​ឯកសារ៖ ប្រជាជន​មកដល់​ការិយាល័យ​បោះ​ឆ្នោត​នៅ Kennebunk Town Hall ក្នុង​ទីក្រុង​ Kennebunk រដ្ឋ Maine កាលពី​ថ្ងៃទី​១២ ខែមិថុនា ឆ្នាំ ២០១៨។

ប្រទេសចិន​អាច​នឹង​ទទួល​យក​តួនាទី​ថ្មី​មួយ​ដែល​បាន​ប្រើ​ដោយ​រុស្ស៊ី​ក្នុង​ការចូល​ជ្រៀតជ្រែក​ការបោះឆ្នោត​ប្រធានាធិបតី​អាមេរិក​កាល​ពីឆ្នាំ២០១៦ ដោយ​ផ្ដោត​លើ​គណៈកម្មាធិការ​កិច្ចការ​នយោបាយ​របស់​សហរដ្ឋអាមេរិក​និង​ក្រុមការងារ​ជំនាញ​ជាច្រើន​ទៀត​តាមរយៈ​សារ​អេឡិចត្រូនិក​ក្លែងក្លាយ។

តាមរយៈ​ការអង្កេត​របស់​ក្រុមហ៊ុន FireEyeដែល​ជា​ក្រុមហ៊ុន​ឯកជន​ខាង​សន្តិសុខ​បណ្តាញ​ពិភព​អ៊ិនធឺណិត​នៅ​តែ​ចោទ​ជា​បញ្ហា​នៅឡើយ​ដែល​ក្នុងនោះ​រួមមាន​សំណួរ​នានា​ពាក់ព័ន្ធនឹង​ តើ​ព័ត៌មាន​ប្រភេទ​ដែល​អាច​ធ្វើ​ឲ្យ​ចិន​វាយប្រហារ​បាន? ប្រសិន​បើ​មាន​តើ​ក្រុងប៉េកាំង​នឹង​យក​ព័ត៌មាន​នោះ​ទៅ​ប្រើប្រាស់​តាម​វិធី​ណា? ទាំងនេះ​គឺ​ជា​ចំណុច​ដែល​គេ​នៅ​មិន​ទាន់​ដឹង​ច្បាស់​នៅឡើយ។

ក្រុមហ៊ុន FireEyeបាន​ប្រាប់VOA តាមរយៈ​សារអេឡិចត្រូនិក​ឬEmailថា«យើង​មិន​ទាន់​បាន​អង្កេត​ពី​សកម្មភាព​របស់​ពួក​អ្នកវាយប្រហារ​ដែល​បង្ហាញ​ថា​តើមាន​ការលើក​ទឹក​ចិត្ត​ឲ្យ​ធ្វើ​ ឬ​ធ្វើ​ដោយ​ចេតនា​នោះ​ឡើយ»។

ប៉ុន្តែ​បន្ថែម​ទៅ​នឹង​ការកើនឡើង​នៃ​ក្តីបារម្ភ​ដែល​ថា​ប្រទេសចិន​លែង​ជា​អ្នក​លួច​យក​ព័ត៌មាន​ឬ​ជា​អ្នកជំរុញ​អំណាច​យោធា​ឬ​ជោគវាសនា​របស់​ក្រុមហ៊ុន​បច្ចេកវិទ្យា​របស់​ចិន​តទៅ​ទៀត​នោះ​ ប្រទេសចិន​អាច​នឹង​ត្រៀម​ខ្លួន​រួចរាល់​ដើម្បី​ធ្វើ​ការ​បណ្តុះបណ្តាល​សមត្ថភាព​ផ្នែកសន្តិសុខ​អ៊ិនធឺណិត​ឲ្យ​កាន់​តែ​ខ្លាំង​ជាង​មុន ​និងគោលបំណង​ផ្នែក​យុទ្ធសាស្រ្ត។

បន្ថែម​ពី​ការ​យក​ពន្ធ​លើ​ទំនិញ​របស់​ចិន​ដែល​មាន​តម្លៃ​រាប់រយពាន់លាន​ដុល្លារ​ដែល​ជា​ផ្នែក​មួយ​កំពុង​បង្កើន​ឲ្យ​មាន​សង្គ្រាម​ពាណិជ្ជកម្ម​នោះ​ លោក ប្រធានាធិបតី Donald Trump កាល​ពី​ថ្ងៃពុធ​បាន​ចោទ​ប្រកាន់​ប្រទេសចិន​ថា «ប្រទេសចិន​ចង់​ឲ្យ​ខ្ញុំ​ចាញ់ឆ្នោត​ពីព្រោះ​ថា​អាមេរិក​មិន​ដែល​ធ្វើ​ដូច្នេះ​ដាក់​ចិន​ពី​មុន​មកទេ»៕​

XS
SM
MD
LG